Ka ki ici wapatahakaniwitc Jean 21:2 - Kice Manito Ocki Omirwatcimowin

² Ni ki wapatamwan anihe otenaw ka kitcitwaweritakok, enko ni ocki Jérusalem. Ekota nta ka otciparik wakwek, Kice Manito e ki pe iciticahak, e ki wecitakaniwok kitci micta mirwacik, mitowi iskwew ka wecihitisotc kitci mirositc e natawapamatc iriniwa kitci nipowitcik.

Ka ki ici wapatahakaniwitc Jean 21:2 Iomraidhean Croise

Jean 3:29

Mitowi e nipowinaniwok, iriniw e nipowitc, tariw otiskwema e wikimatc. Okwimesa anahwe iriniw ka nipowitc pecotcik icikapowiriw. Micta mireritamiriwa e petakotc e arimwetc. Ekoni peikon e apitc kaie nin mireritaman. Anotc aci ni kice mireriten.

2 Corinthe iriniwok 11:2

Ki otcinawekerimitinawaw e asitci sakihitakok, e natawerimitakok wircike Kice Manito kitci natotawekw. Wir tipirawe Kice Manito e ki miritc kitci ici otcinawekeritaman. Ekoni meka e icinakosiekw: mia mitowi ickwecic aka wiskat ka ki otci kiskerimatc iriniwa, ka ki nespi tapweritci otawiwa kitci mirakaniwitc peikw iriniwa kitci nipowitc. Nin tca kotawiwaw e iterimitisoan, e ki witcihitakok kitci kiskerimekw Krist, wircike kitci tiperimitakw.

Hébreux iriniwok 11:10

Petakopan meka Abraham nikotin kitci wapatak otenariw ka sokarik e ici teticterik, Kice Manitowa ka ki oreritamiritci ke icinakonik kirika ka ki tcimatatc.

Hébreux iriniwok 11:16

Tapwe wirata nataweritamopanak askiriw kirawe e mirwacinik patok aniheriw ka ki nakatakwapan. Wi itwaniwon, nataweritamawakopan tacikewiniw wakwek. Ekoni wetci aka waneritak Kice Manito kitci icinikatikotc “Nikice Manitominan.” Aci meka ki wecitawew otenariw ke ici pimatisiritci.

Hébreux iriniwok 12:22

Aric kirawaw, pitoc isparin kitci pecowapamekw Kice Manito. Mia mitowi ki ki natcikapowictenawaw matina Sion ka icinikatek, neta e ici acterik otenam Kice Manito ka pimatisitc, Jérusalem e icinikaterik aniheriw otenariw nete icpimik wakwek ka ici takonik, e kice mitcetiritci aceriwa e mawotcihitoritci nete e mireritamiritci.

Hébreux iriniwok 13:14

Nama meka takon otenaw ota askik kakike kitci nokok. Ki nantonenano otenaw mocak nikanik ke takok.

Ka ki ici wapatahakaniwitc Jean 1:1

Ota masinahikanik masinatew tipatcimowin, Cecoc Krist ka ki pe otitikotc. Kice Manitowa ki miriko kitci wapataharitci iriniwa ka atoskectakoritci ke iti iciwepanik nikanik wipatcikan. Krist ki pe iciticahwew otacerima kitci pe nta witamawitc ke ici kiskeritamwak, nin Jean ka icinikasoan, e atoskectawak.

Ka ki ici wapatahakaniwitc Jean 1:4

Nin Jean ka masinahaman ohwe masinahikan. Ki masinahamatinawaw neta e taciekw ka nicowasotenwesiekw mawotcihitoekw kitci aiamihaiekw e tapwerimekw Cecoc, nete ka tacikeiekw Asie askik: Ni pakoserimaw Kice Manito kitci cawerimitakw omirotehewin kaie pekaterimowiniw, wir ka tatc anotc, kaie mocak ka ki pe tatc, acitc nikanik ke pe icatc. Kaie aniki e nicowatcitcik manitowok kitci cawerimitakok ka nanipowitcik nikanik Kice Manitowa okimaw tetapiwakanik.

Ka ki ici wapatahakaniwitc Jean 1:9

Nin Jean, kiwitcicaniwaw, kaie nin e witcewak Cecoc, mitowi kirawaw. Ki witcewitinawaw, kaskina tapickotc e pimoteikw e arimiparik e tiperimitokw Cecoc Okimawinik, kaie tapickotc e sokikapowiikw. Nin ni ki kipohokowin minictikok Patmos ka icinikatek, e ki pa tipatcimoian Kice Manito otitewin, kaie aniheriw tapwewiniw Cecoc ka ki petatc.

Ka ki ici wapatahakaniwitc Jean 11:2

Nama aric ki ka tipahen anihe aski orowitimik kitci aiamihe mikiwamik e ici takok. Neta orowitimik ki mirakaniwiwok iriniwok aka ka nosanehwatcik Kice Manitowa, ekota neta ke pa tatakoskatakik otenamiriw ka kitcitwaweritakonik, nemitana acitc nicw pisimwa irikik.

Ka ki ici wapatahakaniwitc Jean 21:10

Miro Manito ni ki pe nta pitciteheckakw. Aceriw ni ki iciwirikw onoskotc e micta icpatinarik. Ni ki wapatahikw aniheriw otenariw ka kitcitwaweritakonik, Jérusalem, wakwek e pe otciparinikipan, Kice Manitowa e ki pe iciticahamiritci.

Ka ki ici wapatahakaniwitc Jean 21:9

Minawatc ni ki wapamaw aceriw e pe natawapamitc. Enko na peikw e nicowatcitcik aceriwok ka takonakipan orakaniw ka mockinerik mamitcitc nekatcitawiniw. Ni ki itikw: “Pe ica, ki ka wapatahitin owiwa Maritcenic ka ki nipowitc.”

Ka ki ici wapatahakaniwitc Jean 22:17

Miro Manito kaie anahwe iskwew ka ki ocki nipowitc itewok: “Pe ica!” Kaie kaskina awik ka natotak ohweriw, kaie wir kitci itetc: “Pe ica!” Kecpin awik e pakatamotc, kata pe icaw. Kecpin awik e nataweritak kitci minikwetc nipiriw ka pimatisickakemakanik, kata mirakaniwiw. Nama soka kata kiwe pakitinam kekociciriw.

Ka ki ici wapatahakaniwitc Jean 22:19

Kecpin awik peikw maninake e itasinaterik ka ici nikan tipatcimonaniwok ota masinahikanik, kata maninamako Kice Manitowa aka kitci mowaritci anahweriw wapimina ka nitawikiritci neta wapiminatikok ka otci pimatisinaniwonik, ka ki iteritakipan kitci miratc kitci mowaritci. Nama kaie kata pitakahakaniwiw neta otenak ka kitcitwaweritakonik. Aci ickwa witcikatew ota masinahikanik ke icinakok anihe otenaw acitc ke icinakositc anahwe wapiminatikw.

Ka ki ici wapatahakaniwitc Jean 3:12

Aniki ke cakotcitatcik ka maratanik ni ka arawok mitowi apocowatikw e micta sokaskotik, Kice Manito okitci aiamihe mikiwamik ka takok. Nama wiskat minawatc kata orowiwok. Ni ka masinahamwan oskitikowak e icinikasoritci Kice Manitowa, kaie e icinikaterik otenamiriw. Enko anihe otenaw ‘Ocki Jérusalem’ ka icinikatek, wakwek kitci pe otciparik, Nikice Manitom ke pe iciticahak. Ni ka masinahamwan kaie ocki niticinikasowin oskitikowak.