Ka ki ici wapatahakaniwitc Jean 14:6 - Kice Manito Ocki Omirwatcimowin6 Minawatc kotak ni ki wapamaw peikw aceriw icpimik waskok e miretc. Petaw Mirwatcimowiniw aka wiskat ke ickwaparinik, e pe nta witamawatc kaskina iriniwa ota askik ka tacikeritci: kaskina wiec e wetciritci, kaskina e tato otenwesiritci, kaie kaskina papitoc e ici arimweritci. Faic an caibideil |
Mirwatcimatan Kice Manito! Kackitaw kitci miritakw mackawisiwiniw kitci sokikapowiekw e asperimototawekw, kotc mocak ka ki iteian e tipatcimoan Mirwatcimowin Cecoc Krist e arimomakaniwitc, ka ki mirikoikw kitci kiskeritamokw aniheriw aci weckatc ka iteritakipan kitci pe iciwepanik, kinowec ka ki katcicterikipan.
Actew aric kiapatc mocak kitci asperimototawekw Kice Manito, wewerita kitci sokikapowiekw, aka kitci pakiterimitisoekw kitci oniwirikoiekw e pakiteritamekw anihe asperimowin ka ici tatamekw esko ka petamekw Mirwatcimowin. Aci kaskina iriniwok ota askik ki tipatcimoctawakaniwiwok aniheriw Mirwatcimowiniw. Enko anihe peikon Mirwatcimowin ka atoskectaman, nin Pwar.
Kice Manito, wir ka miriwetc pekaterimowiniw, ki apitcipahew anihi Ka Tiperimitokw Cecoca. Wir Cecoc ka nanakatcihitokw, wewerita ki nanakatcihikono mitowi iriniw ka nanakatcihatc omaritcenicima, osam e ki pakitinak omikw kitci ki tca kasihamakoikw kipactatowinino. Ekoni tca ka otci kiskeritakonik kakike kitci takonik aniheriw ocki acotamakewiniw ka ki ocitatc kirano otci.
Ki mirakaniwiw kaie matci kitci natoparictowatc iriniwa ka nosanehwaritci Kice Manitowa, matci kitci cakotcihatc. Kaie ki mirakaniwiw kitci mackawisitc e tiperimatc iriniwa kaskina e tato otenwesiritci ota askik, kaskina papitoc e aicinakosiritci, kaskina tatowek e ici arimweritci, kaie kaskina wiec e wetciritci.
Aci ocki nakamowiniw nakamowok, e itetcik: “Kir ki tipi iteritakosin kitci otapinaman ohwe masinahikan kaie kitci pikopitaman kipotcickiwokisikana kitci cenaman masinahikan. Ki ki meka nipahikowin, e ki pakitinaman kimikw kitci macikowik. Ki ki tca otapinawok iriniwok Kice Manito otci, kaskina e tato otenwesitcik ota askik, kaskina tatowek e ici arimwetcik, kaskina papitoc e aicinakositcik, kaie kaskina wiec e wetcitcik ota askik.