Ka ki ici wapatahakaniwitc Jean 14:4 - Kice Manito Ocki Omirwatcimowin

⁴ Enko aniki ka ki nanakatcihitisotcik aka kitci witcewatcik iskwewa. Ki kanawerimitisowok kitci mirwinakositcik otehiwak. Nosanehwewok anihi Maritcenica kaskina wiec e pa icaritci. Ki otci wikotcihakaniwiwok neta e taciritci iriniwa ota askik, kitci ki tiperimikotcik Kice Manitowa kaie Maritcenica, tarasak nictam ka aiamihe pakitinakaniwonik e ki iteritakositcik.

Ka ki ici wapatahakaniwitc Jean 14:4 Iomraidhean Croise

Matio 19:12

Mitceniw ke ki otci isparitc awik aka kitci ki nipowitc: atita nama kackitawok, osam ekoni e ki icinakositcik esko ka nitawikitcik. Kotakihik tca nama ki nipowiwok osam e ki matocwakaniwitcik kitci icinakositcik. Minawatc kotakihik, wetci aka wi nipowitcik, osam e wi atoskectawatcik Kice Manitowa Okimawinik. Anahwe tca ka kackitatc kitci naheritak ohweriw kiskinohamakewiniw, acteriw kitci ici naheritak.”

Matio 25:1

Cecoc itew: “Ani apitc, ekoni ke icinakonik Kice Manito Okimawin, mitowi ohwe ke atisokeian. Tapanak mitato ickwecak ka nisawiwakopanen kitci icatcik ke ici nipowinaniwonik. Ki orowiwok e wi nakickowatcik anihi ke nipowiritci. Papeikw takonamopanak wactenamakaniw.

Matio 8:19

Aci peikw iriniw ka kiskinohamakespan cota aiamihe irakonikewiniw ki pe natcikapowictawew, e itatc: “Kiskinohamake iriniw, ki ka pa nosanehitin kaskina wiec ite ke pa icain.”

Jean 10:27

Nimaritcenicimak ni miro natotakok tan e itewak. Ni kiskerimawok, kaie ni nosanehikok.

Jean 12:26

Kecpin awik e wi atoskectawitc, acteriw kitci nosanehwitc. Wiec tca pa icaiane, kata icaw kaie wir nitarotakan. Notawi kata kicterimew anihi ka atoskectawimimitci.”

Jean 13:37

Pien itew: “Teperitcikein, kekwan aka tecikotc ke otci nosanehitan? Aci nit ickwa aikan kitci pakiteritaman nipimatisiwin kir otci!”

Jean 8:12

Minawatc kiapatc Cecoc aimihepan anihi iriniwa e mitcetiritci, e itetc: “Nin ka wactenamowakik kaskina iriniwok ota askik. Anahwe ka nosanehwitc kata wactenamowakaniwiw opimatisiwinik. Nama wiskat minawatc kata pimotew nte e ici kiski tipiskarik.”

Ka ki aitotiskeritci Cecoc otarotakana 20:28

Nakatawerimitisokw kirawaw tipirawe, kaie nakatawerimakok kaskina iriniwa Miro Manito ka ki miritakw kitci mihimekw. Mia maritcenici iriniw ka miro nakatawerimatc omaritcenicima, nanakatcihakok kaskina ka tapwerimatcik Cecoca. Enko meka ka otapinawatc Kice Manito, osam e ki niporitci tipirawe Okosa, e macikowinik omikoriw.

1 Corinthe iriniwok 16:15

Ki kiskerimawaw Stéphanas kirika kaskina otcirowemakana, wirctamiwaw e ki pe tapwerimatcik kitci nosanehwatcik Cecoca neta askik Achaïe ka icinikaterik, acitc mocak e mantokasotcik kitci atoskectawatcik anahweriw kotakihi iriniwa ka tapwerimaritci Kice Manitowa. Ki pakoserimitinawaw tca, niwitcicanak,

1 Corinthe iriniwok 6:20

Ki ki otapinikowaw meka Kice Manito. Ki misakitakoniw aniheriw kitci ki tiperimitakw. Pakitickatamakw tca kiwiawiwaw kitci atoskectawekw Kice Manito, kitci otci icperimakaniwitc.

1 Corinthe iriniwok 7:28

Kecpin aric nipowiine, nama ki pactatin. Kirika kecpin ickwecic nipowite, nama pactatiw kaie wir. Kaie aniki ka nipowitcik kata arimipariwok opimatisiwiniwak. Ni nataweriten tca kitci witcihitakok aka kitci ici arimipariekw.

2 Corinthe iriniwok 11:2

Ki otcinawekerimitinawaw e asitci sakihitakok, e natawerimitakok wircike Kice Manito kitci natotawekw. Wir tipirawe Kice Manito e ki miritc kitci ici otcinawekeritaman. Ekoni meka e icinakosiekw: mia mitowi ickwecic aka wiskat ka ki otci kiskerimatc iriniwa, ka ki nespi tapweritci otawiwa kitci mirakaniwitc peikw iriniwa kitci nipowitc. Nin tca kotawiwaw e iterimitisoan, e ki witcihitakok kitci kiskerimekw Krist, wircike kitci tiperimitakw.

Éphèse iriniwok 1:14

Miro Manito e ki mirikoikw, kicatc ki kiskeritenano kitci mirikoikw kaskina Kice Manito ka ici kanaweritak otirinima otci. Ki kiskeritamihikono otcitakotc kitci ici tatamokw aniheriw, ickwa tekaci wikotcihikoikwe. Mirwatcimatan tca Kice Manito e apitc kicteritakositc!

Éphèse iriniwok 5:27

Nataweritamopan Krist wir tipirawe kitci pe icikapowictakotc otirinima tekaci e mirosiritci, aci tekaci e mirwinakosiritci otehiwarik, aka e atameritakosiritci, kaie aka tekaci e takonik ka maratanik, kaie aka e pikockakoritci pactatowiniw, aka wiec e ici patahamiritci.

1 Timothée 4:3

Aniki iriniwok arotc kiskinohamakewok e itwetcik “nama mirwacin e nipowinaniwok,” kaie e itetcik “nama ki ka ki mitcinawaw atita mitcim.” Aric Kice Manito ki kiceritam mitcimiriw iriniwa otci ka kiskeritamiritci tapwewiniw kitci mitcisoritci, mikwetc kitci itikotc.

Hébreux iriniwok 12:23

Aci kaie ki pecowapamimawok kaskina Kice Manito onitcanica e mawotcihitoritci e mirwatcitcikaterik, tato nta e taciritci e kicterimatc, mia “nictam ka ki nitawikitc” e iterimatc, kaskina oticinikasowiniwaw e masinaterik nete wakwek. Wir tipirawe Kice Manito ki pecowapamawaw, wir ka tipaskonatc kaskina iriniwa, kaie ki mawotcihitonawaw kirika aniki iriniwok icikowisk ka iteritakositcik, Kice Manitowa e ki mirikotcik tekaci kitci mirwinakositcik otehiwak.

Cak ka ki pe ici masinahiketc 1:18

Wir tipirawe Kice Manito ki nataweritam kitci miritokw pimatisiwiniw, Otitewin ka tapwemakanik e ki apatcitatc. Wetci ki totak, kirano ni nictam kitci nikanickowimokw kaskina e taciritci ka ki kicerimatc, kaskina kaie e tatinik ka ki kiceritak.

1 Pien 2:9

Aric kirawaw ki ki orapamikowaw Kice Manito kitci otirinimitc. Kit atoskectawawaw e okimawitc, mia omakatekorema e irapatisiekw. Ki kitcitwaweritakosinawaw, mamowi e tiperimitakw, wir tipirawe otirinima e iteritakosiekw. Ki ki wicamikowaw kitci nakatamekw neta e ici kiski tipiskak, kitci pe natawapamekw e ici micta miro wasearik, kitci ki tca pa tipatatamekw kaskina e micta mirwacinik kekociciriw ka aitotisketc.

Ka ki ici wapatahakaniwitc Jean 17:14

Kata natoparictawewok Maritcenica. Aric anahwe Maritcenic kata cakotcihew. Wir meka ka tiperimatc kaskina ka tiperitamiritci, wir ka okimawitc kaskina e taciritci okimawa. Kata witcihiko kaskina otirinima, anahweriw iriniwa ka ki orapamatc kaie ka ki wicamatc kitci nosanehikotc, mocak kaie ka asperimototakotc.”

Ka ki ici wapatahakaniwitc Jean 21:22

Nama ni ki otci wapaten kitci aiamihe mikiwam neta otenak. Wir meka tipirawe iteritakosiw kitci aiamihe mikiwam Teperitciketc, Kice Manito ka mawotci mackawisitc, acitc anahwe Maritcenic.

Ka ki ici wapatahakaniwitc Jean 21:23

Ni ki wapaten kaie aka arimatc kicikaw pisimw kaie tipiskaw pisimw e wasiketcik, oticperitakosiwiniw Kice Manitowa e wactenamakotcik iriniwok, kaie anahwe Maritcenic mia wactenamakan e icinakositc.

Ka ki ici wapatahakaniwitc Jean 3:4

Anotc mekwata atita neta e taciekw nta ka taciketcik Sardes otenak mirwinakosiwok, mia mitowi aka e ki otci ometciwotatcik owikasimiwaw. Ni ka witcewikok, tapickotc kitci pimoteiak, e wapekinik owikasimiwaw. Aci meka ici naherimakaniwiwok kitci ici kicterimakaniwitcik.

Ka ki ici wapatahakaniwitc Jean 5:9

Aci ocki nakamowiniw nakamowok, e itetcik: “Kir ki tipi iteritakosin kitci otapinaman ohwe masinahikan kaie kitci pikopitaman kipotcickiwokisikana kitci cenaman masinahikan. Ki ki meka nipahikowin, e ki pakitinaman kimikw kitci macikowik. Ki ki tca otapinawok iriniwok Kice Manito otci, kaskina e tato otenwesitcik ota askik, kaskina tatowek e ici arimwetcik, kaskina papitoc e aicinakositcik, kaie kaskina wiec e wetcitcik ota askik.