Ka ki ici wapatahakaniwitc Jean 12:11 - Kice Manito Ocki Omirwatcimowin

¹¹ Kiwitcicaninowok ki cakotcihewok anihi ka itactahoriweritci, Maritcenic e ki pakitinak omikw kitci macikowinik ka nipotc wirawaw otci, kirika osam e tipatatakik Kice Manitowa otipatcimowiniw. Nama ki otci manatcitawok opimatisiwiniwaw, kaie kitci pakiterimitisotcik kitci nipotcik.

Ka ki ici wapatahakaniwitc Jean 12:11 Iomraidhean Croise

Luc Omasinahikan 14:26

“Awik ka iteritak kitci witcewitc, acteriw kirawe kitci sakihitc patok e asitci sakihatc otawiwa, okawiwa, owiwa, onitcanica, octesa, omisa, kirika ocima, kirawe kaie kiapatc kitci sakihitc, patok wir tipirawe e asitci sakihitisotc. Kecpin aka ici sakihite, nama ni ka ki witcewikw.

Jean 16:33

Ki ki witamatinawaw anihe kitci pekateritamekw kitehiwak, mocak e witcewiekw. Ota askik ki ka nekatcitanawaw. Aric sokerimokw! Aci kaskina ni ki cakotcitan ka maratak ota askik!”

Ka ki aitotiskeritci Cecoc otarotakana 20:24

Nama aric wiec nit iteriten ohwe nin tipirawe nipimatisiwin, karikec kotc kictaiane ohwe otamirowin ka ki miritc Teperitciketc Cecoc kitci itotiskewak: kitci tipatcimoctawakik iriniwok Mirwatcimowiniw, Kice Manitowa omirotehewiniw e arimotamowakaniwitcik.”

Ka ki aitotiskeritci Cecoc otarotakana 21:13

Aric ki itew: “Kekwan wetci matoiekw kirika tca wetci natowi totamekw kitci atweritcikeian? Aci meka nit ickwa aikan aka tepirak kitci takopitikoian, aric kaie matci kitci nipoian nete Jérusalem otenak, anihe otci e atoskectawak Teperitciketc Cecoc.”

Rome iriniwok 16:20

Kice Manito, anahwe ka pakitinak pekaterimowiniw, aci kekatc kata cakotcitaw Matci Manitowa omackawisiwiniw. Kata totam kitci mackawisiekw kaie kirawaw kitci cakotcihekw. Ni pakoserimon omirotehewin Ka Tiperimitokw Cecoc Krist kitci witci tacikemikoekw.

1 Corinthe iriniwok 15:57

Naskomatan tca Kice Manito e ki miritokw kitci ki cakotcitaikw pactatowin kaie nipowin, aniheriw otci ka ki pe itotisketc kirano otci Ka Tiperimitokw Cecoc Krist.

1 Jean 4:4

Aric kirawaw, ninitcanicak, Kice Manito ki tiperimikowaw. Aci kaie ki ki tepihawawok aniki ka itekasotcik: “Ni nikan tipatcimonan Kice Manito otci,” aric aka tapwe e itotisketcik. Kirawe meka mackawisiw Miro Manito ka tiperimitakw patok e asitci mackawisiritci Matci Manitowa ka wi tiperimikotcik aniki iriniwok ota askik ka tiperitakositcik, e nosanetatcik matci meskanariw.

1 Jean 5:5

Awin tca ka cakotcitatc matci meskanariw ota askik? Tepirak anahwe ka tapweritak ohweriw: Cecoc, enko anihi Kice Manito Okosa.

Ka ki ici wapatahakaniwitc Jean 1:2

Kaskina ni witen ota ka ki ici icinaman: Kice Manito otitewin kaie Cecoc Krist ka ki itetc e tapwemakanik.

Ka ki ici wapatahakaniwitc Jean 1:9

Nin Jean, kiwitcicaniwaw, kaie nin e witcewak Cecoc, mitowi kirawaw. Ki witcewitinawaw, kaskina tapickotc e pimoteikw e arimiparik e tiperimitokw Cecoc Okimawinik, kaie tapickotc e sokikapowiikw. Nin ni ki kipohokowin minictikok Patmos ka icinikatek, e ki pa tipatcimoian Kice Manito otitewin, kaie aniheriw tapwewiniw Cecoc ka ki petatc.

Ka ki ici wapatahakaniwitc Jean 11:7

Ickwa pa tipatcimotawe aniheriw otipatcimowiniw, matci awesis ka pe orowitc neta ka pokoneckarik ka micta wararik kata kwackotitotawew e wi macikowatc anihi iriniwa e niciritci. Kata cakotcihew kaie kata nipahew.

Ka ki ici wapatahakaniwitc Jean 12:17

Anahwe atikocimakan mictahi ki kiciwahiko anihi iskwewa. Ki nta natoparictawew kotakihi anahweriw otaniskotape osimiriw. Anahweriw onitcanica anahwe iskwew, enko aniki kaskina ka sapitakik Kice Manitowa otirakonikewiniw kaie mocak ka nosanetatcik tapwewiniw Cecoc ka ki ici pe wapatahiwetc.

Ka ki ici wapatahakaniwitc Jean 19:10

Ni ki nipiskoctawaw ositik e kicterimak, aric ni ki itikw: “Aka nte tota! Kaie nin nit arotakaniwin, mitowi kir kaie wirawaw kiwitcicanak mocak ka tipatatakik Cecoca otipatcimowiniw. Wir Kice Manito ki ta kicterimaw!” Kaskina Cecoc otipatcimowin, ekota nta wetciparinik kaskina ka ki pe nikan tipatcimonaniwonik Kice Manito otci.

Ka ki ici wapatahakaniwitc Jean 2:13

Ni kiskeriten ka ici tacikeiekw: neta Matci Manito ka ici apitc okimaw tetapiwakanik. Aric mocak ki pe nosanehwinawaw. Nama ki ki otci wepinenawaw e tapwerimiekw, misawatc Antipas e ki nipahakaniwitc neta kotenamiwak, mocak anahwe ka ki atoskectawitc. Ekota nta kotenamiwak, neta Matci Manito ka ici taciketc.

Ka ki ici wapatahakaniwitc Jean 2:17

Acteriw kaskina iriniwok ka kackitatcik kitci petawitcik wewerita kitci natotawatcik Miro Manitowa e itaritci nitirinima. Aniki ke cakotcitatcik ka maratanik ni ka mirawok kitci mowatcik pakwecikana ka karakaniwiritci, ‘manne’ ka icinikatakaniwiritci. Kaie tato neta e tacitcik ni ka mirawok asiniwa e wapapiskisiritci, e masinaterik ocki icinikasowiniw. Tepirak aniki ke mirakaniwitcik ocki icinikasowiniw kata kiskeritamok, nama kotak awik.”

Ka ki ici wapatahakaniwitc Jean 2:26

Aniki ke cakotcitatcik ka maratanik, kaie ke nosanetatcik e ici nataweritamawak nac kitci koski takociniwak, ni ka mirawok tiperitamowiniw, mia peikon aniheriw tiperitamowiniw Notawi ka ki miritc, kitci mihatcik kaskina iriniwa e aicinakosiritci ota askik, kotc e itemakanik Kice Manito Omasinahikan: ‘Kata micta mackawisiwok mihatawe, kaie kata pactohwewok anahweriw aka ka natotamiritci, mia awik e pactahak orakaniw ka askiwonik.’ Psaumes 2.8-9 Kaie ni ka mirawok wapan atcikoca.

Ka ki ici wapatahakaniwitc Jean 2:7

Acteriw kaskina iriniwok ka kackitatcik kitci petawitcik wewerita kitci natotawatcik Miro Manitowa e itaritci nitirinima. Aniki ke cakotcitatcik ka maratanik ni ka mirawok kitci mowatcik wapimina neta wapiminatikok ka nitawikiritci Kice Manito okitikan askik. Enkweriw ka otci pimatisinaniwonik.”

Ka ki ici wapatahakaniwitc Jean 20:4

Minawatc ni ki wapaten okimaw tetapiwakana. Aniki neta ka apiwaspan ki mirakaniwiwok kitci tipaskoniketcik. Kaie ni ki wapamimawok iriniwok Kice Manitowa ka nosanehwatcik otcitcakociwawa, aniki ka ki ickwanakaniwiwakopanen, e ki pa tipatcimotcik Cecoca tapwe e tiperitcikeritci, kaie anahweriw e ki tipatatakik Kice Manitowa otitewiniw. Nama ki otci kicterimewok wirawaw anihi matci awesisa kaie manitokana mia ka icinakosiritci. Nama ki otci mirakaniwiwok matci awesisa okicawatcikaniw oskitikowak, nama kaie otcitciwak. Ki koski pimatisiwok, kaie tapickotc ki tiperitcikewok kirika Krist peikwaw kice mitato mitana tato pipona irikik.

Ka ki ici wapatahakaniwitc Jean 3:12

Aniki ke cakotcitatcik ka maratanik ni ka arawok mitowi apocowatikw e micta sokaskotik, Kice Manito okitci aiamihe mikiwamik ka takok. Nama wiskat minawatc kata orowiwok. Ni ka masinahamwan oskitikowak e icinikasoritci Kice Manitowa, kaie e icinikaterik otenamiriw. Enko anihe otenaw ‘Ocki Jérusalem’ ka icinikatek, wakwek kitci pe otciparik, Nikice Manitom ke pe iciticahak. Ni ka masinahamwan kaie ocki niticinikasowin oskitikowak.

Ka ki ici wapatahakaniwitc Jean 3:21

Aniki ke cakotcitatcik ka maratanik ni ka mirawok kitci pe apitcik neta nokimaw tetapiwakanik e ici apiwak, tapickotc kitci tiperitamak, mitowi kaie nin ka totaman ka ickwa cakotcitaian ka maratak, e ki nta apian Notawi e ici apitc okimaw tetapiwakanik.

Ka ki ici wapatahakaniwitc Jean 3:5

Aniki ke cakotcitatcik ka maratanik kata ici wapaspisowok. Nama wiskat ni ka kasisinahamwan oticinikasowiniwaw Pimatisi Masinahikanik. Notawi Kice Manito kaie otacerima ni ka witamawawok ohweriw: Enko aniki nin tipirawe nitirinimak.

Ka ki ici wapatahakaniwitc Jean 6:9

Minawatc Maritcenic ki pikopitam kotakeriw kipotcickiwokisikaniw, ekoni aci niaran. Minawatc ni ki wapamimawok iriniwok otcakocimiwaw, cekotc e ici miciniritci neta ko ka ici aiamihe pakitinikaniwonik, kaskina aniki otcitcakociwawa ka ki pe nipahakaniwitcik, osam e ki tipatcimotcik Kice Manito otitewiniw mocak e ki tipatatakik ka totamiritci Kice Manitowa.