Ka ki ici wapatahakaniwitc Jean 12:4 - Kice Manito Ocki Omirwatcimowin

⁴ Nipara ki nitciwepohwew atcikoca icpimik, kekatc apita e taciritci, oso e apatcitatc, askik e iciwepohwatc. Ekota neta nikanik iskwek e tacikespan e wapamawosoritci, kitci mowatc anihi onitcaniciriw kotc ickwa nitawikiritena.

Ka ki ici wapatahakaniwitc Jean 12:4 Iomraidhean Croise

Jean 8:44

Kotawiwaw, enko na Matci Manito, kirika ki wi itotiskanawaw wir kotawiwaw e ici nataweritak. Mocak manoho anahwe. Ekoni mocak e icinakositc esko ka kiceritcikaterik askiriw. Nama wiskat nosanetaw tapwewiniw. Tekaci meka nama tapweritakosiw. E kiraskitc, ekoni e itotisketc aniheriw mocak ka itotiskespan. Aspinikotc meka kiraskiw, kirika kaskina wir e tiperitak kiraskiwiniw.

1 Pien 5:8

Nanakatisikw mocak. Aiekwamictamokw kaskina kekocic. Aiekwamictowakw Matci Manito e wi cakotcihitakw. Mocak meka nantowapamew iriniwa e wi cakotcihatc, tarasak mia micapiciw e pa pimotetc e kitotc e nantowapamatc ko awiriw kitci ki mowatc.

Ka ki ici wapatahakaniwitc Jean 12:7

Aci ki micta natoparinaniwon wakwek. Ka tiperimatc aceriwa ka icinikatakaniwitc Micer kaie anahweriw otacerima ki icawok e nta natoparictowatcik anihi atikocimakana, kaie ki pe kiwe natoparictako anihi atikocimakana kaie anahweriw otacerimiriw.

Ka ki ici wapatahakaniwitc Jean 12:9

Ki orowepinakaniwiw anahwe micta atikocimakan. Enko na weckatc micta kinepikw ka icinikatakaniwitc Matci Manito, kekotc ma Satan, ka wecimatc kaskina iriniwa ota askik. Ki iciwepinakaniwiw neta askik, kirika otacerima kaie wirawaw e ki iti acotci wepinakaniwitcik.

Ka ki ici wapatahakaniwitc Jean 13:2

Anahwe awesis ka wapamak mia piciw e icinakositc. Osit mia masko e icinakonik. Oton mia micapiciw e icinakonik. Atikocimakan ki acotamawew anihi matci awesisa omackawisiwin, kaie omicta otetapiwakan kitci tiperitamiritci, kaie ki mirew tiperitamowiniw e micarik.

Ka ki ici wapatahakaniwitc Jean 13:4

Kaskina iriniwok ki kicterimewok anihi atikocimakana, e ki miraritci aniheriw omackawisiwin matci awesisiriw. Ki kicterimewok kaie anihi matci awesisa, e itetcik: “Awin ka asitci mackawisitc kirika anahwe matci awesis? Awin ke ki natoparictowatc kitci cakotcihatc?”

Ka ki ici wapatahakaniwitc Jean 16:13

Minawatc ni ki wapamawok nicto matci manitowok, mia arikicik e icinakositcik. Peikw anaha ekota nta ka otci pe orowitc otonik atikocimakanik, minawatc anahwe kotak, ekota nta ka otci pe orowitc otonik matci awesis, minawatc kotak ki otci pe orowiw iriniw otonik anahwe arotc ka nikan tipatcimotc.

Ka ki ici wapatahakaniwitc Jean 17:18

“Minawatc anahwe iskwew ka ki wapamatc, enko ni micta otenaw. Okimaw ka tiperitak neta otenak, enko na ka tiperimatc kaskina kotakihi okimawa ota askik.”

Ka ki ici wapatahakaniwitc Jean 20:2

Ki makonew atikocimakana, anihi weckatc ka ki kinepikowiritci, Matci Manito ka icinikatakaniwiritci, kekotc Satan. Anahwe aceriw ki takopitew kitci kipohwakaniwiritci peikwaw kice mitato mitana tato pipona irikik.

Ka ki ici wapatahakaniwitc Jean 8:10

Minawatc anahwe kotak aceriw ki kweckoctatcikew, ekoni aci nicto. Micta atcikoc ki pakicin, wakwek e otciparitc, e micta kanokorowetc, mia mictikw e icinakok onoskotc e otci ickwasotc. Ekota neta ka ici pakicik sipik kaie moskitciwonipekok, peikw nta e nicto tipahikateki.

Ka ki ici wapatahakaniwitc Jean 8:11

Anahwe atcikoc “Ka wisakisitc” icinikatakaniwiw. Anihe nipi tekaci nama wikacin. Mitcet ki nipahikowok e minikwetcik e ki pitcipotcik.

Ka ki ici wapatahakaniwitc Jean 8:12

Minawatc kotak aceriw ki potatam kweckoctatcikaniw, ekoni aci new. E nicto tipahakaniwitc kicikaw pisimw kekociciriw ki ispariw kaie peikon tipiskaw pisimw acitc atcikocak, kiapatc peikw nta e nicto tipahakaniwitcik, aka kitci wasisotcik. Tekaci nama ki otci wasisowok peikw e nicto tipahakaniwitc irikik mekwata e kicikarik kaie peikon e tipiskarik.

Ka ki ici wapatahakaniwitc Jean 8:7

Nictam anaha aceriw ki kweckoctatcikew. Ka ickwa kweckoctatciketc, ki sesekaniw, kaie ickoteriw ki pakitiniw mamo kirika mikoriw, askik e ici pakitinik. Neta e nicto tipahikatek aski, peikw aniheriw tekaci ki ickwateriw, kaie mictikok kekatc apita e tacitcik ki ickwasowok, peikon kaie kaskina mackoci ki ickwatew.

Ka ki ici wapatahakaniwitc Jean 8:8

Minawatc anahwe kotak aceriw ki kweckoctatcikew. Kekocic e micak, mia matina e icinakok, tekaci paskireparin e iciwepinikatek kitcikamik. E nicto tipahikatek kitcikami, peikw anihe ki iti mikwakamin e mikowonik,

Ka ki ici wapatahakaniwitc Jean 8:9

kaie kekatc apita e tacitcik kitcikamik ka pimatisitcik ki nipowok, acitc peikon kiapatc kekatc apita micta tcimana tekaci ki oraparino.

Ka ki ici wapatahakaniwitc Jean 9:10

Takonipan osowaw, mitowi mantcoca ka koctatikosiritci e icinakonik osoriw. Ekota neta osowak e otci otciparinikipan omackawisiwiniwaw kitci ki akohatcik iriniwa niarano pisimwa irikik.

Ka ki ici wapatahakaniwitc Jean 9:19

Ekota neta wetciparinik aniki atikok omackawisiwiniwaw otoniwak kaie osowak, kitci ki akohatcik iriniwa. Osowaw, mia kinepikw icinakonipan; onoskotc tca osowaw, mia peikon kinepikw octikwan e icinakonik. Enkweriw ka ki apatcitatcik kitci akohiwetcik.