Ka ki ici wapatahakaniwitc Jean 20:4 - Kice Manito Ocki Omirwatcimowin

⁴ Minawatc ni ki wapaten okimaw tetapiwakana. Aniki neta ka apiwaspan ki mirakaniwiwok kitci tipaskoniketcik. Kaie ni ki wapamimawok iriniwok Kice Manitowa ka nosanehwatcik otcitcakociwawa, aniki ka ki ickwanakaniwiwakopanen, e ki pa tipatcimotcik Cecoca tapwe e tiperitcikeritci, kaie anahweriw e ki tipatatakik Kice Manitowa otitewiniw. Nama ki otci kicterimewok wirawaw anihi matci awesisa kaie manitokana mia ka icinakosiritci. Nama ki otci mirakaniwiwok matci awesisa okicawatcikaniw oskitikowak, nama kaie otcitciwak. Ki koski pimatisiwok, kaie tapickotc ki tiperitcikewok kirika Krist peikwaw kice mitato mitana tato pipona irikik.

Ka ki ici wapatahakaniwitc Jean 20:4 Iomraidhean Croise

Matio 19:28

Itew Cecoc: “Tapwe ohwe ka witamatakok: apitc kaskina kekocic ocitakaniwoke mia ocki kitci icinakok, anahwe Ka ki pe iriniwihitisotc pe nta apite neta okimaw tetapiwakanik ka micta kicteritakonik kitci tiperitciketc, kirawaw e mitato acitc niciekw ka ki pe nosanehwiekw kaie kirawaw papeikw okimaw tetapiwakanik ki ka apinawaw, kitci tipaskonekok Israël iriniwok e mitato acitc nicw otenwesitcik.

Matio 24:10

Ani apitc mitcet ka tapwerimitcik kata wepakonamok otapwetamowiniwaw. Kata wecimitowok kaie kata cikerimitowok.

Mark 6:16

Ka petak Hérode aniheriw e iteritci, aci itew: “Capatis na ka ki iteiapan kitci kickikwecowakaniwitc, ki aric apitcipaw!”

Mark 6:27

Tecikotc ki iciticahwew peikw ocimakanicima kitci petaritci Capatisa octikwaniw. Ki icaw anahwe cimakanic neta kipohotowikamikok e tca kickikwekohatc Capatisa.

Mark 9:11

Minawatc kokwetcimewok Cecoca: “Kekwariw wetci itetcik ka kiskinohamaketcik cota aiamihe irakonikewiniw wirctam anihi Éliwa kitci pe icaritci?”

Luc Omasinahikan 1:17

Kata pe tipatcimo Teperitcikeritci otci, e sokitehetc kaie e micta mackawisitc, mia weckatc e itatisirispana ka nikan tipatcimoritci, Élie ka ki icinikasoritci, kitci ki witcihatc iriniwa kitci koski miroparihitoritci kirika onitcaniciwawa, kaie kitci ki witcihatc iriniwa aka ka sapitowaritci Kice Manitowa kitci omiro omitoneritcikaniritci, mia aniki aci icikowisk ka iteritakositcik. Ekoni ke totak kikosis kitci ki ickwa aiketcik iriniwok pe takociniritena Teperitcikeritci.”

Luc Omasinahikan 14:14

Ki ka tca micta caweritakosin. Nama meka aniki ki ka ki tapictakok. Aric Kice Manito ki ka tapictakw apitc apitcipahakaniwitawe aniki kaskina icikowisk ka iteritakositcik.”

Luc Omasinahikan 22:30

Ki ka witci mitcisominawaw acitc ki ka witci minikweminawaw nete Nokimawinik. Kirika e taciekw papeikw okimaw tetapiwakanik ki ka apinawaw, kitci tipaskonekok Israël iriniwok e mitato acitc nicw otenwesitcik.”

Jean 14:19

Aci kekatc nama awocamec ni ka wapamikok iriniwok ka nosanetatcik matci meskanariw ota askik. Aric kirawaw ki ka wapaminawaw, osam meka nin e pimatisian, kaie kirawaw tca e pimatisiekw.

Rome iriniwok 11:15

Apitc Kice Manito ka atimikapowictawatc cota iriniwa, ki pe natawapamew kotakihi iriniwa ota askik kitci ki nahitotaritci kirika wir. Aric kirawe kiapatc kata mirwinakon cota iriniwok niheritakawe, mia e apitcipatcik ke icinakositcik aniki ka ki nipowaspan otaiamihewiniwak.

Rome iriniwok 8:17

Ki kiskeritenano tca, Kice Manito onitcanica e iteritakosiikw, kaie kirano kitci ki otitikoikw kaskina aniheriw ka ki itetc kitci miratc onitcanica. Kaskina tapickotc ki ka pe otitikonano kirika Krist. Kecpin meka tapickotc nekatcitaikwe kirika Cecoc, tapickotc kaie ki ka witci tacikemano oticperitakosiwinik.

2 Timothée 2:12

Kecpin mocak sokikapowiikwe e nekatcitaikw, tapickotc ki ka tiperitcikanano kirika wir. Kecpin pakiterimokwe, kaie wir ki ka pakiterimikono.

Ka ki ici wapatahakaniwitc Jean 1:2

Kaskina ni witen ota ka ki ici icinaman: Kice Manito otitewin kaie Cecoc Krist ka ki itetc e tapwemakanik.

Ka ki ici wapatahakaniwitc Jean 1:9

Nin Jean, kiwitcicaniwaw, kaie nin e witcewak Cecoc, mitowi kirawaw. Ki witcewitinawaw, kaskina tapickotc e pimoteikw e arimiparik e tiperimitokw Cecoc Okimawinik, kaie tapickotc e sokikapowiikw. Nin ni ki kipohokowin minictikok Patmos ka icinikatek, e ki pa tipatcimoian Kice Manito otitewin, kaie aniheriw tapwewiniw Cecoc ka ki petatc.

Ka ki ici wapatahakaniwitc Jean 11:11

Aric, ka ickwa nicto kickokarik acitc apita, aniki iriniwok e nicitcik ki potatikowok Kice Manitowa kitci koski pimatisitcik. Ki pasikowok. Kaskina ka ki wapamatcik ki micta sekisiwok.

Ka ki ici wapatahakaniwitc Jean 11:15

Minawatc kotak aceriw ki kweckoctatam okweckoctatcikan. Ekoni aci nicowaso. Enko na mamitcitc ka ki kweckoctatciketc. Ki petakon icpimik e arimwaniwok e micta sokitakok, e itemakak: “Aci ickwa otcitciparin anahwe Ka Tiperimitokw tekaci kitci tiperitak ota askik, kirika anihi ka ki pe iciticohwatc kitci akwacimiweritci. Nespitc kata tiperitam!”

Ka ki ici wapatahakaniwitc Jean 11:3

Ni ka iciticohwawok nicw iriniwok kitci arimwetcik nin otci, kitci tipatatakik ka ici kiskeritakik. Kata makateaspisowok kitci wapatahiwetcik e nekateritakik. Kata pa tipatatamok tipatcimowiniw ka ki mirikotcik Kice Manitowa, peikwaw kice mitato mitana acitc nicwaw mitato mitana acitc nikotwaso mitana tato kickwa irikik.”

Ka ki ici wapatahakaniwitc Jean 11:7

Ickwa pa tipatcimotawe aniheriw otipatcimowiniw, matci awesis ka pe orowitc neta ka pokoneckarik ka micta wararik kata kwackotitotawew e wi macikowatc anihi iriniwa e niciritci. Kata cakotcihew kaie kata nipahew.

Ka ki ici wapatahakaniwitc Jean 12:11

Kiwitcicaninowok ki cakotcihewok anihi ka itactahoriweritci, Maritcenic e ki pakitinak omikw kitci macikowinik ka nipotc wirawaw otci, kirika osam e tipatatakik Kice Manitowa otipatcimowiniw. Nama ki otci manatcitawok opimatisiwiniwaw, kaie kitci pakiterimitisotcik kitci nipotcik.

Ka ki ici wapatahakaniwitc Jean 14:11

Ickotekeriw ka akwapiterik ka nekatcihikotcik iriniwok kakike icpapiteriw. Aniki ka ki kicterimatcik anahweriw matci awesisa kaie manitokana mia ka icinakosiritci, acitc aniki kaskina ka ki masinaterik oticinikasowiniw nama wiskat kata arwepiwok, mocak kata ici nekatcitawok e kicikarik kaie e tipiskarik.”

Ka ki ici wapatahakaniwitc Jean 15:2

Minawatc ni ki wapaten kekocic, mia kitcikami e icinakok, e micta wasitek mitowi osapiwakanapiskw, ickote neta pitc e actek. Ni ki wapamawok kaskina ka ki cakotcihatcik anihi matci awesisa kaie anihi manitokana mia ka icinakosiritci, kaie aka ka ki otci naheritakik kitci masinasotcik e tatosinasoritci e icinikasoritci. Ekota nta e nanipowitcik kitcikamik ka osapiwakamiterik, e takonakik aceriw pwapwapikepitcikaniw, Kice Manitowa ka ki mirikotcik.

Ka ki ici wapatahakaniwitc Jean 17:8

Anahwe matci awesis ka ki wapamatc weckatc pimatisipan, aci aric nama pimatisiw. Kata orowiw neta ka pokoneckarik ka micta wararik. Kata tca nta ickwanakaniwiw. Iriniwok ka pimatisitcik ota askik aka ka masinaterik oticinikasowiniwaw neta Pimatisi Masinahikanik esko ka kiceritcikaterik askiriw, kata mamiskaterimewok anihi matci awesisa. Pimatisipan meka weckatc, anotc aci aka e pimatisitc, minawatc kata pe koski takociniw.”

Ka ki ici wapatahakaniwitc Jean 2:26

Aniki ke cakotcitatcik ka maratanik, kaie ke nosanetatcik e ici nataweritamawak nac kitci koski takociniwak, ni ka mirawok tiperitamowiniw, mia peikon aniheriw tiperitamowiniw Notawi ka ki miritc, kitci mihatcik kaskina iriniwa e aicinakosiritci ota askik, kotc e itemakanik Kice Manito Omasinahikan: ‘Kata micta mackawisiwok mihatawe, kaie kata pactohwewok anahweriw aka ka natotamiritci, mia awik e pactahak orakaniw ka askiwonik.’ Psaumes 2.8-9 Kaie ni ka mirawok wapan atcikoca.

Ka ki ici wapatahakaniwitc Jean 20:6

Caweritakosiwok kaie kitcitwaweritakosiwok aniki wirctamiwaw ka ki apitcipatcik! Nama nicwaw kata ki poni pimatisiwok. Kata makatewokorewiwok kitci atoskectawatcik Kice Manitowa kaie Krist, kaie tapickotc kata tiperitcikewok kirika anihi Krist peikwaw kice mitato mitana tato pipona irikik.

Ka ki ici wapatahakaniwitc Jean 22:5

Nama awocamec kata tipiskaw. Nama soka kata apatcitawok wactenamakaniw kitci wacterik, kaie peikon pisimwa. Wir meka tipirawe Teperitciketc Kice Manito kata wactenamawew. Nespitc kata tiperitamok.

Ka ki ici wapatahakaniwitc Jean 3:21

Aniki ke cakotcitatcik ka maratanik ni ka mirawok kitci pe apitcik neta nokimaw tetapiwakanik e ici apiwak, tapickotc kitci tiperitamak, mitowi kaie nin ka totaman ka ickwa cakotcitaian ka maratak, e ki nta apian Notawi e ici apitc okimaw tetapiwakanik.

Ka ki ici wapatahakaniwitc Jean 4:4

Waska anihe okimaw tetapiwakanik nicitana acitc new tatinopan kotakihi okimaw tetapiwakana. Ekota neta e apiwaspan nicitana acitc new ka kiceatisitcik, e wapekohowaspan, kaie octikwaniwak okimaw actotiniw e osawo coriawapiskowonik e apatcitawaspan.

Ka ki ici wapatahakaniwitc Jean 6:9

Minawatc Maritcenic ki pikopitam kotakeriw kipotcickiwokisikaniw, ekoni aci niaran. Minawatc ni ki wapamimawok iriniwok otcakocimiwaw, cekotc e ici miciniritci neta ko ka ici aiamihe pakitinikaniwonik, kaskina aniki otcitcakociwawa ka ki pe nipahakaniwitcik, osam e ki tipatcimotcik Kice Manito otitewiniw mocak e ki tipatatakik ka totamiritci Kice Manitowa.

Ka ki ici wapatahakaniwitc Jean 7:3

“Aka moci akotakw aski kaie kitcikami, peikon kaie mictikok nama moci ki ka akohawawok. Ki ka petanawaw patoc ickwa masinahamake okipotcickiwokisikan Kikice Manitomino oskitikowarik ka ki atoskectakotc.”