Ka ki ici wapatahakaniwitc Jean 19:10 - Kice Manito Ocki Omirwatcimowin

¹⁰ Ni ki nipiskoctawaw ositik e kicterimak, aric ni ki itikw: “Aka nte tota! Kaie nin nit arotakaniwin, mitowi kir kaie wirawaw kiwitcicanak mocak ka tipatatakik Cecoca otipatcimowiniw. Wir Kice Manito ki ta kicterimaw!” Kaskina Cecoc otipatcimowin, ekota nta wetciparinik kaskina ka ki pe nikan tipatcimonaniwonik Kice Manito otci.

Ka ki ici wapatahakaniwitc Jean 19:10 Iomraidhean Croise

Matio 4:10

Aci itew Cecoc: “Matca, Matci Manito! Itemakan meka Kice Manito Omasinahikanik: ‘Ki ka kicterimaw Kikice Manitom Ka Tiperitciketc. Wir tepirak ki ka atoskectawaw.’” Deutéronome 6.13

Mark 5:22

Peikw ka nikaniwitc neta cota aiamihe mikiwamik pe takociniw. Jaïrus icinikaso. Ka wapamatc Cecoca ki nipiskoctawew,

Mark 7:25

Tapan nta peikw iskwew, otanisa e ki pitciteheckakotc matci manitowa. Ki petakew e arimomakaniwiritci Cecoca. Ki tca natawapamew e nipiskoctawatc.

Luc Omasinahikan 1:19

Itiko anihi aceriwa: “Kaprien ni nin. Kice Manito ni natcikapowictawaw e atoskectawak. Ni ki pe iciticohokw kitci pe nta aimihitan, kitci witamatan ohwe miro tipatcimowin.

Luc Omasinahikan 24:44

Itew tca: “Enko anihi kaskina ka ki witamatakok mekwata ka pa witcewitakok. Kaskina ka ki masinahak Moïse otirakonike masinahikanik, acitc aniheriw ka ki ici masinahakik ka ki pe nikan tipatcimotcik, acitc Mirwatatamo Nakamowin Masinahikanik, kaskina ka ki itactakaniwok kitci iciwepasian, actepan kitci pe icinakok.”

Jean 5:39

Wewerita ki kiskinohamasonawaw Kice Manito Omasinahikanik, e iteritamekw, ‘Ekota nta ke otci miskamak kakike pimatisiwin.’ Ekota aric ni mia neta masinahikanik ka ici tipatcimikoian!

Ka ki aitotiskeritci Cecoc otarotakana 10:43

Weckatc kaskina ka ki pe tipatcimotcik Kice Manitowa otci kaie wirawaw ki arimomewok Cecoca, e itetcik: Kaskina ka tapwerimatc, kasihamawakaniwiw opactatowina, e apitc mackawisimakanik oticinikasowin.”

Ka ki aitotiskeritci Cecoc otarotakana 13:27

Tapwe wirata, aniki Jérusalem otenak ka taciketcik kirika okimamiwawa nama ki otci nisitotamok awiriwa anihi Cecoca, kaie nama ki otci nisitotamok aniheriw ka ki masinahamiritci ka ki pe nikan tipatcimoritci, tatwaw e arwepiw kickarik ka tapwatcikaterik. Apitc tca ka anwerimatcik Cecoca, tapwe ki otci otcitcipariniw ka ki masinahikaterik wir otci.

2 Corinthe iriniwok 8:7

Ki micikitanawaw kitcitcakociwak itekera. Ki asperimototawawaw Kice Manito. Ki kackitanawaw e tipatatamwekw Omirwatcimowin. Ki miro kiskeritamwanawaw otapwewin. Ki mantokasonawaw kitci witcihiweiekw, kaie mocak ki sakihinan. Ekoni wetci actek kitci wapatahiweiekw irikik e asitci micikitaiekw mirotehewinik itekera, e witcihekw ka kitimakisitcik.

Éphèse iriniwok 5:15

Wewerita nanakatcihitisokw, icikowisk kitci ici pimatisiekw. Aka keskinowapamakok aniki aka kekociciriw ka kiskeritakik. Mia mitowi ka omiro omitoneritcikanitcik ki ka itatisinawaw.

Éphèse iriniwok 5:33

Peikon aric e ici nataweritakosiekw kaie kirawaw: tato iriniw neta e taciekw kitci sakihatc owiwa, mia e asitci sakihitisotc. Tato iskwew kaie kitci kicterimatc onapema.

Pirip iriniwok 3:3

Tapwe wirata, kirano ka ici tatamokw “tapwe kicawatacowewin,” osam meka e ki mirikoikw Kice Manito Omanitoma kitci witcihitokw e atoskectawokw, osam kaie e kicterimokw Cecoc Krist, aka kaie e asperimototamokw kekocic ota askik ke ki totakoikw.

1 Thessalonique irinowok 5:15

Nanakatcitakw aka otci peikw nta e taciekw kitci akohatc awiriw ka ki akohikotc. Aric mocak natowi totamokw kitci mirotehekatoekw kaie kaskina kotakihik kiwitc iriniwawok kitci mirotehekatowekok.

Hébreux iriniwok 1:14

Ekoni tca e irapatisitcik aceriwok: enko aniki manitowok ka atoskectawatcik Kice Manitowa, ka iciticohwatc ota askik kitci nta witcihatc kaskina ke mirakaniwitcik kitci akwacimakaniwitcik.

Hébreux iriniwok 12:25

Aieskwamisikw tca! Aka anwetowakw anahwe ka aimihitakw. Aniki meka weckatc ka ki anwetowatcik anihi ka ki aimihikotcik ota askik, e witamakotcik kitci kweskatisitcik, nama otci kackitawok kitci ocimotcik kitci ki kicakonakaniwitcik. Ekoni wetci otcitakotc ketcinaweritamokw kaie kirano aka kitci kackihoikw kitci kicakonikoikw, kecpin atimikapowictawokwe anahwe wakwek ka otci pe aimihitokw.

1 Jean 5:10

Anahwe tca ka tapwerimatc Kice Manitowa Okosiriw, kiskeritam otehik e tapwemakanik aniheriw. Aric anahwe aka ka tapwerimatc Kice Manitowa, mia peikon e iteritak, “Kiraskiw Kice Manito,” aka e tapwetamwatc aniheriw ka ki iteritci Kice Manitowa, Okosiriw otci.

1 Jean 5:21

Ninitcanicak, aiekwamictowakok manitokanak. Nin Jean

Ka ki ici wapatahakaniwitc Jean 1:1

Ota masinahikanik masinatew tipatcimowin, Cecoc Krist ka ki pe otitikotc. Kice Manitowa ki miriko kitci wapataharitci iriniwa ka atoskectakoritci ke iti iciwepanik nikanik wipatcikan. Krist ki pe iciticahwew otacerima kitci pe nta witamawitc ke ici kiskeritamwak, nin Jean ka icinikasoan, e atoskectawak.

Ka ki ici wapatahakaniwitc Jean 1:9

Nin Jean, kiwitcicaniwaw, kaie nin e witcewak Cecoc, mitowi kirawaw. Ki witcewitinawaw, kaskina tapickotc e pimoteikw e arimiparik e tiperimitokw Cecoc Okimawinik, kaie tapickotc e sokikapowiikw. Nin ni ki kipohokowin minictikok Patmos ka icinikatek, e ki pa tipatcimoian Kice Manito otitewin, kaie aniheriw tapwewiniw Cecoc ka ki petatc.

Ka ki ici wapatahakaniwitc Jean 12:11

Kiwitcicaninowok ki cakotcihewok anihi ka itactahoriweritci, Maritcenic e ki pakitinak omikw kitci macikowinik ka nipotc wirawaw otci, kirika osam e tipatatakik Kice Manitowa otipatcimowiniw. Nama ki otci manatcitawok opimatisiwiniwaw, kaie kitci pakiterimitisotcik kitci nipotcik.

Ka ki ici wapatahakaniwitc Jean 12:17

Anahwe atikocimakan mictahi ki kiciwahiko anihi iskwewa. Ki nta natoparictawew kotakihi anahweriw otaniskotape osimiriw. Anahweriw onitcanica anahwe iskwew, enko aniki kaskina ka sapitakik Kice Manitowa otirakonikewiniw kaie mocak ka nosanetatcik tapwewiniw Cecoc ka ki ici pe wapatahiwetc.

Ka ki ici wapatahakaniwitc Jean 14:7

Ki itew e micta sokitakositc: “Kicterimakw Teperitciketc, kaie icperimakw! Aci meka otcitciparin irikik ka actakaniwok kitci tipaskonatc iriniwa. Kicterimakw anahwe ka ki kiceritak wakwek kaie askiriw acitc kitcikamiriw kaie peikon moskitciwonipekoriw.”

Ka ki ici wapatahakaniwitc Jean 15:4

Awin ia aka ke kicterimisk, Teperitcikein? Awin ia aka ke icperimisk? Kir tepirak ka kitcitwawisiin. Kaskina iriniwok, kaskina wiec e wetcitcik ota askik, kata pe icawok kitci pe nta kicterimiskik. Wewerita meka ki pe nokotakaniwon e apitc icikowisk kaskina ka totaman.”

Ka ki ici wapatahakaniwitc Jean 19:9

Minawatc ni ki itikw aceriw: “Masinaha ohwe: ‘Caweritakosiwok kaskina ka ki wicamakaniwitcik kitci pe nta mitcisotcik e makocaniwonik, Maritcenic e nipowitc.’” Kirika ki itew: “Tapwe, ekoni ka itetc Kice Manito.”

Ka ki ici wapatahakaniwitc Jean 4:10

aci nta aniki nicitana acitc new ka kiceatisitcik ki nipiskoctawewok anihi ka apiritci neta okimaw tetapiwakanik, e kicterimatcik anihi nespitc ka pimatisiritci. Pe nta actawok aniheriw okimaw actotiniwaw, octikwaniwak ka acterik, neta nikanik okimaw tetapiwakanik, e itetcik: