Ka ki ici wapatahakaniwitc Jean 12:10 - Kice Manito Ocki Omirwatcimowin

¹⁰ Minawatc ni ki petawaw awik e arimwetc e micta sokitakositc, wakwek e otewetak, e itetc: “Aci otcitciparin kitci akwacimitokw Kikice Manitomino! Aci ickwa wapatahiwew e apitc mackawisitc, wir e okimamiikw! Aci anihi ka ki itespan kitci pe iciticohwatc kitci pe nta akwacimimitokw ki wapatahiweriw wir e tiperitcikeritci. Ki orowepinakaniwiw meka anahwe ka itactahoriwetc, kitci nitciwepinakaniwitc anahwe mocak ka wi itactahoratc kiwitcicaninowa, anahwe nikanik ka nanipowispan neta Kikice Manitomino e ici nanipowiritci, aspinikotc kitci ki itactahoratc iriniwa, e kicikarik kaie e tipiskarik.

Ka ki ici wapatahakaniwitc Jean 12:10 Iomraidhean Croise

Matio 26:64

Cecoc itew: “Kir ni ka itein. Aric ki witamatinawaw: aci anotc ki ka wapamawaw anahwe Ka ki pe iriniwihitisotc e apitc onihiwinirik Kice Manitowa e mackawisiritci, kaie ki ka wapamawaw wakwek e pe ototetc, oskok e pe otci nokositc.”

Matio 28:18

Cecoc ki natcikapowictawew, e tca itatc: “Kaskina mackawisiwin ni ki mirikowin wakwek kaie ota askik.

Matio 6:10

kitci otcitciparik kokimawin, kaie e iteritaman kitci totcikatek ota askik tapickotc wakwek.

Luc Omasinahikan 11:2

Aci itew Cecoc: “Ekoni ke iteiekw e aiamihaiekw: Notawinan, ni nataweritenan kitci kicteritcikatek kiticinikasowin, kitci otcitciparik kokimawin.

Luc Omasinahikan 22:31

Cecoc itew Piena: “Simo, Simo! Natotaci! Matci Manito ki nataweritam kitci powiparihitakw, mia mirominockwa e micta powiparihakaniwiritci kitci ki maniparinik neta kitikaniw.

1 Corinthe iriniwok 5:4

Ki ka mawotcihitonawaw kitci pakoseritamekw anahwe Ka Tiperimitokw Cecoc oticinikasowin otci. Kaie nin tarasak ki ka mamitonerimitinawaw, mia peikon nitehik e tacikeian neta, kirika Ka Tiperimitokw Cecoc omackawisiwin ki ka witcihikowaw.

2 Corinthe iriniwok 12:9

Ki naskamo tca: “Nimirotehewin ka cawerimitan, tipiparin kir otci. Apitc aka e mackawisiin, ekoni apitc ka kiskeritcikatek e asitci mackawisian.” Ekoni ka icitc Teperitciketc. Ekoni tca wetci mireritaman e mirwatcimitisoan e nokok e aiarimotaman aka e mackawisian, Krist tca omackawisiwin kitci ki witcihikoian.

Tite 2:3

Peikon kaie ke ici witamawotcik iskwewok ka kiceatisitcik, ki ka itawok kitci ici pimatisitcik kotc e ici nataweritamiritci Kice Manitowa: aka kitci mareritciketcik; aka kitci minikwetcik; kitci tca kiskinohamaketcik ka mirwacinik;

1 Pien 5:8

Nanakatisikw mocak. Aiekwamictamokw kaskina kekocic. Aiekwamictowakw Matci Manito e wi cakotcihitakw. Mocak meka nantowapamew iriniwa e wi cakotcihatc, tarasak mia micapiciw e pa pimotetc e kitotc e nantowapamatc ko awiriw kitci ki mowatc.

Ka ki ici wapatahakaniwitc Jean 11:15

Minawatc kotak aceriw ki kweckoctatam okweckoctatcikan. Ekoni aci nicowaso. Enko na mamitcitc ka ki kweckoctatciketc. Ki petakon icpimik e arimwaniwok e micta sokitakok, e itemakak: “Aci ickwa otcitciparin anahwe Ka Tiperimitokw tekaci kitci tiperitak ota askik, kirika anihi ka ki pe iciticohwatc kitci akwacimiweritci. Nespitc kata tiperitam!”

Ka ki ici wapatahakaniwitc Jean 2:26

Aniki ke cakotcitatcik ka maratanik, kaie ke nosanetatcik e ici nataweritamawak nac kitci koski takociniwak, ni ka mirawok tiperitamowiniw, mia peikon aniheriw tiperitamowiniw Notawi ka ki miritc, kitci mihatcik kaskina iriniwa e aicinakosiritci ota askik, kotc e itemakanik Kice Manito Omasinahikan: ‘Kata micta mackawisiwok mihatawe, kaie kata pactohwewok anahweriw aka ka natotamiritci, mia awik e pactahak orakaniw ka askiwonik.’ Psaumes 2.8-9 Kaie ni ka mirawok wapan atcikoca.

Ka ki ici wapatahakaniwitc Jean 7:10

Ki tepitepwewok e micta kiciwetcik, e itetcik: “Enko na Kikice Manitomino ka apitc okimaw tetapiwakanik kirika Omaritcenicima ka akwacimitakok!”