Biblia Todo Logo
Bìoball air-loidhne

- Sanasan -




Ka ki ici wapatahakaniwitc Jean 14:10 - Kice Manito Ocki Omirwatcimowin

10 ki kiciwahew Kice Manitowa. Mia peikon mitowi kata mirakaniwiw kitci minikwetc minicaporiw ka mackawakaminik, Kice Manitowa e ki sikinamiritci orakanik, mia peikon Kice Manito okiciwasiwin e iteritakonik. Kaskina aniki ka itatisitcik kata nekatcihakaniwiwok ickotek kaie ka akwapiterik, mekwata e kanawapamikotcik Kice Manitowa otacerimiriw acitc Maritcenica.

Faic an caibideil Dèan lethbhreac




Ka ki ici wapatahakaniwitc Jean 14:10
45 Iomraidhean Croise  

Cecoc itew: “Nama ki kiskeritenawaw anihe ka ici nataweritamekw. Tarasak minikwakanik ni ka minikwan nekaterimowin. Kirawaw tca, ki ta kackitanawaw ia kitci otci minikweiekw nekaterimowin neta minikwakanik ke minikwewakeian?” Itewok: “Ehe, ni ka kackitanan.”


“Minawatc ni ka itawok iriniwok namitciwonik ka icikapowitcik: ‘Matcakw nete aka kitci pecowapamiekw, kirawaw ka anwerimikoiekw. Icakw neta kakike ickotek ka ki ocitakaniwok wirawaw otci Matci Manito acitc ka atoskectakotc.


Minawatc nakewara iti icaw. Ki nipiskopariho e pakoserimatc Kice Manitowa, e tca itetc: “Notawi, mireritamane, ocita aka kitci nekaterimoian. Nama aric nin nititeritamowin kitci apatak, aric kir kititeritamowin.”


Anotc nama orina wi nosanehwakaniwiw Kice Manito. Matci itatisiwin wi nosanetakaniwon. Kecpin awik wanerimite kirika waneritake nititewiniw, kata wanerimiko anihi Ka ki pe iriniwihitisoritci, minawatc pe takociniritena, Otawiriw oticperitakosiwinirik, Kice Manito otacerima kitci pe witcewikoritci.”


Nte, ‘mantcocak ka mitcikik ko wiawiriw nama wiskat nipowok, kaie anihe ickote nama wiskat actawew.’]”


Aci itewok: “Anahwe ni ki pe iciticohokonan, ka atoskectawakitc kitci cimakanic, Corneille ka icinikasotc. Anahwe iriniw icikowisk itatisiw kirika kicterimew Kice Manitowa. Micta mirerimiko kaskina cota iriniwa. Kice Manito otacerima ki itiko kitci pe iciticohwimitc, kitci pe natcipahitak kitci iciwiritak omikiwamik, e wi natotak ke itewotc.”


kirika ki ka maninamakowaw aniheriw ka kosikonik ka miwotaiekw kitci tca kakitcihikoiekw, kirawaw ka nekateritamekw. Peikon ninan ni ka kakitcihikonan. Kata pe iciwepan anihe pe nokosite Teperitciketc Cecoc, wakwek pe otci takocike, e pe witcewikotc otacerima e micta mackawisiritci.


Mikaweritamokw kaie anihi weckatc otenawa Sodome kirika Gomorrhe ka icinikateki, kaie anihi otenawa papecotcik ka aitakoki. Aniki iriniwok ka tacikewaspan neta otenak matci totamwakopan kaie wirawaw, mia anahweriw matci aceriwa ka ki totamirispana, pacikwatisiwinik e ki ici matcatcik, kaie kotakeriw ka micta maratanik e ki aitotakik. Aci mekwata kicakonakaniwiwok, kakike ickotek e ki arakaniwitcik. Ekoni tca ka otci kiskeritakok aka nte kitci itatisinaniwok.


Peikw ani e tacitcik new ka pimatisitcik ki mirew papeikw e nicowatciritci aceriwa e osawapiskarik orakaniw. Tato orakan mockineriw Kice Manito okiciwasiwin, anahwe nespitc ka pimatisitc.


Anihe micta otenaw Babylone tekaci ki oraparin, e nicto tetawopariki, kaie kaskina otenawa ota askik tekaci ki korokotawokiparin. Kice Manito nama ki otci onikatew neta ka tacikeritci micta otenak Babylone. Ki wapatahew e apitc kiciwahikotc, tarasak e ki miratc orakaniw kitci minikweritci ominicapom ka mackawakaminik. Anihe minicapo, enkweriw omicta okiciwasiwin Kice Manito.


Iriniwok ka ototetcik kaskina e irikokoskamikarik ki pe icawok neta micta otenak Babylone, e pe nta pacikwatisitcik kaie matci iriniwa ka tacikeritci neta, mia mitowi e ki minihikotcik minicaporiw ka mackawakaminik, e itatisitcik. Okimawok ota askik kaie wirawaw ki pakiterimitisowok kitci pe nta pacikwatisitcik acitc niheriw Babylone iriniwa. Kaie iriniwok kaskina wiec ka pe owetcitcik ka atawetcik ki iti misikisiwok, e ki otapinakik neta kaskina kekociciriw ka mirwacinik kitci ki otci mirwatcitahitisotcik.”


Ki ka mihawawok aniki iriniwok Babylone otenak ka taciketcik mia ka ki ici totawatcik owitc iriniwawa. E ki akohatcik, nicwaw irikik ki ka akohawawok. Mockinepitakw orakaniwaw nicwaw irikik kitci asitci mackawakaminik patok ka ki ici ocitatcik ke asitci mackawakaminik ke minihitakok.


Micta mokomaniw e micta kinarik orowiparinipan otonik. Enkweriw ni ke apatcitatc kitci cakotcihatc kaskina iriniwa e irikokoskamikarik ota askik. Kata micta mackawisiw e tiperimatc otirinima. Kata wapatahiwew Kice Manitowa ka mawotci mackawisiritci e ki kiciwahakaniwiritci, anihi iriniwa e ki kiciwahikoritci. Ke totawakaniwitcik, mia peikon cweminak e camakohwakaniwitcik kitci orowiparinik e ciwakamisitcik kitci ocitakaniwonik minicaporiw.


Ki makonakaniwiw anahwe matci awesis, kaie wir anahwe arotc ka ki nikan tipatcimotc ka ki kiraskispan ki makonakaniwiw, ka ki matawi aitotakipan anihi matci awesisa otci. E ki matawi aitotakipan tekaci ki onirew iriniwa ka ki masinahokoritci anihi matci awesisa kaie ka ki kicterimawaspan anihi manitokana mia ka icinakosiritci. Anahwe matci awesis kirika anahwe iriniw ka ki kiraskitc ka nikan tipatcimotc ki iciwepinakaniwiwok ickotek kiapatc e pimatisitcik, e micta micarik, mia micta sakihikan e irikokwarik. Micta kiciteriw neta, micta kanokoroweriw e osawapiterik.


Minawatc Matci Manito, anahwe ka wecimaspan anahweriw iriniwa, ki iciwepinakaniwiw neta ickote sakihikanik e osawapiterik, neta e ici tacikeritci anihi matci awesisa kirika anihi arotc ka nikan tipatcimoritci. Mocak kata nekatcihakaniwiwok, kape kickwa kaie kape tipiskwa, kakike nespitc.


Minawatc ki iciwepinikatew nipowin neta ickote sakihikanik. Ki iciwepinikatew kaie e ici kanaweritakositcik ka poni pimatisitcik neta ickote sakihikanik. Anihe sakihikan, enko ni nicwaw e niponaniwok.


Aric iriniwok aka e sokeritakik e tapwerimatcik Cecoca, kaie aniki aka ka tapwerimatcik, aniki ka matcatikositcik, kaie aniki ka manohotcik, peikon kaie aniki ka pacikwatisitcik, acitc aniki ka matci totakik e matawositcik ka maratanik e wi ispatakik, kaie ka kicterimatcik manitokana, kaskina aniki ka wi nita kiraskitcik, wirawaw kata iciwepinakaniwiwok ickote sakihikanik ka osawapiterik. Enko ni nicwaw e niponaniwok.”


Lean sinn:

Sanasan


Sanasan