Ka ki ici wapatahakaniwitc Jean 2:2 - Kice Manito Ocki Omirwatcimowin

² Ni kiskeriten e aitotamekw. Ni kiskeriten ka ici arimihitisoekw e mantokasoekw kirika e sokikapowiekw e nakickamekw arimisiwin. Ni kiskeriten aka e pakitinekok ka matci totakik kitci witcewitakok. Ki ki nanto kiskerimawawok iriniwok ka kiraskitcik e itetcik e ki pe iciticohwakik, namaiew aniki tapwe nitarotakanak. Ki ki nisitowinowawawok e wecimiwetcik.

Ka ki ici wapatahakaniwitc Jean 2:2 Iomraidhean Croise

Matio 7:23

Aric ni ka witamawawok: ‘Nama wiskat ki ki otci kiskerimitinawaw. Matcakw nta warawik, aka kitci pecowapamiekw, kirawaw ka matci totamekw!’”

Jean 6:6

—Tepirak e wi nta kiskerimakopanen anihi Piripa wetci ki itetc. Aci meka kiskeritamokopan ke totak.—

Galatie iriniwok 1:7

Tapwe wirata, nama takon kotak mirwatcimowin. Tawok aric iriniwok e kowetowi iteritamihitakok e wi mameckotcitawatcik Krist Omirwatcimowiniw.

Éphèse iriniwok 4:14

Nama tca awocamec mia awacak ki ka itatisinano. Nama aci ki ka otake cakosimikonowok aniki ka onicimiwetcik, arotc aiamihe kiskinohamakewiniw e kiskinohamaketcik. Kiraskimewok owitc iriniwawa tepirak e wi paskewiratcik. Kecpin meka otake cakosimikoikwe, tarasak mia tciman ka matceahotek, arotc ka aitactak e rotik, ekoni ke iteritakosiikw.

1 Thessalonique irinowok 1:3

Tapwe wirata, e pakoserimakitc Kotawino Kice Manito, ki mikawerimitinan e ici miro totamekw e asperimototawekw Ka Tiperimitokw Cecoc Krist, kaie kaketin e otamiroekw osam e sakihekw, kaie peikon mocak e apitc asperimoekw.

1 Thessalonique irinowok 5:21

Aric nta kiskeritamokw kaskina kekocic, kitci kiskeritamekw e apitc nete otciparinikwen Kice Manitok. Kanaweritamokw tca ka mirwacik.

2 Timothée 2:19

Aric kaskina Kice Manito ka otciparik nama mameckotciparin, mocak mackawisimakaniw, tarasak mia e miro manikaniwok, aka wiskat kitci pakitik mikiwam. Itasinatew neta micta asinik wir otci: “Wir tipirawe Teperitciketc kiskerimew otirinima.” Nombres 16.5 Kaie itasinatew kiapatc: “Kaskina awik ka itetc: ‘Ni nosanehwaw Teperitciketc,’ acteriw kitci atimikapowictak matci totamowiniw.”

Hébreux iriniwok 6:10

Mocak icikowisk iteritakosiw Kice Manito. Nama kata onikew ka totamekw kaie ka ki ici wapatahiweiekw e asitci sakihekw, mictahi e ki witcihekok kotakihik iriniwok kaie wirawaw ka tapwerimatcik, kirika anotc kiapatc e witcihekok.

1 Jean 4:1

Nimiro nikwimesak, aka tapwetowakw kaskina awik ka itetc, “Miro Manito ni miwirikw.” Aric ma kokwetcihakw kitci kiskerimekw e apitc ma tapwe Kice Manitowa miwirikokwen. Mitcetiwok meka arotc ka nikan tipatcimotcik ka ki pa icatcik ota askik e itetcik, “ni nikan tipatcimonan Kice Manito otci,” aka aric tapwe e totakik.

Ka ki ici wapatahakaniwitc Jean 2:5

Mamitoneritamokw e asitci warawik pakiciniekw! Meckotatisikw, mia weckatc e itatisiekopanen! Kecpin aka meckotatisiekwe, ki ka natawapamitinawaw kaie ni ka pe nta maninen kiwactenamakaniwaw neta e ici actek.

Ka ki ici wapatahakaniwitc Jean 2:6

Aric ohwe wewerita ki totenawaw: ki cikeritamwanawaw e totakik iriniwok ka nosanehwatcik Nicolas, mitowi nin ka cikeritaman.

Ka ki ici wapatahakaniwitc Jean 2:9

Ni kiskeriten e arimisiekw kaie e kitimakisiekw. Aric tapwe ki micikitanawaw kitcitcakociwak itekera! Ni kiskeritamwan e ici marerimitakok atita iriniwok ka icinikatisotcik ‘cota iriniwok,’ aric aka tapwe e iteritakositcik. Matci Manitowa nosanehwewok.

Ka ki ici wapatahakaniwitc Jean 3:1

Minawatc kiapatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Sardes otenak: Enko ohweriw ka itetc anahwe ka taritci anihi ka nicowatciritci manitowa kaie e nicowatciritci atcikoca: Ni kiskeriten e aitotamekw. Ni kiskeriten iriniwok arotc e iterimitakok ‘pimatisiwok,’ aric tapwe wirata ki niponawaw kitcitcakociwak itekera.

Ka ki ici wapatahakaniwitc Jean 3:15

Ni kiskeriten e aitotamekw. Ni kiskeriten aka mocak e nosanehwiekw, kaie aka tekaci e wepiniekw, mia mitowi nipi e iteritakosiekw aka ka tipi takikamik kaie aka ka tipi kicakamitek. Mocak ki ta nosanehwinawaw, tepirak peikw kitehiwaw kitci apatcitaiekw!

Ka ki ici wapatahakaniwitc Jean 3:8

Ni kiskeriten e aitotamekw. Ni kiskeriten aka orina e mackawisiekw, peikon e ki natotamekw nitarimwewin, aka kaie e ki otci pakiterimiekw. Ni ki tca cenen peikw ickwatem kirawaw otci, aka awik ke ki kipahak.