Ka ki ici wapatahakaniwitc Jean 13:10 - Kice Manito Ocki Omirwatcimowin

¹⁰ Anahwe ka iteritakositc kitci kipohwakaniwitc, tapwe kata kipohwakaniwiw. Anahwe ka iteritakositc micta mokomanik kitci otcinetc, tapwe ekota neta ke otcinetc. Ekoni wetci acterik Kice Manito otirinima kitci sokikapowiritci kaie mocak kitci asperimototakotc.”

Ka ki ici wapatahakaniwitc Jean 13:10 Iomraidhean Croise

Matio 26:52

Aci itew Cecoc: “Pitaha anihe kimicta kimokoman kimokomaniwocik. Itwaniwon meka, kaskina awik ka mikasotc, micta mokomaniw e apatcitatc, micta mokomanik kata otcinew.

Matio 7:2

Ki ka meka tipaskonikowaw kotc kaie kirawaw e ici tipaskonikeiekw. Kotc ke ici tipahamekw e tipaskonekw kiwitc iriniwaw, ekoni ke ici tipahamatakw kaie kirawaw Kice Manito.

Luc Omasinahikan 21:19

Sokikapowikw tca! Ekoni meka ke otci mirikoiekw kakike pimatisiwin!”

Colosse iriniwok 1:11

Ni nataweritamawanan kaie kaskina wiec kitci sokiteheckatakw, omackawisiwin kitci apatcitatc e icperitakonik, kitci ki tca sokikapowiekw, nakickamekwe ke ici arimiparik, kitci ki tca ciciperitamekw.

Hébreux iriniwok 6:12

Nama ni nataweritenan kitci iti kitimikw. Nitowatc ki ta nosanetawanawaw e ici pimatisitcik mocak ka tapwerimatcik Kice Manitowa kaie ka ciciperitakik, ka otitikotcik Kice Manitowa ka ki ici nespi tapweritci kitci pakitinamiritci.

Ka ki ici wapatahakaniwitc Jean 1:9

Nin Jean, kiwitcicaniwaw, kaie nin e witcewak Cecoc, mitowi kirawaw. Ki witcewitinawaw, kaskina tapickotc e pimoteikw e arimiparik e tiperimitokw Cecoc Okimawinik, kaie tapickotc e sokikapowiikw. Nin ni ki kipohokowin minictikok Patmos ka icinikatek, e ki pa tipatcimoian Kice Manito otitewin, kaie aniheriw tapwewiniw Cecoc ka ki petatc.

Ka ki ici wapatahakaniwitc Jean 11:18

Iriniwok kaskina wiec e wetcitcik ota askik aka ka kiskerimiskik ki iti micta kiciwasiwok. Aci aric otcitciparin kir kitci wapatahatcik e apitc kiciwasiin. Ekoni apitc ke otcitciparik kitci tipaskonatcik kaskina ka nipotcik, kitci cawerimatcik ka ki atoskectaskik e ki nikan tipatcimotcik, kaie kaskina ka tiperimatcik acitc ka kicterimiskik, ka kicteritakositcik kaie peikon aka ka kicteritakositcik. Aci kaie otcitciparin kitci niciwonatcihakaniwitcik iriniwok ka akotatcik askiriw.”

Ka ki ici wapatahakaniwitc Jean 14:12

Ekoni wetci acterik mocak kitci ciciperitakik iriniwok ka tiperimikotcik Kice Manitowa, aniki ka sapitakik otirakonikewiniw kaie mocak ka nosanehwatcik Cecoca.

Ka ki ici wapatahakaniwitc Jean 16:6

Aniki iriniwok ki nipahewok anahweriw ka ki nikan tipatcimoritci kir otci, kaie kotakihi kitirinima. Aci anotc ki mirawok mikoriw kitci minikwetcik. Enkweriw ni ka ki ici kackitamatisotcik!”

Ka ki ici wapatahakaniwitc Jean 17:11

Anahwe matci awesis, weckatc ka pimatisispan, anotc aci aka e pimatisitc, wir tipirawe kata pe nta okimawiw, enko na nicwaso irikik okimawok. Aci weckatc ki okimawiw anahwe matci awesis, peikw ka nicowatcik okimawok. Kata nta ickwanakaniwiw.”

Ka ki ici wapatahakaniwitc Jean 17:8

Anahwe matci awesis ka ki wapamatc weckatc pimatisipan, aci aric nama pimatisiw. Kata orowiw neta ka pokoneckarik ka micta wararik. Kata tca nta ickwanakaniwiw. Iriniwok ka pimatisitcik ota askik aka ka masinaterik oticinikasowiniwaw neta Pimatisi Masinahikanik esko ka kiceritcikaterik askiriw, kata mamiskaterimewok anihi matci awesisa. Pimatisipan meka weckatc, anotc aci aka e pimatisitc, minawatc kata pe koski takociniw.”

Ka ki ici wapatahakaniwitc Jean 2:19

Ni kiskeriten e aitotamekw, e apitc sakihitoekw, kaie mocak e tapwerimiekw. Ni kiskeriten kaie e witcihekok kiwitc iriniwawok kaie e sokikapowiekw. Ni kiskeriten kaie kirawe anotc e miro totamekw patok weckatc ka ki pe aitotamekw nictam ka kitcipariekw e nosanehwiekw.

Ka ki ici wapatahakaniwitc Jean 2:2

Ni kiskeriten e aitotamekw. Ni kiskeriten ka ici arimihitisoekw e mantokasoekw kirika e sokikapowiekw e nakickamekw arimisiwin. Ni kiskeriten aka e pakitinekok ka matci totakik kitci witcewitakok. Ki ki nanto kiskerimawawok iriniwok ka kiraskitcik e itetcik e ki pe iciticohwakik, namaiew aniki tapwe nitarotakanak. Ki ki nisitowinowawawok e wecimiwetcik.

Ka ki ici wapatahakaniwitc Jean 3:10

Ki ki natotawinawaw ka ititakok mocak kitci sokikapowiekw. Ki ka tca nanakatcihitinawaw aka wiec kitci ispariekw, mekwata ke pe arimiparik. Kata meka pe arimiparin ota askik, kaskina iriniwok kitci nta kiskerimakaniwitcik e apitc ma tapwerimiwakwen.

Ka ki ici wapatahakaniwitc Jean 3:3

Mikaweritamokw tca anihe kiskinohamakewin ka ki pe otitikoiekw kaie ka ki ici petamekw. Sapitamokw kaie kweskatisikw! Kecpin aka kockosiekwe, kimotc ki ka keskopititinawaw, aka kitci kiskeritamekw apitc ke pe icaian, mia mitowi kimoti iriniw e itotisketc aka e kiskeritakositc apitc ke pe takocik.