Ka ki ici wapatahakaniwitc Jean 13:5 - Kice Manito Ocki Omirwatcimowin

⁵ Aci minawatc ki mirakaniwiw anahwe matci awesis kitci mirwatcimitisotc kaie kitci marerimatc Kice Manitowa. Ki mirakaniwiw aniheriw kitci itotisketc nemitana acitc nicwo pisimwo irikik.

Ka ki ici wapatahakaniwitc Jean 13:5 Iomraidhean Croise

2 Thessalonique iriniwok 2:3

Aka pakitinakw awik kitci wecimitakw, kotc ke ici kokwetcitatc. Epwamoci pe koski takocik Cecoc, pitama mitcet iriniwok kata wi anwerimewok Kice Manitowa, acitc kata pe takociniw anahwe ka icinikatakaniwitc Micta Matci Awik. Enko anahwe ka anwerimakaniwitc, nikotin tekaci kitci niponerimakaniwitc.

2 Thessalonique iriniwok 2:4

Anahwe Micta Matci Awik kata wi cakotcitaw kaskina e ici kicterimatcik iriniwok kaie e ici manitowerimatcik. Kata micta wi kicterimikosiw, e iterimitisotc kirawe wir e kicteritakositc. Nac kata nta orapiw kitci aiamihe mikiwamik, neta Kice Manitowa e ici pakoserimakaniwiritci, kitci witamakekasotc wir e kice manitowitc.

2 Thessalonique iriniwok 2:8

Minawatc kata pe nokosiw anahwe Micta Matci Awik. Kata nipahiko Teperitcikeritci Cecoca kitci potatikotc, kirika kata ickwaniko e takociniritci e micta mamiskasinakosiritci.

Ka ki ici wapatahakaniwitc Jean 11:7

Ickwa pa tipatcimotawe aniheriw otipatcimowiniw, matci awesis ka pe orowitc neta ka pokoneckarik ka micta wararik kata kwackotitotawew e wi macikowatc anihi iriniwa e niciritci. Kata cakotcihew kaie kata nipahew.

Ka ki ici wapatahakaniwitc Jean 12:14

Ki mirakaniwiw anahwe iskwew micta mikisiwa otatakoniw, kitci ki miretc nac nete kitci ki ici takociretc ka ici cipewatawokarik. Kata mihakaniwiw neta nicto pipona acitc apita irikik, aka kitci nta makockatcihikotc anihi micta kinepikwa.

Ka ki ici wapatahakaniwitc Jean 12:6

Iskwew ki ocimo neta askik ka ici cipewatawokarik, Kice Manitowa e ki nisawitakotc ke ici taciketc, kitci mihakaniwitc peikwaw kice mitato mitana acitc nicwaw mitato mitana acitc nikotwaso mitana tato kickwa irikik.

Ka ki ici wapatahakaniwitc Jean 13:7

Ki mirakaniwiw kaie matci kitci natoparictowatc iriniwa ka nosanehwaritci Kice Manitowa, matci kitci cakotcihatc. Kaie ki mirakaniwiw kitci mackawisitc e tiperimatc iriniwa kaskina e tato otenwesiritci ota askik, kaskina papitoc e aicinakosiritci, kaskina tatowek e ici arimweritci, kaie kaskina wiec e wetciritci.