Ka ki ici wapatahakaniwitc Jean 2:23 - Kice Manito Ocki Omirwatcimowin

²³ Kaie ni ka nipahimawok onitcanica. Ekoni tca ke otci kiskeritakik kaskina ka tapwerimitcik, nin kaskina e kiskerimakik e iteritakik iriniwok kaie e icinakonik otehiwaw. Tato neta e taciekw ni ka miraw ka ki ici kackitamatisotc.

Ka ki ici wapatahakaniwitc Jean 2:23 Iomraidhean Croise

Matio 16:27

Anahwe meka Ka ki pe iriniwihitisotc kata pe takociniw Otawiwa oticperitakosiwinik kirika otacerimiriw kitci pe witcewikoritci. Kata tca mirew kaskina papeikw iriniwa ka ki ici kackitamatisoritci, kotc ka ki ici totamiritci.

Luc Omasinahikan 16:15

Ki itikowok Cecoca: “Kirawaw iriniwok ka nataweritamekw kitci iterimitakok iriniwok ‘icikowisk itatisiwok.’ Aric Kice Manito ki kiskerimikowaw e icinakosiekw kitehiwak. Aniheriw meka ka ici kicteritakik iriniwok, wir Kice Manito cikeritam.”

Jean 21:17

Nac nictowaw, ekoni ka ki kokwetcimikotc Pien: “Simo, Jean okosa, ki sakihin ia?” Aci iti kackeritamokopan Pien, nictowaw e ki kokwetcimikotc Cecoca: “Ki sakihin ia?” Kiapatc itew: “Teperitcikein, kir kaskina kekocic ka kiskeritaman. Ki kiskeriten e sakihitan.” Kiapatc itiko: “Nakatawerimik nimaritcenicimak.

Jean 4:16

Itiko Cecoca: “Matca nta wicami kinapem, minawatc tca pe iciwirakan ota.”

Ka ki aitotiskeritci Cecoc otarotakana 1:24

Minawatc kaskina tapickotc ki aiamihawok e itetcik: “Teperitciketc, kir ka kiskeritamwotcik kaskina iriniwok e icinakositcik otehiwak, wapatahicinan mia neta e nicitcik ka ki orapamatc,

Rome iriniwok 14:12

Wi itwaniwon e itemakak, otcitciparike kitci tipaskonikoikw, tato nta e taciikw kata nta witamawew Kice Manitowa ka ki ici totak kaie wetci ki itotisketc.

Rome iriniwok 8:27

Kice Manito, anahwe ka wapatak e ici takonik kitehinarik, nisitotam e ici nataweritamiritci Miro Manitowa. Aiamihaw meka Miro Manito iriniwa otci ka tapwerimaritci Kice Manitowa, kotc e ici nataweritamiritci.

2 Corinthe iriniwok 5:10

Nikotin meka kaskina e taciikw nikanik ki ka icikapowictawanano Cecoc Krist kitci ki tipaskonitokw. Tato tca nta e taciikw kata pe otitiko ka ki ici kackitamatisotc, kitci tca kanawapatcikaterik ka totak e mirwacinik kekotc e maratanik, mekwata ota askik e pimatisiikw.

Galatie iriniwok 6:5

Tato meka nta e taciikw acteriw kitci miwotatc ka ki ici aitotak.

Hébreux iriniwok 4:13

Nama takoniw ke ki katowakaniwitc Kice Manito. Kaskina wapatam ka ki ici kiceritak kirika ki capo kiskerimikono atamik e aiteritamokw. Wir kaskina ki ka witamawano wetci ki ici itatisiikw.

1 Pien 1:17

E pakoserimekw Kice Manito, “Notawinan” kit icinikatawaw, anahwe ka tipaskonatc kaskina iriniwa, aka atita kirawe e kicterimatc patok kotakihi. Kanawapatam tato papeikw ka ki totamiritci. Ekoni wetci kicteritakok kitci wapatahiweiekw e micta kicterimekw, icikowisk e itatisiekw, irikik ke actek kitci pimatisiekw ota askik.

Ka ki ici wapatahakaniwitc Jean 2:11

Acteriw kaskina iriniwok ka kackitatcik kitci petawitcik wewerita kitci natotawatcik Miro Manitowa e itaritci nitirinima. Aniki ke cakotcitatcik ka maratanik nama nicwaw kata nipowok.”

Ka ki ici wapatahakaniwitc Jean 2:7

Acteriw kaskina iriniwok ka kackitatcik kitci petawitcik wewerita kitci natotawatcik Miro Manitowa e itaritci nitirinima. Aniki ke cakotcitatcik ka maratanik ni ka mirawok kitci mowatcik wapimina neta wapiminatikok ka nitawikiritci Kice Manito okitikan askik. Enkweriw ka otci pimatisinaniwonik.”

Ka ki ici wapatahakaniwitc Jean 20:12

Minawatc ni ki wapamawok ka ki poni pimatisiwaspan, aniki ka kicteritakositcik, kaie aniki aka ka kicteritakositcik. Ekota neta nikanik e nanipowitcik anihe okimaw tetapiwakanik. Ki cenikatewa masinahikana, minawatc kotak peikw ki cenikatew masinahikan: Pimatisi Masinahikan. Ki tipaskonakaniwiwok ka poni pimatisitcik, e ki kanawapatcikaterik ka ki totakik mekwata ka pimatisitcik, ekoni ka itasinahikateki anihi masinahikana.

Ka ki ici wapatahakaniwitc Jean 20:13

Kaskina ka ki poni pimatisitcik e kwapawetcik, ekota neta ka otci pe orowitcik nipik. Kaie kotakihik ka ki poni pimatisitcik ki pe orowiwok kaie wirawaw nipowinik, kirika neta ka ici kanaweritakositcik ka poni pimatisitcik. Kaskina ki tipaskonakaniwiwok e ki kanawapatcikaterik ka ki pe totakwapan.

Ka ki ici wapatahakaniwitc Jean 22:12

Cecoc itew: “Natota! Aci peconakon kitci pe koski takocinian! Ni ka petan ke ici cawerimakik kaskina papeikw iriniwok, ka ki ici nta kackitamatisotcik.

Ka ki ici wapatahakaniwitc Jean 6:8

Ni ki itapin, kiapatc ni ki wapamaw atikw e micta wapinewositc. Anahwe ka okitapispan icinikatakaniwiw “Nipowin.” Pe nosanehikopan kotakihi awiriw ka icinikatakaniwiritci “Neta ka ici niponaniwok.” Ki mirakaniwiwok mackawisiwiniw kitci ki tiperitakik peikw e irikokoskamikarik e ki newo tetawonikaterik, atita iriniwa neta ka tacikeritci ota askik kitci nipahitoritci e natoparinaniwonik, kotakihi tca iriniwa kitci kokateritci kitci niporitci, kotakihi kitci akosiritci kitci niporitci, acitc kotakihi iriniwa kitci nipahikoritci awesisa notcimik ka pimatisiritci.