Ka ki ici wapatahakaniwitc Jean 2:9 - Kice Manito Ocki Omirwatcimowin

⁹ Ni kiskeriten e arimisiekw kaie e kitimakisiekw. Aric tapwe ki micikitanawaw kitcitcakociwak itekera! Ni kiskeritamwan e ici marerimitakok atita iriniwok ka icinikatisotcik ‘cota iriniwok,’ aric aka tapwe e iteritakositcik. Matci Manitowa nosanehwewok.

Ka ki ici wapatahakaniwitc Jean 2:9 Iomraidhean Croise

Matio 4:10

Aci itew Cecoc: “Matca, Matci Manito! Itemakan meka Kice Manito Omasinahikanik: ‘Ki ka kicterimaw Kikice Manitom Ka Tiperitciketc. Wir tepirak ki ka atoskectawaw.’” Deutéronome 6.13

Luc Omasinahikan 12:21

Aci minawatc itew Cecoc: “Ekoni e iciwepasitc awik ka mawotcitatc kitci ki micikitatc, wir tepirak e mamitonerimitisotc, aka aric e micikitatc Kice Manitowa e iterimikotc.”

Luc Omasinahikan 22:65

Kaskina wiec kiapatc aitawakopan e marerimatcik.

Luc Omasinahikan 4:18

“‘Teperitciketc Omiro Manitoma ni tiperimimikw. Ni ki orapamikw kitci nta tipatcimoctawakik ka kitimakisitcik Mirwatcimowiniw. Ni ki iciticohokw kitci nta witamawakik iriniwok ka kipohowakaniwitcik aci kitci pakitinakaniwitcik, kaie kitci witamawakik iriniwok aka ka wapitcik aci kitci wapitcik, kirika kitci nta wikotcihakik iriniwok ka nekatcihakaniwitcik,

Luc Omasinahikan 6:20

Cecoc ki kanawapamew owitcewakana, e itatc: “Ki caweritakosinawaw, kirawaw ka kitimakisiekw. Kice Manito Okimawin kit ici tatenawaw!

Jean 16:33

Ki ki witamatinawaw anihe kitci pekateritamekw kitehiwak, mocak e witcewiekw. Ota askik ki ka nekatcitanawaw. Aric sokerimokw! Aci kaskina ni ki cakotcitan ka maratak ota askik!”

Ka ki aitotiskeritci Cecoc otarotakana 14:22

Ki witcihewok kotakihi ka tapwerimaritci Cecoca kitci sokiteheritci, kaie ki wikosimewok mocak kitci sokikapowitcik e asperimototawaritci Kice Manitowa, kirika e itatcik: “Mictahi arimisiwinik ki ka ici pimotanano kitci ki pitakeikw Kice Manito Okimawinik.”

Ka ki aitotiskeritci Cecoc otarotakana 26:11

Mocak e pa icaiapan cota aiamihe mikiwamiskak ni totetai kitci kicakonakaniwitcik kaie ni wi cakosimataik kitci itetcik aka awocamec kitci tapwerimatcik Cecoca. E apitc nataweritamapan kitci ponitatcik e nosanehwatcik, ni nosanehwataik kotakihik askik e pa nekatcihakwapan.”

Rome iriniwok 12:12

Mocak mireritamokw e mamitoneritamekw e ici asperimoekw. Ciciperitamokw nakickamekwe arimisiwin. Mocak aiamihakw.

Rome iriniwok 2:17

Aric kir “ni cota iriniwin” kit itwan. Kit asperimototen cota aiamihe irakonikewin kirika ki micta kicteriten e tiperimisk Kikice Manitom.

Rome iriniwok 5:3

Wawatc ki mireritenano misawatc e arimiparihokw. Ki kiskeritenano meka, ekota ni wetciparik ciciperitamowin, e nekatcitaikw.

Rome iriniwok 8:35

Nama kekociciriw kata nakackako Cecoc Krist e sakihitokw, nama arimisiwin, nekatcitawin, mareritcikewin, pakatewin, kitimakisiwin, kecpin nakickamokwe e koctatakok, kekotc nipowin.

Rome iriniwok 9:6

Nama nte ni wi itwan Kice Manito aka e ki otci totak onespi tapwewin. Israël iriniwok meka nama kaskina otci iteritakosiriwa Kice Manito otirinima.

2 Corinthe iriniwok 6:10

Ni kackeritamihikowinan, aric peikon mocak ni mirerimonan. Nit iterimikowinan “kitimakisiwok,” aric ni witcihananak mitcet iriniwok kitci micikitatcik otcitcakociwak itekera. Nit iterimikowinan “nama kekociciriw ici tatamok,” aka e kiskeritakik kaskina miro kekwan e ici tatamak.

2 Corinthe iriniwok 8:2

Ki nekatcitawok kirika ki kitimakisiwok, aric mocak ki mireritamok acitc ki micta cawerimewok kotakihi iriniwa kaie wirawaw ka notepariritci kekociciriw, misawatc wirawaw tipirawe e kitimakisitcik. Ekoni ka ici wapatahiwetcik e mirotehetcik.

2 Corinthe iriniwok 8:9

Ki kiskeritamwanawaw meka anahwe Ka Tiperimitokw Cecoc Krist omirotehewin: wir ka micikitaspan ki pakiterimitiso kitci kitimakisitc kirawaw otci, kitci ki tca micikitaiekw kitehiwak, osam wir e ki kitimakisitc.

1 Thessalonique irinowok 3:4

Tapwe wirata, mekwata ka tacikeiak nete kotenamiwak ki ki nikan witamatinan nikotin kitci pe otcitciparik kitci nekatcihikoikw. Ekoni mekwata tapwe ka isparik. Ki kiskeritenawaw anihe.

1 Timothée 1:13

misawatc weckatc e ki marerimak epwamoci kiskerimak, e ki nekatcihak kaie e ki pokonemak. Aric ni ki kitimakerimikw Kice Manito, osam aka moci e kiskerimakipan kitci ki tapwerimakipan, aka tca e kiskeritamapan e totamapan.

1 Timothée 6:18

Witamawik kitci miro totakik, kitci mitcenik omiro totamowiniwaw, kitci mirotehetcik, kaie mocak kitci cawerimatcik owitc iriniwawa e ici notepariritci.

Ka ki ici wapatahakaniwitc Jean 1:9

Nin Jean, kiwitcicaniwaw, kaie nin e witcewak Cecoc, mitowi kirawaw. Ki witcewitinawaw, kaskina tapickotc e pimoteikw e arimiparik e tiperimitokw Cecoc Okimawinik, kaie tapickotc e sokikapowiikw. Nin ni ki kipohokowin minictikok Patmos ka icinikatek, e ki pa tipatcimoian Kice Manito otitewin, kaie aniheriw tapwewiniw Cecoc ka ki petatc.

Ka ki ici wapatahakaniwitc Jean 2:13

Ni kiskeriten ka ici tacikeiekw: neta Matci Manito ka ici apitc okimaw tetapiwakanik. Aric mocak ki pe nosanehwinawaw. Nama ki ki otci wepinenawaw e tapwerimiekw, misawatc Antipas e ki nipahakaniwitc neta kotenamiwak, mocak anahwe ka ki atoskectawitc. Ekota nta kotenamiwak, neta Matci Manito ka ici taciketc.

Ka ki ici wapatahakaniwitc Jean 2:2

Ni kiskeriten e aitotamekw. Ni kiskeriten ka ici arimihitisoekw e mantokasoekw kirika e sokikapowiekw e nakickamekw arimisiwin. Ni kiskeriten aka e pakitinekok ka matci totakik kitci witcewitakok. Ki ki nanto kiskerimawawok iriniwok ka kiraskitcik e itetcik e ki pe iciticohwakik, namaiew aniki tapwe nitarotakanak. Ki ki nisitowinowawawok e wecimiwetcik.

Ka ki ici wapatahakaniwitc Jean 2:24

Kirawaw aric nete ka tacikeiekw Thyatire otenak, aka ka nosanetaiekw matci arotc kiskinohamakewin, aka kaie e ki otci otapinamekw anihe ka icinikatcikatek ‘Matci Manito okiskeritamowin ka katakaniwonik,’ ohwe ki witamatinawaw: nama takon kotak kekocic ke miritakok kitci totamekw.

Ka ki ici wapatahakaniwitc Jean 3:9

Aric aniki iriniwok ka nosanehwatcik Matci Manitowa, ka kiraskitcik e itetcik ‘ni cota iriniwinan,’ aric aka tapwe e iteritakositcik, wikockatc ni ka pe iciwirawok kitci pe nta nipiskoctatakok kitci kicterimitakok. Kata kiskeritamok e sakihitakok.

Ka ki ici wapatahakaniwitc Jean 7:14

Ni ki itaw: “Kir ki kiskeriten, nokimam.” Aci nit itikw: “Enko aniki ka ki capockakik ka micta nekatcitakaniwonik. Ki kisisipatawok owikasimiwaw kitci wapekinik, aniheriw e apatcitatcik Maritcenic omikoriw.