Ka ki ici wapatahakaniwitc Jean 21:7 - Kice Manito Ocki Omirwatcimowin

⁷ Ekoni ke ici cawerimak kaskina awik ke sokikapowitc, ni ka miraw kaskina aniheriw. Nin ke Okice Manitomitc, kaie ‘ninitcanic’ ni ka iterimaw.

Ka ki ici wapatahakaniwitc Jean 21:7 Iomraidhean Croise

Matio 19:29

Kaskina aniki ka ki nakatakik omikiwamiwawa nin otci, kaie otaskiwawa, kekotc ka ki nakatatcik octesiwawa, omisiwawa, ocimiwawa, otawiwawa, okawiwawa, kekotc onitcaniciwawa, awocamec mitato mitana tatwaw kata mirakaniwiwok e iteritakonik, kaie kakike pimatisiwiniw kata mirakaniwiwok.

Matio 25:21

Okimama itiko: ‘Mirwatikwatc e miro arotakaniin, mocak ke ki asperimototakoin. Ki ki pe miro irapatcitan anahwe memantcic ka ki awihitan. Nipara aci ki ka acotamatin, kirawe ka akitakok. Ekoci pe nta orapi kitci mirwatikotaikw.’”

Matio 25:34

Minawatc anahwe okimaw kata itew anahweriw onihiwinik ka icikapowiritci: ‘Petcimotekw, kirawaw ka cawerimitakw Notawi. Pe nta otapinamokw ohwe Okimawin ka wi mirikoiekw, aci weckatc ka ki nisawitakaniwok kirawaw otci, esko ka kiceritcikatek aski.

Mark 10:17

Mia e iti matcatc Cecoc, aci pe mowinitiko peikw iriniwa, e tca nipiskoctakotc, e kokwetcimikotc: “Miro kiskinohamake iriniw, tan ke ki totaman kitci ki mirikoian kakike pimatisiwin?”

Rome iriniwok 8:14

Kaskina meka iriniwok ka keskinowirikotcik Kice Manito Omiro Manitowa, Kice Manito anihi onitcanica.

Rome iriniwok 8:19

Kaskina ka ki ici kiceritak Kice Manito micta pehomakaniw kitci wapatahiwetc awin anihi onitcanica.

2 Corinthe iriniwok 6:16

Matci ia kata ki arakaniwiriwa omanitokaniwawa iriniwok aka ka kiskerimatcik Kice Manitowa neta Kice Manito okitci aiamihe mikiwamik? Mia meka mitowi Kice Manito ka pimatisitc okitci aiamihe mikiwam kit iteritakosinano neta ka ici taciketc. Wir meka tipirawe ki itew: “Ni ka witci tacikemawok iriniwok kaie ni ka pimotewan neta e ici taciketcik. ‘Nikice Manitominan’ ni ka iterimikok, kirika ‘nitirinimak’ ni ka iterimawok.” Lévitique 26.12; Ézékiel 37.27

2 Corinthe iriniwok 6:18

Mia ‘kitata’ ni ka iterimitison kirawaw otci, ‘nikosak’ acitc ‘nitanisak’ ki ka iterimitinawaw.” 2 Samuel 7.14; Ésaïe 43.6 Ekoni ka ki itetc Teperitciketc, anahwe ka mawotci mackawisitc.

Hébreux iriniwok 8:10

‘Ekoni tca ke icinakok ocki acotamakewin minawatc ke totaman Israël iriniwok otci,’ itew Teperitciketc. ‘Ni ka actawan nitirakonikewiniw omitoneritcikaniwak, ni ka masinahamwan pitc otehiwak. “Nikice Manitominan” ni ka iterimikok, kirika “nitirinimak” ni ka iterimawok.

1 Pien 3:9

Kecpin e akohikoiekw, nama ki ka kiwe akohiwanawaw. Kecpin e marerimikoiekw, nama ki ka kiwe mareritcikanawaw. Nitowatc ki ka itawaw anahwe ka totatakw: “Nit asperimon kitci cawerimisk Kice Manito.” Enkweriw meka ka ki ititakw Kice Manito ka wicamitakw kitci nosanehwekw, kaie kirawaw kitci cawerimikoiekw.

Ka ki ici wapatahakaniwitc Jean 2:11

Acteriw kaskina iriniwok ka kackitatcik kitci petawitcik wewerita kitci natotawatcik Miro Manitowa e itaritci nitirinima. Aniki ke cakotcitatcik ka maratanik nama nicwaw kata nipowok.”

Ka ki ici wapatahakaniwitc Jean 2:17

Acteriw kaskina iriniwok ka kackitatcik kitci petawitcik wewerita kitci natotawatcik Miro Manitowa e itaritci nitirinima. Aniki ke cakotcitatcik ka maratanik ni ka mirawok kitci mowatcik pakwecikana ka karakaniwiritci, ‘manne’ ka icinikatakaniwiritci. Kaie tato neta e tacitcik ni ka mirawok asiniwa e wapapiskisiritci, e masinaterik ocki icinikasowiniw. Tepirak aniki ke mirakaniwitcik ocki icinikasowiniw kata kiskeritamok, nama kotak awik.”

Ka ki ici wapatahakaniwitc Jean 2:25

Wewerita aric kanaweritamokw e ici tapweritamekw, nac kitci pe takocinian.

Ka ki ici wapatahakaniwitc Jean 2:7

Acteriw kaskina iriniwok ka kackitatcik kitci petawitcik wewerita kitci natotawatcik Miro Manitowa e itaritci nitirinima. Aniki ke cakotcitatcik ka maratanik ni ka mirawok kitci mowatcik wapimina neta wapiminatikok ka nitawikiritci Kice Manito okitikan askik. Enkweriw ka otci pimatisinaniwonik.”

Ka ki ici wapatahakaniwitc Jean 21:3

Ni ki petawaw awik e arimwetc e sokitakositc, neta itekera e otewetak okimaw tetapiwakanik, e itetc: “Aci Kice Manito ki ocitaw ke ici taciketc, ekota neta iriniwok kaie wirawaw ke ici taciketcik. Kaskina kata witci tacikemew, kaie enkweriw ni ke otirinimitc. Wir tipirawe Kice Manito kata witcewew. Enkweriw ni kaie ke Okice Manitomitcik.