Ka ki ici wapatahakaniwitc Jean 21:3 - Kice Manito Ocki Omirwatcimowin

³ Ni ki petawaw awik e arimwetc e sokitakositc, neta itekera e otewetak okimaw tetapiwakanik, e itetc: “Aci Kice Manito ki ocitaw ke ici taciketc, ekota neta iriniwok kaie wirawaw ke ici taciketcik. Kaskina kata witci tacikemew, kaie enkweriw ni ke otirinimitc. Wir tipirawe Kice Manito kata witcewew. Enkweriw ni kaie ke Okice Manitomitcik.

Ka ki ici wapatahakaniwitc Jean 21:3 Iomraidhean Croise

Jean 1:14

Ki pe iriniwiw anahwe ka iteritakositc Itewin. Ni ki pe nta witci tacikemikonan, e micta mirotehetc kirika tekaci e tapweritakositc. Aci ni ki wapatamwanan oticperitakosiwin, aniheriw icperitakosiwiniw Kotawino Kice Manito ka ki miratc Okosa e peikociritci.

Jean 14:23

Aci minawatc itew Cecoc: “Anahwe ka sakihitc kata sapitam ka itewak. Notawiwa kata sakihiko. Ni ka natawapamanan, Notawi kirika nin, kaie ni ka witci tacikemanan otehik.

2 Corinthe iriniwok 6:16

Matci ia kata ki arakaniwiriwa omanitokaniwawa iriniwok aka ka kiskerimatcik Kice Manitowa neta Kice Manito okitci aiamihe mikiwamik? Mia meka mitowi Kice Manito ka pimatisitc okitci aiamihe mikiwam kit iteritakosinano neta ka ici taciketc. Wir meka tipirawe ki itew: “Ni ka witci tacikemawok iriniwok kaie ni ka pimotewan neta e ici taciketcik. ‘Nikice Manitominan’ ni ka iterimikok, kirika ‘nitirinimak’ ni ka iterimawok.” Lévitique 26.12; Ézékiel 37.27

2 Corinthe iriniwok 6:18

Mia ‘kitata’ ni ka iterimitison kirawaw otci, ‘nikosak’ acitc ‘nitanisak’ ki ka iterimitinawaw.” 2 Samuel 7.14; Ésaïe 43.6 Ekoni ka ki itetc Teperitciketc, anahwe ka mawotci mackawisitc.

1 Thessalonique irinowok 3:11

Ni pakoserimananak wir tipirawe Kice Manito Kotawino kaie Ka Tiperimitokw Cecoc kitci ocitatcik meskanariw kitci mirocimonik kitci ki natawapamitak.

Hébreux iriniwok 11:16

Tapwe wirata nataweritamopanak askiriw kirawe e mirwacinik patok aniheriw ka ki nakatakwapan. Wi itwaniwon, nataweritamawakopan tacikewiniw wakwek. Ekoni wetci aka waneritak Kice Manito kitci icinikatikotc “Nikice Manitominan.” Aci meka ki wecitawew otenariw ke ici pimatisiritci.

Hébreux iriniwok 8:10

‘Ekoni tca ke icinakok ocki acotamakewin minawatc ke totaman Israël iriniwok otci,’ itew Teperitciketc. ‘Ni ka actawan nitirakonikewiniw omitoneritcikaniwak, ni ka masinahamwan pitc otehiwak. “Nikice Manitominan” ni ka iterimikok, kirika “nitirinimak” ni ka iterimawok.

Hébreux iriniwok 8:2

Weckatc makatewokorewok otamirowakopan rakasimonikiwamik, iriniwok e ki orekahakwapan. Wir aric Cecoc atoskectawew Kice Manitowa otitawinik wakwek, neta ka ici mawotci kitcitwaweritakonik, wir Teperitciketc ka ki ocitatc, namaiew iriniw.

Ka ki ici wapatahakaniwitc Jean 10:4

Ka ickwa petakositcik onimiskiwok e arimwetcik, ekoni ka ici nta masinahaman aniheriw ka ki itetcik. Aric ni ki petawaw kotak awik e icitc, wakwek e otewetak: “Aka masinaha ka ki itetcik aniki e nicowatcitcik onimiskiwok, aka awik kitci kiskeritak.”

Ka ki ici wapatahakaniwitc Jean 10:8

Minawatc anahwe ka ki pe otci aimihitc wakwek e otewetak kiapatc ni ki aimihikw, e icitc: “Matca nta otapina masinahikanicic ka cetik, aceriw ka takonak, neta ka nanipowitc kitcikamik kirika askik.”

Ka ki ici wapatahakaniwitc Jean 12:10

Minawatc ni ki petawaw awik e arimwetc e micta sokitakositc, wakwek e otewetak, e itetc: “Aci otcitciparin kitci akwacimitokw Kikice Manitomino! Aci ickwa wapatahiwew e apitc mackawisitc, wir e okimamiikw! Aci anihi ka ki itespan kitci pe iciticohwatc kitci pe nta akwacimimitokw ki wapatahiweriw wir e tiperitcikeritci. Ki orowepinakaniwiw meka anahwe ka itactahoriwetc, kitci nitciwepinakaniwitc anahwe mocak ka wi itactahoratc kiwitcicaninowa, anahwe nikanik ka nanipowispan neta Kikice Manitomino e ici nanipowiritci, aspinikotc kitci ki itactahoratc iriniwa, e kicikarik kaie e tipiskarik.

Ka ki ici wapatahakaniwitc Jean 21:7

Ekoni ke ici cawerimak kaskina awik ke sokikapowitc, ni ka miraw kaskina aniheriw. Nin ke Okice Manitomitc, kaie ‘ninitcanic’ ni ka iterimaw.

Ka ki ici wapatahakaniwitc Jean 22:3

Nama kata takon neta kekocic otenak Kice Manito kitci itetc “nama mirwacin.” Okimaw otetapiwakaniwaw Kice Manito kaie anahwe Maritcenic, ekota neta otenak ke acterik. Ka atoskectawatcik Kice Manitowa kata kicterimewok.

Ka ki ici wapatahakaniwitc Jean 7:15

Ekoni wetci nanipowitcik nikanik Kice Manitowa okimaw otetapiwakanirik, kape kickwa kaie kape tipiskwa e atoskectawatcik neta okitci aiamihe mikiwamirik. Anahwe ka apitc okimaw tetapiwakanik nanakatcihew anahweriw iriniwa.