Ka ki ici wapatahakaniwitc Jean 21:6 - Kice Manito Ocki Omirwatcimowin

⁶ Kiapatc ni ki itikw: “Aci nit ickwa toten! Nin kaskina ka ki kitciparitaian, nin kaie kaskina ke ickwanaman. Aci ni tacikatai kaskina kekocic ka kitciparik, kaie mocak ni ka tacikan nac kaskina kekocic ickwaparike. Anahwe ka pakatamotc, ni ka miraw nipiriw kitci minikwetc, aka kekwariw kitci koski nataweritamwak. Aniheriw nipiriw ke mirak neta otcipariniw moskitciwonipekok e ici otacikowinik nipiriw ka pimatisickakemakanik.

Ka ki ici wapatahakaniwitc Jean 21:6 Iomraidhean Croise

Jean 4:10

Ki itew Cecoc: “Kecpin ki kiskeritaman e ici miriwetc Kice Manito, kaie kecpin ki kiskerimatc awin anahwe ka nataweritamask nipiriw e wi minikwetc, ki ta nataweritamawaw nipiriw. Ki ta tca mirikw nipiriw ka pimatisihiwemakanik.”

Jean 4:11

Itew anahwe iskwew: “Okimaw, nama takon ke ki natopewakein, kirika kickaiaw ohwe otahipan. Tan ke ki totaman kir kitci ki otinaman anihe nipi ka pimatisihiwemakak?

Jean 4:14

Anahwe aric ke minikwetc nipiriw nin ke mirak, nama wiskat awocamec kata pakatamo. Aniheriw meka nipiriw nin ke mirak mia nipi ka moskitciwok kata ispariniw opimatisiwinik, kakike pimatisiwin mocak kitci ki otci pimitciwok.”

Rome iriniwok 3:24

Aric Kice Manito, e micarik omirotehewin, ki cawerimew icikowisk kitci iteritakosiritci, aka e petatc kitci koski mirikotc kekociciriw, e ki iciticohwatc Cecoc Krist kitci akwacimikoweritci.

Rome iriniwok 8:32

Nama meka ki otci matcikonew wir tipirawe Okosa, aric ki pakiterimew kitci pe nta niporitci kaskina kirano otci. Ekoni tca ka otci kiskeritamokw kitci miritokw kaskina kekociciriw.

1 Corinthe iriniwok 2:12

Kirano tca, Miro Manito ki ki mirikowinano. Nama ota askik otciparin. Kice Manito ki ki mirikono wir tipirawe Omiro Omanitoma, kitci ki kiskeritamokw ka ici cawerimitokw.

1 Corinthe iriniwok 3:12

Atita apatcitawok osawo coriariw kaie coriariw kekotc ma asiniwa ka misakitakosiritci e ocitatcik mikiwamiriw ite ka ici teticterik. Minawatc kotakihik, mictikw kekotc napakitokwa kekotc ma mackociriw apatcitawok.

1 Corinthe iriniwok 3:21

Nama tca actew awik kitci mirwatcimatc kotak iriniwa, kitci itikotc mawotci kicteritakosiriw kitci ki nosanehwakaniwiritci okiskinohamakewiniw. Aci meka kaskina ki ki ickwa mirikowinawaw.

1 Corinthe iriniwok 3:5

Tan mia e irapatisitc Apollos? Tan tca e irapatisian nin Pwar? Tepirak nit atoskectawanan Kice Manito, ka ki mirikoiak kitci witcihitak kitci tapwerimekw. Tato neta e taciak ni otamironan kotc e ici nataweritak Teperitciketc.

Ka ki ici wapatahakaniwitc Jean 1:11

Ni ki pe itikowin: “Masinaha masinahikanik kaskina ke ici wapataman. Iciticahamowik ka nicowasotenwesitcik iriniwok, Kice Manito otirinima, ka mawotcihitotcik kitci aiamihatcik e tapwerimatcik Cecoca nete otenak ka tacikeritci ka icinikaterik Éphèse, Smyrne, Pergame, Thyatire, Sardes, Philadelphie kaie Laodicée.”

Ka ki ici wapatahakaniwitc Jean 1:17

Ka wapamak ni ki pakicinin e nipiskoparian e ici nanipowitc, mia e ki nipoan ka isparian. Ki pe actaw onihiwini otcitci nictikwanik, e icitc: “Aka koctatci! Ninctam ni ki tan epwamoci kaskina kekocic takok, kaie nin ni ka ickwanen kaskina kekocic.

Ka ki ici wapatahakaniwitc Jean 1:8

“Nin kaskina ka ki kitciparitaian, nin kaie kaskina ke ickwanaman,” itew Teperitciketc Kice Manito, ka mawotci mackawisitc. “Nin ka taian anotc, mocak ka ki taian, kaie nikanik ke pe taian.”

Ka ki ici wapatahakaniwitc Jean 10:6

Ki nespi tapwew, Kice Manitowa oticinikasowiniw e apatcitatc, anihi mocak ka pimatisiritci, ka ki kiceritamiritci wakwek, kaskina e ici takonik, kaie askiriw acitc kaskina e ici takonik, kaie kitcikamiriw kirika kaskina e ici takonik, e itetc: “Nama awocamec ki ka petanano kitci pe iciwepak!

Ka ki ici wapatahakaniwitc Jean 16:17

Minawatc mamitcitc anahwe aceriw, ekoni aci nicowaso, ki sikinam orakan icpimik. Ki petakosiw e micta sokitakositc, nte itekera okimaw tetapiwakanik e otci petakositc, pitakamik kitci aiamihe mikiwamik e acterik, e itetc: “Ekoni e icinakok!”

Ka ki ici wapatahakaniwitc Jean 22:13

Nin kaskina ka ki kitciparitaian, nin kaie kaskina ke ickwanaman. Ninctam ni ki tan epwamoci kaskina kekocic, nin kaie mamitcitc ke taian. Aci ni tacikatai kaskina kekocic ka kitciparik, kaie mocak ni ka tacikan nac kaskina kekocic ickwaparike.

Ka ki ici wapatahakaniwitc Jean 22:17

Miro Manito kaie anahwe iskwew ka ki ocki nipowitc itewok: “Pe ica!” Kaie kaskina awik ka natotak ohweriw, kaie wir kitci itetc: “Pe ica!” Kecpin awik e pakatamotc, kata pe icaw. Kecpin awik e nataweritak kitci minikwetc nipiriw ka pimatisickakemakanik, kata mirakaniwiw. Nama soka kata kiwe pakitinam kekociciriw.

Ka ki ici wapatahakaniwitc Jean 3:14

Minawatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Laodicée otenak: Enko ohweriw ka itetc anahwe ka icinikatakaniwitc ‘Amen,’ mocak ke ki asperimototawakaniwitc kitci witak tapwewiniw, mocak e tapwetc. Enko na ka otciparinik kaskina Kice Manitowa ka ki ici nitawikitaritci.

Ka ki ici wapatahakaniwitc Jean 7:17

Kata mihikowok meka anihi Maritcenica neta tetawitc ka nanipowispan okimaw tetapiwakanik, mitowi awik ka nanakatcihatc omaritcenicima kitci iteritakosiritci. Kata iciwirikowok moskitciwonipekok e otci moskitciwonik nipiriw ka pimatisihiwemakanik. Kirika Kice Manito kata pekotcapohew e macikowinik omatowinapowaw.”