Ka ki ici wapatahakaniwitc Jean 12:9 - Kice Manito Ocki Omirwatcimowin

⁹ Ki orowepinakaniwiw anahwe micta atikocimakan. Enko na weckatc micta kinepikw ka icinikatakaniwitc Matci Manito, kekotc ma Satan, ka wecimatc kaskina iriniwa ota askik. Ki iciwepinakaniwiw neta askik, kirika otacerima kaie wirawaw e ki iti acotci wepinakaniwitcik.

Ka ki ici wapatahakaniwitc Jean 12:9 Iomraidhean Croise

Matio 13:39

Anahwe ka cikerimatc kitike iriniwa, ka matce kitiketc matci mackociriw, enko na Matci Manito. Anihe tca aci e mawotcitakaniwok kitikan, enko anihe ke ponaskiwok. Aniki tca atoskectaketcik ka mawotcitatcik kitikaniw, enko aniki Kice Manito otacerima.”

Matio 24:24

Kata pe takociniwok meka iriniwok ke itekasotcik: ‘Ni ki pe iciticohokw Kice Manito kitci akwacimitakok,’ aka aric tapwe e icinakonik. Kaie kotakihik iriniwok ke nikan tipatcimokasotcik kata pe takociniwok, aka aric tapwe e itotisketcik Kice Manitowa otci. Kata mata kackitawok. Kata matawi aitotamok e natowi aitotakik kitci wikokwe wecimatcik iriniwa ka ki orapamikoritci Kice Manitowa, kecpin e kackitatcik.

Matio 25:41

“Minawatc ni ka itawok iriniwok namitciwonik ka icikapowitcik: ‘Matcakw nete aka kitci pecowapamiekw, kirawaw ka anwerimikoiekw. Icakw neta kakike ickotek ka ki ocitakaniwok wirawaw otci Matci Manito acitc ka atoskectakotc.

Matio 4:1

Minawatc Miro Manitowa ki iciwiriko Cecoc nete askik ka ici cipewatawokarik, kitci ki kokwetcihikotc Matci Manitowa.

Matio 4:10

Aci itew Cecoc: “Matca, Matci Manito! Itemakan meka Kice Manito Omasinahikanik: ‘Ki ka kicterimaw Kikice Manitom Ka Tiperitciketc. Wir tepirak ki ka atoskectawaw.’” Deutéronome 6.13

Matio 4:5

Aci minawatc Matci Manito ki iciwirew Cecoca neta Jérusalem otenak, aniheriw otenariw ka micta kitcitwaweritakonik cota aiamihewinik itekera. Ki iciwirew okitapokw kitci aiamihe mikiwamik,

Matio 4:8

Nac minawatc nete ki iciwiriko Matci Manitowa ka micta icpatinarik, e tca wapatahikotc kaskina okimawiniw, kaskina ka ici takonik ota askik kaie e ici micta mirwinakonik,

Luc Omasinahikan 10:18

Itew Cecoc: “Ni ki wapamaw Matci Manito ka pe pakicik, wakwek e ki pe otciparitc, mia onimiskiw osko e waskorehak e icinakosispan.

Luc Omasinahikan 13:16

Anahwe tca iskwew, kaie wir Abraham otaniskotape osimiriw, mitato acitc nicwaso pipona irikik ki takopitiko Matci Manitowa! Kit iteritenawaw ia nama acteripan kitci apikonakaniwitc mekwata e arwepi kicikarik?”

Luc Omasinahikan 22:3

Aci Judas, Iscariote e icinikatakaniwitc, ki pitciteheckako Matci Manitowa. Enko na peikw Cecoc owitcewakana anahwe Judas.

Luc Omasinahikan 22:31

Cecoc itew Piena: “Simo, Simo! Natotaci! Matci Manito ki nataweritam kitci powiparihitakw, mia mirominockwa e micta powiparihakaniwiritci kitci ki maniparinik neta kitikaniw.

Luc Omasinahikan 8:12

Atita iriniwok tarasak icinakosiwok mia anihi okitamina ka papakicinitcik meskanak. Petamok Kice Manito otitewiniw, aric Matci Manitowa pe takociriw kitci maninamakotcik otehiwak, aka kitci ki tapwetakik, aka tca kitci akwacimakaniwitcik.

Jean 12:31

Aci kitciparin kitci tipaskonikaniwok ota askik. Aci kata matceticohwakaniwiw anahwe ka tiperimatc iriniwa ka nosanetaritci matci meskanariw ota askik.

Jean 14:30

Nama tapwe awocamec ki ka aimihitinawaw. Osam meka pe takociniw anahwe ka tiperimatc iriniwa ka nosanetaritci matci meskanariw ota askik. Tekaci nama ni tiperimikw.

Jean 16:11

Minawatc anihe tipaskonikewin e arimotaman, ekoni e icinakok: anahwe ka tiperimatc iriniwa ka nosanetaritci matci meskanariw ota askik, aci ickwa tipaskonakaniwiw.”

Jean 8:44

Kotawiwaw, enko na Matci Manito, kirika ki wi itotiskanawaw wir kotawiwaw e ici nataweritak. Mocak manoho anahwe. Ekoni mocak e icinakositc esko ka kiceritcikaterik askiriw. Nama wiskat nosanetaw tapwewiniw. Tekaci meka nama tapweritakosiw. E kiraskitc, ekoni e itotisketc aniheriw mocak ka itotiskespan. Aspinikotc meka kiraskiw, kirika kaskina wir e tiperitak kiraskiwiniw.

Ka ki aitotiskeritci Cecoc otarotakana 26:18

Ki ka iciticohotin kitci natawapamatcik, kitci ki nta witcihatcik kitci miro wapatakik, kitci ki witcihatcik iriniwok ka tipiskatisitcik kitci tca waseatisitcik, aka aci kitci tiperimikotcik Matci Manitowa, Kice Manitowa kitci tiperimikotcik. Tapwerimitawe, opactatowiniwaw kata kasihamawakaniwiwok, kaie ni ka mirawok kaie wirawaw nitirinimak kitci iteritakositcik.’”

Ka ki aitotiskeritci Cecoc otarotakana 5:3

Aci Pien itew: “Ananias, kekwan wetci ki pakitinatc Matci Manito kitci cakotcihisk kitehik kitci kiraskimatc Miro Manito, e itein anihe coria ekoni irikik ka ki isparik ka atawein anihe kitaski.

Rome iriniwok 16:18

Nama atoskectawewok anihi Ka Tiperimitokw Cecoca. Tepirak meka omisitawaw tiperimikowok. Oniwirewok iriniwa aka ka kiskeritamiritci ka maratanik e kiskinohamaketcik, e aitatcik kekociciriw ka mirotakonik kaie e mamirwatcimatcik.

Rome iriniwok 16:20

Kice Manito, anahwe ka pakitinak pekaterimowiniw, aci kekatc kata cakotcitaw Matci Manitowa omackawisiwiniw. Kata totam kitci mackawisiekw kaie kirawaw kitci cakotcihekw. Ni pakoserimon omirotehewin Ka Tiperimitokw Cecoc Krist kitci witci tacikemikoekw.

2 Corinthe iriniwok 11:14

Nama ki ta kockoparinawaw anihe otci. Matci Manito meka wir tipirawe kackitaw kitci icinakohitisotc mia aceriw nte e ototetc e ici wasearik.

2 Corinthe iriniwok 11:3

Mia mitowi anahwe Ève ka pakitinak kitci onicimikotc kinepikwa e ki wecimikotc, ni kocten kaie kirawaw kitci paskewirikoiekw kimitoneritcikaniwak kaie aka awocamec tekaci kitci wi nosanehwekw Cecoc Krist.

2 Corinthe iriniwok 12:7

Aric Kice Manito ni ki mirikw akosiwiniw e arimanik, aka tca kitci osami sasekaian e ki miritc kitci wapatamwak kaie kitci kiskeritamwak kekociciriw e kitcinakonik. Nit akohikon mictahi ohwe akosiwin. Mia mitowi Matci Manito ka ki pe iciticahamowitc kitci macikakoan acitc aka kitci osami sasekaian.

2 Corinthe iriniwok 2:11

kirika aka kitci kackitatc Matci Manito kitci cakotcihitokw. Ki kiskerimano meka e ici nataweritak kitci totak.

2 Corinthe iriniwok 4:4

Nama tapwetamok, osam Matci Manitowa, anihi anotc mekwata ka tiperitamiritci ota askik, e totamiritci aka kitci wapatakik omitoneritcikaniwak. Wir ka otcinehikotcik tekaci aka kitci wapatakik aniheriw Mirwatcimowiniw ke ki ici wactenamakotcik, Krist oticperitakosiwin e arimotcikaterik, mia meka e icinakositc Kice Manito, ekoni peikon e icinakositc Krist.

Éphèse iriniwok 4:14

Nama tca awocamec mia awacak ki ka itatisinano. Nama aci ki ka otake cakosimikonowok aniki ka onicimiwetcik, arotc aiamihe kiskinohamakewiniw e kiskinohamaketcik. Kiraskimewok owitc iriniwawa tepirak e wi paskewiratcik. Kecpin meka otake cakosimikoikwe, tarasak mia tciman ka matceahotek, arotc ka aitactak e rotik, ekoni ke iteritakosiikw.

2 Thessalonique iriniwok 2:3

Aka pakitinakw awik kitci wecimitakw, kotc ke ici kokwetcitatc. Epwamoci pe koski takocik Cecoc, pitama mitcet iriniwok kata wi anwerimewok Kice Manitowa, acitc kata pe takociniw anahwe ka icinikatakaniwitc Micta Matci Awik. Enko anahwe ka anwerimakaniwitc, nikotin tekaci kitci niponerimakaniwitc.

1 Timothée 2:14

Namaiew Adam ka ki wecimakaniwitc, aric anaha iskwew Ève ka ki pakitinitisotc kitci wecimakaniwitc, wirctam tca iskwew ka ki anwetowatc Kice Manitowa.

2 Timothée 3:13

Aric iriniwok ka matci iriniwitcik kaie aniki ka wecimiwetcik eckam kirawe warawik kata icawok e matci totakik. Kata wecimewok owitc iriniwawa, kirika kaie wirawaw kata wecimakaniwiwok.

Hébreux iriniwok 2:14

Ohki awacak e arimomakaniwitcik ota, iriniwiwok e owiawitcik kaie e omikotcik. Cecoc wir tipirawe ki iriniwihitiso mitowi wirawaw, tapickotc kitci ki iriniwitcik. Ekoni tca wetci, ki nipotc, ki otci cakotcihew Matci Manitowa, anihi ka kackitaritci kitci nipaharitci iriniwa.

1 Pien 5:8

Nanakatisikw mocak. Aiekwamictamokw kaskina kekocic. Aiekwamictowakw Matci Manito e wi cakotcihitakw. Mocak meka nantowapamew iriniwa e wi cakotcihatc, tarasak mia micapiciw e pa pimotetc e kitotc e nantowapamatc ko awiriw kitci ki mowatc.

1 Jean 5:19

Ki kiskeritenano e tiperimitokw Kice Manito. Kaskina aric ka tiperitakositcik ota askik, tiperimikowok anihi Ka Matcatikosiritci.

Jude 1:9

Wawatc anahwe kitci aceriw, Micer ka icinikasotc, nama wiskat ki otci totam. Mekwata ka kikamitotcik anahwe Micer kirika Matci Manitowa, ohweriw otci, awin nta e tacitcik ke kanaweritakipan Moïsa owiawiriw, anahwe kitci aceriw Micer nama ki otci itactahorew Matci Manitowa kitci marerimatc. Tepirak ki itew: “Kitci kicakonisk Teperitciketc!”

Ka ki ici wapatahakaniwitc Jean 12:12

Ekoni ke otci micta mireritamekw, wakwek! Kirawaw neta ka tacikeiekw icpimik, ekoci mireritamokw! Aric kirawaw neta askik kirika kitcikamik ka tacikeiekw, ki ka arimiparinawaw! Ki nitcickaw Matci Manito kitci natawapamitakw e micta kiciwasitc. Kiskeritam meka aka kinowec e acterik kitci totak wa totak.”

Ka ki ici wapatahakaniwitc Jean 12:3

Kiapatc peikw kekocic ki pe nokon icpimik e matawinakok. Ni ki wapamaw micta atikocimakan tekaci e mikositc. Nicowatcinipan octikwan kaie mitatciripan oteckana. Tato e tatinik octikwanik apatcitapan okimaw actotiniw.

Ka ki ici wapatahakaniwitc Jean 12:7

Aci ki micta natoparinaniwon wakwek. Ka tiperimatc aceriwa ka icinikatakaniwitc Micer kaie anahweriw otacerima ki icawok e nta natoparictowatcik anihi atikocimakana, kaie ki pe kiwe natoparictako anihi atikocimakana kaie anahweriw otacerimiriw.

Ka ki ici wapatahakaniwitc Jean 12:8

Aric anahwe atikocimakan ki cakotcihakaniwiw. Nama ki otci pakitinakaniwiw awocamec kitci taciketc nete icpimik, kirika anahweriw ka atoskectakotc.

Ka ki ici wapatahakaniwitc Jean 13:14

Tekaci onicimepan iriniwa ota askik, e wapatahaspan e ici mata kackitatc, e ki mirakaniwitc ani kitci ici kackitatc, mekwata e tacikerispana neta nictam matci awesisa. Ki wikosimew ota ka tacikeritci askik kitci ociharitci manitokana tepirak kitci kicterimakaniwiritci nictam anihi matci awesisa ka ki apinehwakaniwiritci, micta mokomaniw e ki totcikaterik, minawatc kiapatc e pimatisiritci.

Ka ki ici wapatahakaniwitc Jean 16:14

Enko aniki matci manitowok ka matawinakonik ka aitotakik. Pa icawok e natawapamatcik okimawa kaskina wiec ota askik, kitci mawotcihatcik ocimakanicimiwariwa, kitci ki nta natoparitcik kitci kicikarike, Kice Manitowa ka mawotci mackawisiritci okitci kicikom.

Ka ki ici wapatahakaniwitc Jean 18:2

Ki tepwew e micta kiciwetc: “Ki pakitin! Micta otenaw Babylone ki pakitin! Aci anotc matci manitowok tacikewok neta otenak, kotc e aicinakositcik. Kaskina pirecicak, kaie awesisak aka e mirwinakositcik, iriniwok aka ka sakihatcik e wapamatcik, ekota neta kaie wirawaw e ici pimatisitcik.

Ka ki ici wapatahakaniwitc Jean 18:23

Nama aci awocamec kata waskorewa waskorenitamakana neta ka ici tacikeiekw. Nama awocamec kata petakosiwok ka ocki nipowitcik e pa pimotetcik neta e mireritakik. Atawe iriniwok neta ka coriakewaspan kirawe kicteritakosiwakopan patok kaskina iriniwa e irikokoskamikarik. Iriniwok neta ka tacikewaspan matci apatcitapanak omatawosiwiniwaw kitci wiecimiwetcik.

Ka ki ici wapatahakaniwitc Jean 19:20

Ki makonakaniwiw anahwe matci awesis, kaie wir anahwe arotc ka ki nikan tipatcimotc ka ki kiraskispan ki makonakaniwiw, ka ki matawi aitotakipan anihi matci awesisa otci. E ki matawi aitotakipan tekaci ki onirew iriniwa ka ki masinahokoritci anihi matci awesisa kaie ka ki kicterimawaspan anihi manitokana mia ka icinakosiritci. Anahwe matci awesis kirika anahwe iriniw ka ki kiraskitc ka nikan tipatcimotc ki iciwepinakaniwiwok ickotek kiapatc e pimatisitcik, e micta micarik, mia micta sakihikan e irikokwarik. Micta kiciteriw neta, micta kanokoroweriw e osawapiterik.

Ka ki ici wapatahakaniwitc Jean 2:13

Ni kiskeriten ka ici tacikeiekw: neta Matci Manito ka ici apitc okimaw tetapiwakanik. Aric mocak ki pe nosanehwinawaw. Nama ki ki otci wepinenawaw e tapwerimiekw, misawatc Antipas e ki nipahakaniwitc neta kotenamiwak, mocak anahwe ka ki atoskectawitc. Ekota nta kotenamiwak, neta Matci Manito ka ici taciketc.

Ka ki ici wapatahakaniwitc Jean 2:24

Kirawaw aric nete ka tacikeiekw Thyatire otenak, aka ka nosanetaiekw matci arotc kiskinohamakewin, aka kaie e ki otci otapinamekw anihe ka icinikatcikatek ‘Matci Manito okiskeritamowin ka katakaniwonik,’ ohwe ki witamatinawaw: nama takon kotak kekocic ke miritakok kitci totamekw.

Ka ki ici wapatahakaniwitc Jean 2:9

Ni kiskeriten e arimisiekw kaie e kitimakisiekw. Aric tapwe ki micikitanawaw kitcitcakociwak itekera! Ni kiskeritamwan e ici marerimitakok atita iriniwok ka icinikatisotcik ‘cota iriniwok,’ aric aka tapwe e iteritakositcik. Matci Manitowa nosanehwewok.

Ka ki ici wapatahakaniwitc Jean 20:10

Minawatc Matci Manito, anahwe ka wecimaspan anahweriw iriniwa, ki iciwepinakaniwiw neta ickote sakihikanik e osawapiterik, neta e ici tacikeritci anihi matci awesisa kirika anihi arotc ka nikan tipatcimoritci. Mocak kata nekatcihakaniwiwok, kape kickwa kaie kape tipiskwa, kakike nespitc.

Ka ki ici wapatahakaniwitc Jean 20:8

Kiapatc kata pa icaw kitci nta wecimatc iriniwa kaskina e irikokoskamikarik, neta askik ka icinikaterik Gog kirika Magog. Kata mawotcihew kitci wi nta natopariritci. Ke apitc mitcetiritci, mia mitowi reko ka tatik rarewak kitcikamik kata taciriwa.

Ka ki ici wapatahakaniwitc Jean 3:9

Aric aniki iriniwok ka nosanehwatcik Matci Manitowa, ka kiraskitcik e itetcik ‘ni cota iriniwinan,’ aric aka tapwe e iteritakositcik, wikockatc ni ka pe iciwirawok kitci pe nta nipiskoctatakok kitci kicterimitakok. Kata kiskeritamok e sakihitakok.

Ka ki ici wapatahakaniwitc Jean 9:1

Minawatc kotak aceriw ki kweckoctatcikew, ekoni aci niaran. Ni ki wapamaw atcikoc e ki pe pakicik askik, wakwek e ki otciparitc. Ki mirakaniwiw anahwe atcikoc cehikaniw kitci cenak e pokoneckarik e micta wararik.

Ka ki ici wapatahakaniwitc Jean 9:20

Kaskina kotakihik iriniwok ota askik aka ka ki otci nipahikotcik aniheriw nekatcitawiniw nama ki otci kweskatisiwok ka ici patahakik. Nama ki otci ponitawok e kicterimatcik matci manitowa kaie manitokana wirawaw tipirawe e ki ocihawaspan, aniheriw e ki apatcitatcik osawo coriariw kaie coriariw acitc kotakeriw piwapiskoriw, “bronze” ka icinikaterik, e wasapiskiterik e ki sosokaterik ickotek, kaie asiniwa e ki apatcihatcik kirika mictikwa. Aniki manitokanak nama ki wapatamok, nama kaie ki petamok acitc nama ki pimotewok.