Ka ki ici wapatahakaniwitc Jean 20:12 - Kice Manito Ocki Omirwatcimowin

¹² Minawatc ni ki wapamawok ka ki poni pimatisiwaspan, aniki ka kicteritakositcik, kaie aniki aka ka kicteritakositcik. Ekota neta nikanik e nanipowitcik anihe okimaw tetapiwakanik. Ki cenikatewa masinahikana, minawatc kotak peikw ki cenikatew masinahikan: Pimatisi Masinahikan. Ki tipaskonakaniwiwok ka poni pimatisitcik, e ki kanawapatcikaterik ka ki totakik mekwata ka pimatisitcik, ekoni ka itasinahikateki anihi masinahikana.

Ka ki ici wapatahakaniwitc Jean 20:12 Iomraidhean Croise

Matio 11:22

Ekoni tca wetci witamatakok: takociparike anihe ke kicikak kitci tipaskonikaniwok, kirawe kata ariman kirawaw ke ici anwerimikoiekw patok aniki Tyr otenak kirika Sidon otenak ka taciketcik ke ici anwerimakaniwitcik.

Matio 16:27

Anahwe meka Ka ki pe iriniwihitisotc kata pe takociniw Otawiwa oticperitakosiwinik kirika otacerimiriw kitci pe witcewikoritci. Kata tca mirew kaskina papeikw iriniwa ka ki ici kackitamatisoritci, kotc ka ki ici totamiritci.

Luc Omasinahikan 10:20

Aka aric mireritamokw e sapitatakok matci manitowok. Ohwe kirawe mireritamokw: e ki masinahikateki kiticinikasowiniwaw wakwek.”

Ka ki aitotiskeritci Cecoc otarotakana 24:15

Nit asperimototawaw Kice Manito, mitowi kaie wirawaw ka ici asperimototawatcik: kaskina iriniwok, ka miro iriniwitcik kaie peikon ka matci iriniwitcik kitci apitcipahakaniwitcik.

Rome iriniwok 2:6

Kata mamirew tato nta e taciritci iriniwa aniheriw ka ki ici kackitamatisoritci.

1 Corinthe iriniwok 4:5

Ekoni tca wetci actek aka kitci tipaskonekw kiwitc iriniwaw, epwamoci otcitciparik apitc ke iteritak Kice Manito kitci totcikaterik. Pehakw Teperitciketc kitci pe koski takocik. Kata wactenam kitci nokonik ka ki pe ici katakaniwonik e ici kiski tipiskarik. Kata pe nta nokotaw kaskina iriniwa ka ki pe ici nataweritamiritci kimotc otehirik. Ani apitc tato awik kata pe otitiko mirwatcimowiniw, kotc ka ki ici kackitamatisotc.

2 Corinthe iriniwok 5:10

Nikotin meka kaskina e taciikw nikanik ki ka icikapowictawanano Cecoc Krist kitci ki tipaskonitokw. Tato tca nta e taciikw kata pe otitiko ka ki ici kackitamatisotc, kitci tca kanawapatcikaterik ka totak e mirwacinik kekotc e maratanik, mekwata ota askik e pimatisiikw.

Pirip iriniwok 4:3

Kaie kir mocak ka miro witc otamiromiin, ki nataweritamatin kitci witcihatcik. Mictahi meka ni ki witcihikok e tipatataman Mirwatcimowiniw, kaie anaha Clément kirika kotakihik e ki witcihitcik e otamirowak. Kaskina masinateriwa oticinikasowiniwaw Pimatisi Masinahikanik.

Ka ki ici wapatahakaniwitc Jean 11:18

Iriniwok kaskina wiec e wetcitcik ota askik aka ka kiskerimiskik ki iti micta kiciwasiwok. Aci aric otcitciparin kir kitci wapatahatcik e apitc kiciwasiin. Ekoni apitc ke otcitciparik kitci tipaskonatcik kaskina ka nipotcik, kitci cawerimatcik ka ki atoskectaskik e ki nikan tipatcimotcik, kaie kaskina ka tiperimatcik acitc ka kicterimiskik, ka kicteritakositcik kaie peikon aka ka kicteritakositcik. Aci kaie otcitciparin kitci niciwonatcihakaniwitcik iriniwok ka akotatcik askiriw.”

Ka ki ici wapatahakaniwitc Jean 13:8

Kaskina iriniwok e tacitcik ota askik ki kicterimewok anihi matci awesisa, kaskina aniki aka ka masinaterik oticinikasowiniwaw neta Pimatisi Masinahikanik esko ka kiceritcikaterik askiriw. Maritcenic ka ki nipahakanitc, enko na ka tiperitak aniheriw masinahikaniw.

Ka ki ici wapatahakaniwitc Jean 17:8

Anahwe matci awesis ka ki wapamatc weckatc pimatisipan, aci aric nama pimatisiw. Kata orowiw neta ka pokoneckarik ka micta wararik. Kata tca nta ickwanakaniwiw. Iriniwok ka pimatisitcik ota askik aka ka masinaterik oticinikasowiniwaw neta Pimatisi Masinahikanik esko ka kiceritcikaterik askiriw, kata mamiskaterimewok anihi matci awesisa. Pimatisipan meka weckatc, anotc aci aka e pimatisitc, minawatc kata pe koski takociniw.”

Ka ki ici wapatahakaniwitc Jean 19:5

Kiapatc ki petakosiw awik e arimwetc, neta itekera e otci petakositc okimaw tetapiwakanik, e itetc: “Alléluia! Mirwatcimatan Kikice Manitomino, kaskina e taciekw ka atoskectawekw kaie ka kicterimekw, kirawaw ka kicteritakosiekw, peikon kaie kirawaw aka ka iteritakosiekw ‘kicteritakosiwok’!”

Ka ki ici wapatahakaniwitc Jean 2:23

Kaie ni ka nipahimawok onitcanica. Ekoni tca ke otci kiskeritakik kaskina ka tapwerimitcik, nin kaskina e kiskerimakik e iteritakik iriniwok kaie e icinakonik otehiwaw. Tato neta e taciekw ni ka miraw ka ki ici kackitamatisotc.

Ka ki ici wapatahakaniwitc Jean 20:11

Minawatc ni ki wapaten peikw micta okimaw tetapiwakan e wapak, kaie ni ki wapamaw awik neta e apitc. Aski kirika wakwek ki ocimoctakwinano, aka awocamec e ki otci nokoki.

Ka ki ici wapatahakaniwitc Jean 20:13

Kaskina ka ki poni pimatisitcik e kwapawetcik, ekota neta ka otci pe orowitcik nipik. Kaie kotakihik ka ki poni pimatisitcik ki pe orowiwok kaie wirawaw nipowinik, kirika neta ka ici kanaweritakositcik ka poni pimatisitcik. Kaskina ki tipaskonakaniwiwok e ki kanawapatcikaterik ka ki pe totakwapan.

Ka ki ici wapatahakaniwitc Jean 20:15

Kecpin awik aka ki otci masinaterik oticinikasowin neta Pimatisi Masinahikanik, ki iciwepinakaniwiw neta ickote sakihikanik.

Ka ki ici wapatahakaniwitc Jean 21:27

Nama aric kekocic e maratak kata pitakewotakaniwon neta otenak, nama kaie awik ka matcatikositc, nama kaie ka wi nta kiraskitc ko kata ki pitakew neta. Tepirak aniki kata pitakewok oticinikasowiniwaw ka masinaterik neta Pimatisi Masinahikanik, Maritcenic ka takonik.

Ka ki ici wapatahakaniwitc Jean 22:12

Cecoc itew: “Natota! Aci peconakon kitci pe koski takocinian! Ni ka petan ke ici cawerimakik kaskina papeikw iriniwok, ka ki ici nta kackitamatisotcik.

Ka ki ici wapatahakaniwitc Jean 3:5

Aniki ke cakotcitatcik ka maratanik kata ici wapaspisowok. Nama wiskat ni ka kasisinahamwan oticinikasowiniwaw Pimatisi Masinahikanik. Notawi Kice Manito kaie otacerima ni ka witamawawok ohweriw: Enko aniki nin tipirawe nitirinimak.