Ka ki ici wapatahakaniwitc Jean 2:10 - Kice Manito Ocki Omirwatcimowin

¹⁰ Akawir koctamokw anihe ke ici nekatcitaiekw. Natotamokw! Matci Manito ki ka kokwetcihikowaw. Kata totam mitcet neta e taciekw kitci iciticohokoiekw kipohotowikamikok. Ki ka nekatcihikowinawaw mitato kickwa irikik. Aka aric ponitakw e asperimototawekw Teperitciketc, misawatc wi nipahikoiekwe. Meckota ki ka miritinawaw ohwe caweritcikan: kakike pimatisiwin.

Ka ki ici wapatahakaniwitc Jean 2:10 Iomraidhean Croise

Matio 10:22

Kaskina awik ki ka cikerimikowaw, osam e nosanehwiekw. Aric anahwe mocak ke sokikapowitc, aka ke pakiteritak e asperimototawitc nac kaskina ke ickwaparinik, kata akwacimakaniwiw.

Matio 10:28

Aka koctakw awik ke ki nipahitakw. Kackitaw meka kitci nipatatc owiawiriw iriniwa, nama aric ki nipahew otcitcakociriw. Kirawe ki ta koctawaw Kice Manito. Enko na ke ki iterimatc awiriw ke apitc niporitena owiawirik kaie otcitcakocirik itekera nete atamaskamikok.

Matio 24:13

Aric anahwe mocak ke nosanehwitc kata akwacimakaniwiw.

Mark 13:13

Kaskina awik ki ka cikerimikowaw, osam e nosanehwiekw. Aric anahwe mocak ke sokikapowitc, aka ke pakiteritak e asperimototawitc nac kaskina ke ickwaparinik, kata akwacimakaniwiw.”

Mark 8:35

Anahwe meka tepirak ka iteritak ota askik opimatisiwin, kata onitaw. Aric anahwe ke pakiteritak opimatisiwin nin e nosanehwitc, kirika Mirwatcimowiniw otci, kata kanaweritam.

Luc Omasinahikan 21:12

Aric epwamoci kaskina anihe pe iciwepak, ki ka makonikowinawaw, ki ka nekatcihikowinawaw. Ki ka iciwirikowinawaw cota aiamihe mikiwamik kitci tipaskonikoiekw, kirika ki ka kipohokowinawaw. Osam e nosanehwiekw, ki ka iciwirikowinawaw okimawok kirika kice okimawok ka ici taciketcik, kaie wirawaw kitci tipaskonitakok.

Jean 12:25

Anahwe ka sakitatc opimatisiwin ota askik patok e asitci sakihitc, kata onitaw opimatisiwin. Aric anahwe ka sakihitc, aka ka naheritak opimatisiwin ota askik, nespitc kata kanaweritam kakike pimatisiwinik.

Jean 13:2

Kaskina tapickotc nipekwewakopan Cecoc acitc owitcewakana. Aci ki ickwa cikimikokopan Matci Manitowa anahwe Judas, Simo Iscariote anihi okosa, kitci wecimatc Cecoca.

Jean 13:27

Kotc ka otapinatc Judas anihi pakwecikana, aci Matci Manitowa pitciteheckako. Aci Cecoc itew: “Anihe ka actek kitci totaman, wewepitwa.”

Ka ki aitotiskeritci Cecoc otarotakana 20:24

Nama aric wiec nit iteriten ohwe nin tipirawe nipimatisiwin, karikec kotc kictaiane ohwe otamirowin ka ki miritc Teperitciketc Cecoc kitci itotiskewak: kitci tipatcimoctawakik iriniwok Mirwatcimowiniw, Kice Manitowa omirotehewiniw e arimotamowakaniwitcik.”

Ka ki aitotiskeritci Cecoc otarotakana 21:13

Aric ki itew: “Kekwan wetci matoiekw kirika tca wetci natowi totamekw kitci atweritcikeian? Aci meka nit ickwa aikan aka tepirak kitci takopitikoian, aric kaie matci kitci nipoian nete Jérusalem otenak, anihe otci e atoskectawak Teperitciketc Cecoc.”

1 Corinthe iriniwok 9:25

Kaskina aniki ka nataweritakik kitci mipatatcik kaketin nikan nisawiwok e mantokasotcik e otamirotakik owiawiwa. Wetci itotisketcik, kitci ki kanewitcik aniheriw ke ici pakitinikaterik e kanewinaniwonik, aka kinowec ke apatanik. Aric kirano ki totenano kitci kanewiikw caweritakosiwin, aka wiskat ke ickwaparik.

Éphèse iriniwok 2:2

Ki nosanetatawaw anihe matci itatisiwin ka nosanetakaniwok ko anotc ota askik. Ki sapitowatawaw anaha ka tiperimatc matci manitowa waskok, ka tiperimatc iriniwa ka atimikapowictawaritci Kice Manitowa.

Éphèse iriniwok 6:12

Namaiew meka iriniwok ota askik ka wi cakotcihitokok. Kirawe aric manitowok ka matci apatcitatcik omackawisiwiniwaw, waskok e otciparitcik, acitc ka nikaniwitcik, ka kackitatcik kaie ka tiperitakik ota ka ici kiski tipiskarik.

Cak ka ki pe ici masinahiketc 1:12

Caweritakosiw anahwe ka sokikapowitc mekwata e nakickak arimisiwiniw. Ickwa meka wapatahiwete e sokikapowitc, kata pe otitiko aniheriw ka ki kackitamatisotc. Kakike pimatisiwiniw kata cawerimakaniwiw, kotc ka ki itetc Kice Manito kitci ici miratc anihi ka sakihikotc.

1 Pien 5:4

Minawatc pe takocike anahwe ka nanakatcihitokw, mia ka tiperimatc maritcenici iriniwa e iteritakositc, ki ka cawerimikowinawaw aniheriw oticperitakosiwin aka wiskat ke ickwaparinik.

1 Pien 5:8

Nanakatisikw mocak. Aiekwamictamokw kaskina kekocic. Aiekwamictowakw Matci Manito e wi cakotcihitakw. Mocak meka nantowapamew iriniwa e wi cakotcihatc, tarasak mia micapiciw e pa pimotetc e kitotc e nantowapamatc ko awiriw kitci ki mowatc.

Ka ki ici wapatahakaniwitc Jean 13:14

Tekaci onicimepan iriniwa ota askik, e wapatahaspan e ici mata kackitatc, e ki mirakaniwitc ani kitci ici kackitatc, mekwata e tacikerispana neta nictam matci awesisa. Ki wikosimew ota ka tacikeritci askik kitci ociharitci manitokana tepirak kitci kicterimakaniwiritci nictam anihi matci awesisa ka ki apinehwakaniwiritci, micta mokomaniw e ki totcikaterik, minawatc kiapatc e pimatisiritci.

Ka ki ici wapatahakaniwitc Jean 13:2

Anahwe awesis ka wapamak mia piciw e icinakositc. Osit mia masko e icinakonik. Oton mia micapiciw e icinakonik. Atikocimakan ki acotamawew anihi matci awesisa omackawisiwin, kaie omicta otetapiwakan kitci tiperitamiritci, kaie ki mirew tiperitamowiniw e micarik.

Ka ki ici wapatahakaniwitc Jean 13:7

Ki mirakaniwiw kaie matci kitci natoparictowatc iriniwa ka nosanehwaritci Kice Manitowa, matci kitci cakotcihatc. Kaie ki mirakaniwiw kitci mackawisitc e tiperimatc iriniwa kaskina e tato otenwesiritci ota askik, kaskina papitoc e aicinakosiritci, kaskina tatowek e ici arimweritci, kaie kaskina wiec e wetciritci.

Ka ki ici wapatahakaniwitc Jean 17:14

Kata natoparictawewok Maritcenica. Aric anahwe Maritcenic kata cakotcihew. Wir meka ka tiperimatc kaskina ka tiperitamiritci, wir ka okimawitc kaskina e taciritci okimawa. Kata witcihiko kaskina otirinima, anahweriw iriniwa ka ki orapamatc kaie ka ki wicamatc kitci nosanehikotc, mocak kaie ka asperimototakotc.”

Ka ki ici wapatahakaniwitc Jean 2:13

Ni kiskeriten ka ici tacikeiekw: neta Matci Manito ka ici apitc okimaw tetapiwakanik. Aric mocak ki pe nosanehwinawaw. Nama ki ki otci wepinenawaw e tapwerimiekw, misawatc Antipas e ki nipahakaniwitc neta kotenamiwak, mocak anahwe ka ki atoskectawitc. Ekota nta kotenamiwak, neta Matci Manito ka ici taciketc.

Ka ki ici wapatahakaniwitc Jean 2:9

Ni kiskeriten e arimisiekw kaie e kitimakisiekw. Aric tapwe ki micikitanawaw kitcitcakociwak itekera! Ni kiskeritamwan e ici marerimitakok atita iriniwok ka icinikatisotcik ‘cota iriniwok,’ aric aka tapwe e iteritakositcik. Matci Manitowa nosanehwewok.