Ka ki ici wapatahakaniwitc Jean 2:21 - Kice Manito Ocki Omirwatcimowin

²¹ Kinowec ni ki pehaw kitci kweskatisitc. Nama aric wi ponitaw e pacikwatisitc.

Ka ki ici wapatahakaniwitc Jean 2:21 Iomraidhean Croise

Rome iriniwok 9:22

Wir Kice Manito wi wapatahiwekopan okiciwasiwin kirika wi kiskeritamokopan omackawisiwin. Aric micariw ociciperitamowin. Ki iteritam aka tecikotc kitci wapatahatc iriniwa ka ki ici kackitamatisoritci kitci kiciwasictowatc, aci ka ki nisawitcik kitci niponerimakaniwitcik.

1 Pien 3:20

Enko aniki weckatc ka ki pe nipotcik, aka ka ki atimikapowictawatcik Kice Manitowa. Kinowec ki pehikowok epwamoci nipotcik kitci kweskatisitcik, e ciciperitamiritci. Ani apitc mekwata ocitakopan Noé micta tcimaniw. Nicwaso mamo iriniwok ki positcimewok neta micta tcimanik. Nama tca ki otci pakitinikowok Kice Manitowa kitci otcinetcik neta nipik ka riskipoterik askiriw.

2 Pien 3:15

Mamitoneritamokw wetci miroparik kitci ki akwacimikoiekw: osam e ciciperitak anahwe Ka Tiperimitokw. Enkweriw ni peikon ka ki ititakw ka masinahamatakw kiwitcicanino Pwar e sakihokw. Ki ki masinahamakowaw e omiro omitoneritcikanitc, Kice Manitowa e ki mirikotc aniheriw miro mitoneritcikaniw.

2 Pien 3:9

Nama niramisiw Teperitciketc kitci totak ka ki ici nespi tapwetc kitci totak. Otcitakotc kata otcitcipariniw, misawatc atita pitoc e iteritakik. Mictahi ciciperitam kirawaw otci. Nama otci peikw natawerimew kitci oniciniritci. Nataweritam meka kitci miroparinik kaskina kitci atimikapowictamiritci ka maratanik.

Ka ki ici wapatahakaniwitc Jean 16:11

Ki marerimewok Kice Manitowa icpimik ka tacikeritci, e apitc ki wisakeritakik e akositcik ocakawak kaie e micta omikitcik. Nama aric ki otci kweskatisiwok e matci totakik.

Ka ki ici wapatahakaniwitc Jean 16:9

Kaskina iriniwok ki ickwasokowok pisimwa e micta kicasikeritci. Ki mareritamok Kice Manitowa oticinikasowiniw, wir ka tiperitamiritci anihi nekatcitawiniw. Ki anweritamok kitci meckotatisitcik kitci tca icperimatcik Kice Manitowa.