Ka ki ici wapatahakaniwitc Jean 2:11 - Kice Manito Ocki Omirwatcimowin11 Acteriw kaskina iriniwok ka kackitatcik kitci petawitcik wewerita kitci natotawatcik Miro Manitowa e itaritci nitirinima. Aniki ke cakotcitatcik ka maratanik nama nicwaw kata nipowok.” Faic an caibideil |
Ka ki ici wapatahakaniwitc Jean 2:11
16 Iomraidhean Croise
Aric kotakihi okitamina ka matce kitikaniwok papakiciniwok nta miro askik. Aci mirokiw nac kitci micta mirwacik anihe kitikan. Aci tca ka takociparik kitci mockinakaniwitcik, mitato mitana tatwaw kirawe nipara ki nitawikiwok.” Minawatc ki itew Cecoc: “Wewerita natotamokw ohwe, kirawaw ka kackitaiekw kitci nisitotamekw!”
Acteriw kaskina iriniwok ka kackitatcik kitci petawitcik wewerita kitci natotawatcik Miro Manitowa e itaritci nitirinima. Aniki ke cakotcitatcik ka maratanik ni ka mirawok kitci mowatcik pakwecikana ka karakaniwiritci, ‘manne’ ka icinikatakaniwiritci. Kaie tato neta e tacitcik ni ka mirawok asiniwa e wapapiskisiritci, e masinaterik ocki icinikasowiniw. Tepirak aniki ke mirakaniwitcik ocki icinikasowiniw kata kiskeritamok, nama kotak awik.”
Aric iriniwok aka e sokeritakik e tapwerimatcik Cecoca, kaie aniki aka ka tapwerimatcik, aniki ka matcatikositcik, kaie aniki ka manohotcik, peikon kaie aniki ka pacikwatisitcik, acitc aniki ka matci totakik e matawositcik ka maratanik e wi ispatakik, kaie ka kicterimatcik manitokana, kaskina aniki ka wi nita kiraskitcik, wirawaw kata iciwepinakaniwiwok ickote sakihikanik ka osawapiterik. Enko ni nicwaw e niponaniwok.”
Aniki ke cakotcitatcik ka maratanik ni ka arawok mitowi apocowatikw e micta sokaskotik, Kice Manito okitci aiamihe mikiwamik ka takok. Nama wiskat minawatc kata orowiwok. Ni ka masinahamwan oskitikowak e icinikasoritci Kice Manitowa, kaie e icinikaterik otenamiriw. Enko anihe otenaw ‘Ocki Jérusalem’ ka icinikatek, wakwek kitci pe otciparik, Nikice Manitom ke pe iciticahak. Ni ka masinahamwan kaie ocki niticinikasowin oskitikowak.
Sanasan