Ka ki ici wapatahakaniwitc Jean 13:16 - Kice Manito Ocki Omirwatcimowin

¹⁶ Anahwe matci awesis wikosimepan kaskina iriniwa ota askik kitci kicawatcihakaniwiritci onihiwini otcitcirik kekotc oskitikorik: ka kicteritakosiritci, kaie peikon aka ka kicteritakosiritci, ka micikitaritci acitc ka kitimakisiritci, ka atoskectakeritci, peikon kaie aka ka atoskectakeritci.

Ka ki ici wapatahakaniwitc Jean 13:16 Iomraidhean Croise

Ka ki aitotiskeritci Cecoc otarotakana 26:22

Aric Kice Manito mocak ni ki nanakatcihikw, wawatc anotc ka pe kicikarik. Ekoni ota wetci tacikeian kaskina e witamatakok e ici kiskeritaman, kaskina awik e witamawak, iriniwok ka kicteritakositcik kitci petakik kaie aniki ka iterimakaniwitcik ‘nama kicteritakosiwok.’ Kaskina ka aiteian, ekoni peikon e ici witakik weckatc ka ki pe nikan tipatcimotcik kaie wir Moïse ka ki witak kitci pe iciwepanik:

1 Corinthe iriniwok 12:13

Kaskina e taciikw — misawatc e cota iriniwiikw kekotc aka e cota iriniwiikw, e arotakaniwiikw kekotc aka e arotakaniwiikw — kaskina ki ki sikahatasonano mia peikw owiaw, Cecoc Krist owiaw kitci icinakosiikw, anahwe peikonok Miro Manito e ki itotiskeritci kitci icinakonik. Kirika anahwe Miro Manito e peikociritci ki ki mirikowinano kitci witci tacikemitokw.

Galatie iriniwok 3:28

Nama aci pitoc iteritakosiwok ka cota iriniwitcik kaie aka ka cota iriniwitcik, arotakanak kaie aka ka atoskectaketcik, iriniwok kaie iskwewok. Tapwe wirata, kaskina e taciekw mia peikw kit iteritakosinawaw, tapickotc e mamweritakosiekw kirika Cecoc Krist.

Galatie iriniwok 6:17

Nit asperimon aka awocamec kitci arimihikoian. Aci meka ka ki ici nameckakoian otci kiskeritakon tapwe Cecoc e tiperimitc.

Éphèse iriniwok 6:8

Aka onikekw ohwe: kaskina awik kata tapictako Teperitcikeritci, misawatc e arotakaniwitc kekotc ma e tiperitak. Aniheriw kata kanawapatcikateriw ka ki pe ici miro totak.

Colosse iriniwok 3:11

Nama tca aci pitoc iterimakaniwiwok cota iriniwok kaie aka ka cota iriniwitcik, nama kaie aniki ka ki kicawatocwakaniwitcik kaie tca aka ka ki otci totawakaniwitcik. Nama kaie iriniwok ka kicteritakositcik ota askik kaie aka ka kicteritakositcik, nama kaie iriniwok ka atoskectaketcik kaie tca aniki aka ka atoskectaketcik. Wir meka Krist mawotci kicteritakosiw, kirika wir ka taciketc kaskina iriniwa ka tiperimatc otehirik.

2 Timothée 3:8

Minawatc aniki iriniwok atimikapowictamok tapwewiniw, tekaci aka e mirwacinik omitoneritcikaniwaw, aka wiec e irapatanik otapwetamowiniwaw. Nama kinowec kata natotawakaniwiwok. Kata iti kiskerimakaniwiwok e kiwockweritakonik aniheriw ka aitetcik. Ekoni mia peikon weckatc ka ki isparitcik nicw iriniwok ka icinikasowakopanen Jannès kaie Jambrès, ka kotcitatcik kitci atimikapowictawatcik Moïsa.

Ka ki ici wapatahakaniwitc Jean 11:18

Iriniwok kaskina wiec e wetcitcik ota askik aka ka kiskerimiskik ki iti micta kiciwasiwok. Aci aric otcitciparin kir kitci wapatahatcik e apitc kiciwasiin. Ekoni apitc ke otcitciparik kitci tipaskonatcik kaskina ka nipotcik, kitci cawerimatcik ka ki atoskectaskik e ki nikan tipatcimotcik, kaie kaskina ka tiperimatcik acitc ka kicterimiskik, ka kicteritakositcik kaie peikon aka ka kicteritakositcik. Aci kaie otcitciparin kitci niciwonatcihakaniwitcik iriniwok ka akotatcik askiriw.”

Ka ki ici wapatahakaniwitc Jean 15:2

Minawatc ni ki wapaten kekocic, mia kitcikami e icinakok, e micta wasitek mitowi osapiwakanapiskw, ickote neta pitc e actek. Ni ki wapamawok kaskina ka ki cakotcihatcik anihi matci awesisa kaie anihi manitokana mia ka icinakosiritci, kaie aka ka ki otci naheritakik kitci masinasotcik e tatosinasoritci e icinikasoritci. Ekota nta e nanipowitcik kitcikamik ka osapiwakamiterik, e takonakik aceriw pwapwapikepitcikaniw, Kice Manitowa ka ki mirikotcik.

Ka ki ici wapatahakaniwitc Jean 19:18

Pe nta mitcikw okimawok owiawiwaw, cimakanicak, kaie anahweriw ka tiperimikotcik, atikw owias kaie aniki iriniwok ka okitapiwaspan, kaie owiawaw aniki kaskina kotakihik iriniwok: ka atoskectaketcik, kaie peikon aka ka atoskectaketcik, kaie ka kicteritakositcik, peikon kaie aka ka kicteritakositcik.”

Ka ki ici wapatahakaniwitc Jean 19:20

Ki makonakaniwiw anahwe matci awesis, kaie wir anahwe arotc ka ki nikan tipatcimotc ka ki kiraskispan ki makonakaniwiw, ka ki matawi aitotakipan anihi matci awesisa otci. E ki matawi aitotakipan tekaci ki onirew iriniwa ka ki masinahokoritci anihi matci awesisa kaie ka ki kicterimawaspan anihi manitokana mia ka icinakosiritci. Anahwe matci awesis kirika anahwe iriniw ka ki kiraskitc ka nikan tipatcimotc ki iciwepinakaniwiwok ickotek kiapatc e pimatisitcik, e micta micarik, mia micta sakihikan e irikokwarik. Micta kiciteriw neta, micta kanokoroweriw e osawapiterik.

Ka ki ici wapatahakaniwitc Jean 19:5

Kiapatc ki petakosiw awik e arimwetc, neta itekera e otci petakositc okimaw tetapiwakanik, e itetc: “Alléluia! Mirwatcimatan Kikice Manitomino, kaskina e taciekw ka atoskectawekw kaie ka kicterimekw, kirawaw ka kicteritakosiekw, peikon kaie kirawaw aka ka iteritakosiekw ‘kicteritakosiwok’!”

Ka ki ici wapatahakaniwitc Jean 20:12

Minawatc ni ki wapamawok ka ki poni pimatisiwaspan, aniki ka kicteritakositcik, kaie aniki aka ka kicteritakositcik. Ekota neta nikanik e nanipowitcik anihe okimaw tetapiwakanik. Ki cenikatewa masinahikana, minawatc kotak peikw ki cenikatew masinahikan: Pimatisi Masinahikan. Ki tipaskonakaniwiwok ka poni pimatisitcik, e ki kanawapatcikaterik ka ki totakik mekwata ka pimatisitcik, ekoni ka itasinahikateki anihi masinahikana.

Ka ki ici wapatahakaniwitc Jean 20:4

Minawatc ni ki wapaten okimaw tetapiwakana. Aniki neta ka apiwaspan ki mirakaniwiwok kitci tipaskoniketcik. Kaie ni ki wapamimawok iriniwok Kice Manitowa ka nosanehwatcik otcitcakociwawa, aniki ka ki ickwanakaniwiwakopanen, e ki pa tipatcimotcik Cecoca tapwe e tiperitcikeritci, kaie anahweriw e ki tipatatakik Kice Manitowa otitewiniw. Nama ki otci kicterimewok wirawaw anihi matci awesisa kaie manitokana mia ka icinakosiritci. Nama ki otci mirakaniwiwok matci awesisa okicawatcikaniw oskitikowak, nama kaie otcitciwak. Ki koski pimatisiwok, kaie tapickotc ki tiperitcikewok kirika Krist peikwaw kice mitato mitana tato pipona irikik.

Ka ki ici wapatahakaniwitc Jean 6:15

Kaskina iriniwok ki nta kasowok atamapisk, neta asinik matinak, e koctakik kitci pasakactehwakaniwitcik: okimawok ota askik kirika kotakihik ka nikaniwitcik, cimakanicak okimamiwaw, iriniwok ka micikitatcik, iriniwok ka mackawisitcik kaie kaskina kotakihik iriniwok, ka arotakaniwitcik acitc aniki aka ka arotakaniwitcik.

Ka ki ici wapatahakaniwitc Jean 7:3

“Aka moci akotakw aski kaie kitcikami, peikon kaie mictikok nama moci ki ka akohawawok. Ki ka petanawaw patoc ickwa masinahamake okipotcickiwokisikan Kikice Manitomino oskitikowarik ka ki atoskectakotc.”