Ka ki ici wapatahakaniwitc Jean 2:13 - Kice Manito Ocki Omirwatcimowin

¹³ Ni kiskeriten ka ici tacikeiekw: neta Matci Manito ka ici apitc okimaw tetapiwakanik. Aric mocak ki pe nosanehwinawaw. Nama ki ki otci wepinenawaw e tapwerimiekw, misawatc Antipas e ki nipahakaniwitc neta kotenamiwak, mocak anahwe ka ki atoskectawitc. Ekota nta kotenamiwak, neta Matci Manito ka ici taciketc.

Ka ki ici wapatahakaniwitc Jean 2:13 Iomraidhean Croise

Matio 10:23

Kecpin nekatcihikoiekwe peikw otenak, ocimokw, kotak otenak icakw. Tapwe ohwe ka witamatakok: nama moci ki ka ickwa tipatcimonawaw Mirwatcimowin kaskina otenaskak Israël askik epwamoci takocik anahwe Ka ki pe iriniwihitisotc.”

Matio 24:9

“Ki ka pakiterimikowawok iriniwok kitci nekatcihikoiekw kirika kitci nipahikoiekw. Kaskina wiec ki ka cikerimikowinawaw, osam e nosanehwiekw.

Matio 4:10

Aci itew Cecoc: “Matca, Matci Manito! Itemakan meka Kice Manito Omasinahikanik: ‘Ki ka kicterimaw Kikice Manitom Ka Tiperitciketc. Wir tepirak ki ka atoskectawaw.’” Deutéronome 6.13

Luc Omasinahikan 21:17

Kaskina awik ki ka cikerimikowaw, osam e nosanehwiekw.

Ka ki aitotiskeritci Cecoc otarotakana 22:20

Kaie ka nipahakaniwitc Étienne, anahwe ka tipatcimospan kir otci, kaie nin ni tacikatai neta. Kaie nin ni ki ici naherimawok aniki ka ki nipahatcik, kaie ni ki kanaweritamawawok okapotowaniwawa wirawaw otci.’

Ka ki aitotiskeritci Cecoc otarotakana 9:14

Ki miriko cota makatewokorewa ka tiperitamiritci kitci makonatc kaskina anihi iriniwa ota Damas otenak ka tacikeritci ka pakoseritamiritci kiticinikasowiniw.”

1 Thessalonique irinowok 5:21

Aric nta kiskeritamokw kaskina kekocic, kitci kiskeritamekw e apitc nete otciparinikwen Kice Manitok. Kanaweritamokw tca ka mirwacik.

1 Timothée 5:8

Kecpin awik aka nakatawerimate otcirowemakana, picicikw anahweriw ka witci tacikematc, mia e ki atimikapowictak otasperimowin e iteritakositc. Kirawe wir matci totam patok aniki aka ka tapwerimatcik Kice Manitowa.

2 Timothée 1:13

Wewerita ki ka kanaweriten anihe tapwewin ka ki ici kiskinohamatan, mocak kaie kitci sakihiwein, kaie kitci asperimototawotc Cecoc Krist, kotc e ici pimatisinaniwok e mamweritakosinaniwok kirika wir.

2 Timothée 2:12

Kecpin mocak sokikapowiikwe e nekatcitaikw, tapickotc ki ka tiperitcikanano kirika wir. Kecpin pakiterimokwe, kaie wir ki ka pakiterimikono.

Hébreux iriniwok 10:23

Kaketin kanaweritetan kitasperimowinino ka ici tipatatamokw. Mocak meka kata asperimototawakaniwiw Kice Manito kitci totak aniheriw ka ki nespi tapwetc kitci itotisketc.

Hébreux iriniwok 3:6

Kirawe aric wir Krist kicteritakosiw patok Moïse. Enko na Kice Manito Okosa, ka miro mitatc aniheriw omikiwam, ota ka arimotcikaterik, kaskina e totak ka ici mirakaniwitc kitci itotisketc. Kirano tca, tarasak omikiwam e iteritakosiikw, kecpin mocak sokerimoikwe kaie asperimoikwe, kotc e ici tipatatamokw.

Cak ka ki pe ici masinahiketc 2:7

Enko aniki ni kaie ka mareritakik aniheriw ka mawotci mirwacinik icinikasowiniw ka ki mirikoiekw.

Ka ki ici wapatahakaniwitc Jean 1:5

Kaie peikon Cecoc Krist kitci ici cawerimitakw, anahwe mocak wewerita ka tipatcimotc tapwewiniw Kice Manitowa otci, Okosa nictam ka ki pe nitawikiritci, wirctam kaie ka ki apitcipatc, acitc ka tiperimatc kaskina e taciritci okimawa ota askik. Ki sakihikono Krist, kirika ki ki wikotcihikono kipactatowininak, osam e ki nipotc kirano otci, ka pakitinak omikw kitci macikowinik.

Ka ki ici wapatahakaniwitc Jean 11:3

Ni ka iciticohwawok nicw iriniwok kitci arimwetcik nin otci, kitci tipatatakik ka ici kiskeritakik. Kata makateaspisowok kitci wapatahiwetcik e nekateritakik. Kata pa tipatatamok tipatcimowiniw ka ki mirikotcik Kice Manitowa, peikwaw kice mitato mitana acitc nicwaw mitato mitana acitc nikotwaso mitana tato kickwa irikik.”

Ka ki ici wapatahakaniwitc Jean 12:11

Kiwitcicaninowok ki cakotcihewok anihi ka itactahoriweritci, Maritcenic e ki pakitinak omikw kitci macikowinik ka nipotc wirawaw otci, kirika osam e tipatatakik Kice Manitowa otipatcimowiniw. Nama ki otci manatcitawok opimatisiwiniwaw, kaie kitci pakiterimitisotcik kitci nipotcik.

Ka ki ici wapatahakaniwitc Jean 13:2

Anahwe awesis ka wapamak mia piciw e icinakositc. Osit mia masko e icinakonik. Oton mia micapiciw e icinakonik. Atikocimakan ki acotamawew anihi matci awesisa omackawisiwin, kaie omicta otetapiwakan kitci tiperitamiritci, kaie ki mirew tiperitamowiniw e micarik.

Ka ki ici wapatahakaniwitc Jean 14:12

Ekoni wetci acterik mocak kitci ciciperitakik iriniwok ka tiperimikotcik Kice Manitowa, aniki ka sapitakik otirakonikewiniw kaie mocak ka nosanehwatcik Cecoca.

Ka ki ici wapatahakaniwitc Jean 17:14

Kata natoparictawewok Maritcenica. Aric anahwe Maritcenic kata cakotcihew. Wir meka ka tiperimatc kaskina ka tiperitamiritci, wir ka okimawitc kaskina e taciritci okimawa. Kata witcihiko kaskina otirinima, anahweriw iriniwa ka ki orapamatc kaie ka ki wicamatc kitci nosanehikotc, mocak kaie ka asperimototakotc.”

Ka ki ici wapatahakaniwitc Jean 17:6

Ni ki wapamaw anahwe iskwew e kiwockwepitc, e ki minikwetc iriniwa omikoriw, Kice Manito otirinima ka ki nipahakaniwiritci e nosanehwatcik Cecoca. Enkweriw omikowariw ka ki kiwockwepickakotc. Ka wapamak, ni ki micta kockoparin.

Ka ki ici wapatahakaniwitc Jean 2:2

Ni kiskeriten e aitotamekw. Ni kiskeriten ka ici arimihitisoekw e mantokasoekw kirika e sokikapowiekw e nakickamekw arimisiwin. Ni kiskeriten aka e pakitinekok ka matci totakik kitci witcewitakok. Ki ki nanto kiskerimawawok iriniwok ka kiraskitcik e itetcik e ki pe iciticohwakik, namaiew aniki tapwe nitarotakanak. Ki ki nisitowinowawawok e wecimiwetcik.

Ka ki ici wapatahakaniwitc Jean 3:11

Aci peconakon kitci pe koski takocinian! Wewerita kanaweritamokw kitasperimowiniwaw, aka awik kitci maskamatakw ke ici kackitamatisoekw.

Ka ki ici wapatahakaniwitc Jean 3:3

Mikaweritamokw tca anihe kiskinohamakewin ka ki pe otitikoiekw kaie ka ki ici petamekw. Sapitamokw kaie kweskatisikw! Kecpin aka kockosiekwe, kimotc ki ka keskopititinawaw, aka kitci kiskeritamekw apitc ke pe icaian, mia mitowi kimoti iriniw e itotisketc aka e kiskeritakositc apitc ke pe takocik.