Ka ki ici wapatahakaniwitc Jean 12:1 - Kice Manito Ocki Omirwatcimowin

¹ Minawatc peikw kekocic e matawinakok ki pe nokon icpimik. Ni ki wapamaw peikw iskwew e wikwekitc pisimwa, mia mitowi owikasim e ki piskak. Ki takoskew okitc tipiskaw pisimok. Apatcihepan mitato acitc nicw atcikoca octikwanik e otactotinitc.

Ka ki ici wapatahakaniwitc Jean 12:1 Iomraidhean Croise

Matio 12:38

Aci atita ka kiskinohamaketcik cota aiamihe irakonikewiniw kirika atita Pharisien iriniwok itewok Cecoca: “Kiskinohamake iriniw, ni nataweritenan kitci wapamitak e mata kackitain kitci ki kiskeritamak e apitc tapwe Kice Manito ka atoskectotc.”

Matio 24:30

Aci kekocic kata nokon waskok, kitci otci kiskeritakok aci kekatc kitci pe takocik anahwe Ka ki pe iriniwihitisotc. Aci kaskina iriniwok ota askik kata matowok, kitci kackeritakik. Kata wapamewok anihi Ka ki pe iriniwihitisoritci, oskok kitci otci pe nokosiritci, minawatc pe icaritena, e mackawisiritci kirika e icperitakosiritci.

Mark 13:25

Atcikocak waskok kata otci papakiciniwok. Kaskina tca aniki pisimw, tipiskaw pisimw kaie atcikocak kata ninikipariwok.

Luc Omasinahikan 21:11

Kata micta kwekon, kata kokataniwon kirika kata mitceno akosiwina e pamipariki, mitcet kata nipahikowok. Icpimik kata micta koctasinakon, kata mamiskasinakon, e pe kicawatcitakaniwok kekocic, wakwek kitci pe otciparik.

Luc Omasinahikan 21:25

“Kata micta pe mamiskasinakon neta pisimok, tipiskaw pisimok kaie atcikocik, e pe kicawatcitakaniwok kekocic e kicteritakok. Ota askik kaskina iriniwok kotc e aicinakositcik kata micta nekateritamok kaie kata arimeritamok e petakik kitcikamiriw e micta mitcahanik.

Jean 3:29

Mitowi e nipowinaniwok, iriniw e nipowitc, tariw otiskwema e wikimatc. Okwimesa anahwe iriniw ka nipowitc pecotcik icikapowiriw. Micta mireritamiriwa e petakotc e arimwetc. Ekoni peikon e apitc kaie nin mireritaman. Anotc aci ni kice mireriten.

Ka ki aitotiskeritci Cecoc otarotakana 2:19

Ni ka itotiskan kitci micta mamiskasinakok icpimik wakwek, kaie ni ka mata kackitan ota askik. Miko kata nokon, kaie ickote, kirika akwapite.

Rome iriniwok 13:14

Otapinamokw ocki pimatisiwin ka ki miritakw Teperitciketc Cecoc Krist. Akawir kaie aci pakitinitisokw minawatc kitci pakiciniekw, mocak kitci iteritamekw kitci wi matci pimatisiekw mia ka ki ici nataweritamekw weckatc.

Rome iriniwok 3:22

Awik e asperimototawatc Cecoc Krist, enkoni e tipiparinik icikowisk kitci ki iterimikotc Kice Manitowa. Ekoni e totawatc kaskina awiriw ka tapwerimaritci Cecoca, kotc e icinakosiritci. Nama meka pitoc iterimew atita iriniwa patok kotakihi.

2 Corinthe iriniwok 11:2

Ki otcinawekerimitinawaw e asitci sakihitakok, e natawerimitakok wircike Kice Manito kitci natotawekw. Wir tipirawe Kice Manito e ki miritc kitci ici otcinawekeritaman. Ekoni meka e icinakosiekw: mia mitowi ickwecic aka wiskat ka ki otci kiskerimatc iriniwa, ka ki nespi tapweritci otawiwa kitci mirakaniwitc peikw iriniwa kitci nipowitc. Nin tca kotawiwaw e iterimitisoan, e ki witcihitakok kitci kiskerimekw Krist, wircike kitci tiperimitakw.

Galatie iriniwok 3:27

Tapwe wirata, kaskina e taciekw, mia peikw kit iteritakosinawaw kirika Krist, e ki sikahatasoiekw, acitc e ki otapinamekw mia wir kitci itatisiekw.

Galatie iriniwok 4:26

Aric anihe otenaw Jérusalem wakwek e takok nama mia arotakan iteritakon. Mia kikawino iteritakon.

Galatie iriniwok 6:14

Nin, peikocin tepirak ka wi mirwatataman: anahwe Ka Tiperimitokw Cecoc Krist, ki nipo tcipaiatikok. Tapwe wirata osam e ki nipotc Cecoc, mia kaskina kekocic e ki nipomakak ota askik nin otci, aka awocamec e kicteritakok e iteritaman, mia tca kaie e ki nipoan kaskina kekocic otci ota askik ka takok.

Éphèse iriniwok 5:32

Anihe ka masinatek, kitci tapwewin otci kiskeritakon, weckatc ka katcictekipan. Nin e ici nisitotaman, arimomakaniwiw neta Krist acitc e totak otirinima otci.

Ka ki ici wapatahakaniwitc Jean 1:20

Enko ka wi itemakak ka wapamatcik ka nicowatcitcik atcikocak e takonakik ninihiwinik kaie anihi nicowaso e osawapiskaki wactenamakana. Nictam ka ki katakaniwok, anotc aci kaskina kiskeritakon. Anihi nicowaso wactenamakana, enko ni aniki ka nicowasotenwesitcik ka mawotcihitotcik kitci aiamihatcik e tapwerimitcik. Minawatc aniki nicowaso atcikocak, enkweriw ni otacerimiwawa.”

Ka ki ici wapatahakaniwitc Jean 11:19

Minawatc Kice Manito okitci aiamihe mikiwam, neta wakwek ka takonik, ki pe cepariniw. Kek ki pe nokon neta pwete ka kitcitwaweritakok, neta e masinaterik Kice Manito otacotamakewin. Ki pe wawaskoreparin, kirika e ki pe koctasitakok kaie e petakositc onimiskiw. Ki kwekon kaie e ki micta sesekak.

Ka ki ici wapatahakaniwitc Jean 12:3

Kiapatc peikw kekocic ki pe nokon icpimik e matawinakok. Ni ki wapamaw micta atikocimakan tekaci e mikositc. Nicowatcinipan octikwan kaie mitatciripan oteckana. Tato e tatinik octikwanik apatcitapan okimaw actotiniw.

Ka ki ici wapatahakaniwitc Jean 15:1

Minawatc ni ki wapaten wakwek kotak kekocic e mamiskasinakok kaie e micta mirwinakok: nicowaso aceriwok e takonakik nicowaso nekatcitawiniw. Enko ni mamitcitc nekatcitawina. Ekoni meka mamitcitc ke ici wapatahiwetc Kice Manito e ki kiciwahakaniwitc.

Ka ki ici wapatahakaniwitc Jean 21:14

Ka ocitakaniwokipan anihe micta kipaskohikan, mitato acitc nicw micta asiniwa ki totawakaniwipan. Neta micta asinik ki masinasoriwa e icinikasoritci anahweriw mitato acitc nicw otarotakana anahwe Maritcenic.

Ka ki ici wapatahakaniwitc Jean 21:23

Ni ki wapaten kaie aka arimatc kicikaw pisimw kaie tipiskaw pisimw e wasiketcik, oticperitakosiwiniw Kice Manitowa e wactenamakotcik iriniwok, kaie anahwe Maritcenic mia wactenamakan e icinakositc.