Ka ki ici wapatahakaniwitc Jean 11:3 - Kice Manito Ocki Omirwatcimowin

³ Ni ka iciticohwawok nicw iriniwok kitci arimwetcik nin otci, kitci tipatatakik ka ici kiskeritakik. Kata makateaspisowok kitci wapatahiwetcik e nekateritakik. Kata pa tipatatamok tipatcimowiniw ka ki mirikotcik Kice Manitowa, peikwaw kice mitato mitana acitc nicwaw mitato mitana acitc nikotwaso mitana tato kickwa irikik.”

Ka ki ici wapatahakaniwitc Jean 11:3 Iomraidhean Croise

Matio 11:21

“Ekwa kirawaw neta Chorazin otenak ka tacikeiekw! Nikotin ki ka nakickenawaw kitci arimipariekw! Kaie kirawaw Bethsaïda otenak ka tacikeiekw, nikotin ki ka arimiparinawaw! Kecpin nitowatc nete Tyr otenak kirika Sidon otenak ki taci mata kackitaian patok ota kirawaw ka ici tacikeiekw, aci weckatc wirawaw aniki iriniwok kata ki piskamopanak wikasiriw ka kawekinik acitc kata ki cicocimoropanak iskwaskiteskok kitci wapatahiwetcik e kweskatisitcik.

Matio 18:16

Aric kecpin aka wi pamitaske, kiapatc minawatc ki ka natawapamaw, kotak awik kaie kitci matcewiratc neta, kekotc ma nicw iriniwok ki ka matcewirawok, tapickotc kitci natawapamekw anahwe ka ki matci totask. Ekoni ke totamekw kitci ki nosanetaiekw anihe ka ki masinahikatek Kice Manito Omasinahikanik: ‘Kecpin awik itactahorate owitc iriniwa, patoc nicw kekotc nicto kotakihik iriniwok itetawe kaie wirawaw e kiskeritakik e ki itotiskeritci.’ Deutéronome 19.15

Luc Omasinahikan 10:13

“Ekwa kirawaw neta Chorazin otenak ka tacikeiekw! Nikotin ki ka nakickenawaw kitci arimipariekw! Kaie kirawaw Bethsaïda otenak ka tacikeiekw, nikotin ki ka arimiparinawaw! Kecpin nitowatc nete Tyr otenak kirika Sidon otenak ki taci mata kackitaian patok ota kirawaw ka ici tacikeiekw, aci weckatc wirawaw aniki iriniwok kata ki piskamopanak wikasiriw ka kawekinik, acitc iskwaskiteskok kata ki apipanak, kitci wapatahiwetcik e kweskatisitcik.

Luc Omasinahikan 24:48

Aci ki ki wapatenawaw anihe ka ki pe iciwepak, kaie ki ka tipatcimonawaw e ki wapatamekw.

Jean 15:27

Kaie kirawaw ki ka aiarimominawaw. Aci meka ki witcewinawaw esko ka kitciparian e kiskinohamatakok.”

Jean 3:27

Capatisa itikowok: “Nama kekociciriw kata ki pe otitiko awik, kecpin aka mirikote Kice Manitowa.

Ka ki aitotiskeritci Cecoc otarotakana 1:8

Aric ki ka pe otitikonawaw mackawisiwin, apitc Miro Manito nitcirete kitci witci tacikemitakw. Kaskina wiec tca ki ka tipatciminawaw Jérusalem otenak, kaie kaskina wiec Judée askik acitc Samarie askik, nac kaskina e irikokoskamikak.”

Ka ki aitotiskeritci Cecoc otarotakana 13:31

Mitceto kickwa irikik Cecoc ki wapamiko anahweriw iriniwa ka ki pe witcewikospan ka pe matcatc Galilée askik nac Jérusalem otenak e ki pe icatc. Enko anahweriw ni anotc ka atoskectakotc kitci arimomikotc e aimiharitci Israël iriniwa.

Ka ki aitotiskeritci Cecoc otarotakana 2:32

Anahwe Cecoc ka arimomak ki apitcipahiko Kice Manitowa. Kaskina kaie e taciak ni ki wapamanan.

Ka ki aitotiskeritci Cecoc otarotakana 3:15

Ekoni ka ki totamekw. Ki ki nipahawaw anaha ka miriwetc pimatisiwiniw. Aric Kice Manito ki apitcipahew. Ni ki wapamanan ninan tipirawe!”

1 Corinthe iriniwok 12:28

Ekoni peikon e icinakonik iriniwok otci ka mawotcihitotcik kitci aiamihatcik e tapwerimatcik Cecoca, kotc ka ki ici orapamatc Kice Manito: nictam aniki Cecoc otarotakana ka iteritakositcik, minawatc aniki ka nikan tipatcimotcik Kice Manitowa otci, minawatc aniki ka kiskinohamaketcik. Minawatc tawok ka mirikotcik Kice Manitowa kitci mata kackitatcik. Kotakihik mirakaniwiwok kitci ki matci kikehatcik ka akosiritci, kotakihik kaie mirakaniwiwok caweritcikaniw kitci witcihatcik owitc iriniwawa, kotakihik kaie kitci nikaniwitcik. Kotakihik kiapatc mirakaniwiwok kitci arimwetcik kotakeriw arimwewiniw aka ka kiskeritakonik.

2 Corinthe iriniwok 13:1

Ekoni aci nictowaw kitci pe nta natawapamitakok. Ickwa takociniane nete, ki ka nosanetanano ohwe ka itasinatek Kice Manito Omasinahikanik: “Kecpin awik itactahorate owitc iriniwa, patoc nicw kekotc nicto kotakihik iriniwok itetawe kaie wirawaw e kiskeritakik e ki itotiskeritci.” Deutéronome 19.15

Éphèse iriniwok 4:11

Wir ka ki cawerimatc papeikw iriniwa ke ici kackitaritci. Atita ki mirakaniwiwok Cecoc otarotakana kitci irapatisitcik, kotakihik kitci pa tipatcimotcik Mirwatcimowiniw. Kotakihik kiapatc ki mirakaniwiwok kitci kikeskwetcik. Minawatc kotakihik ki iterimakaniwiwok kitci nikaniwitcik kekotc kitci kiskinohamaketcik Kice Manitowa otarimwewiniw.

Ka ki ici wapatahakaniwitc Jean 1:5

Kaie peikon Cecoc Krist kitci ici cawerimitakw, anahwe mocak wewerita ka tipatcimotc tapwewiniw Kice Manitowa otci, Okosa nictam ka ki pe nitawikiritci, wirctam kaie ka ki apitcipatc, acitc ka tiperimatc kaskina e taciritci okimawa ota askik. Ki sakihikono Krist, kirika ki ki wikotcihikono kipactatowininak, osam e ki nipotc kirano otci, ka pakitinak omikw kitci macikowinik.

Ka ki ici wapatahakaniwitc Jean 11:2

Nama aric ki ka tipahen anihe aski orowitimik kitci aiamihe mikiwamik e ici takok. Neta orowitimik ki mirakaniwiwok iriniwok aka ka nosanehwatcik Kice Manitowa, ekota neta ke pa tatakoskatakik otenamiriw ka kitcitwaweritakonik, nemitana acitc nicw pisimwa irikik.

Ka ki ici wapatahakaniwitc Jean 11:6

Irikik e tacikikaterik e pa tipatatakik Kice Manito otipatcimowiniw, takoniw mackawisiwiniw kitci nakanakik kitci kimiwonik. Takoniw mackawisiwiniw kaie matci kitci meckotcitatcik nipiriw, miko kitci isparinik. Ki mirakaniwiwok kaie mackawisiwiniw kitci miratcik iriniwa e irikokoskamikarik nekatcitawiniw, irikik wirawaw e ici nataweritakik kitci isparinik.

Ka ki ici wapatahakaniwitc Jean 12:6

Iskwew ki ocimo neta askik ka ici cipewatawokarik, Kice Manitowa e ki nisawitakotc ke ici taciketc, kitci mihakaniwitc peikwaw kice mitato mitana acitc nicwaw mitato mitana acitc nikotwaso mitana tato kickwa irikik.

Ka ki ici wapatahakaniwitc Jean 13:5

Aci minawatc ki mirakaniwiw anahwe matci awesis kitci mirwatcimitisotc kaie kitci marerimatc Kice Manitowa. Ki mirakaniwiw aniheriw kitci itotisketc nemitana acitc nicwo pisimwo irikik.

Ka ki ici wapatahakaniwitc Jean 19:10

Ni ki nipiskoctawaw ositik e kicterimak, aric ni ki itikw: “Aka nte tota! Kaie nin nit arotakaniwin, mitowi kir kaie wirawaw kiwitcicanak mocak ka tipatatakik Cecoca otipatcimowiniw. Wir Kice Manito ki ta kicterimaw!” Kaskina Cecoc otipatcimowin, ekota nta wetciparinik kaskina ka ki pe nikan tipatcimonaniwonik Kice Manito otci.

Ka ki ici wapatahakaniwitc Jean 20:4

Minawatc ni ki wapaten okimaw tetapiwakana. Aniki neta ka apiwaspan ki mirakaniwiwok kitci tipaskoniketcik. Kaie ni ki wapamimawok iriniwok Kice Manitowa ka nosanehwatcik otcitcakociwawa, aniki ka ki ickwanakaniwiwakopanen, e ki pa tipatcimotcik Cecoca tapwe e tiperitcikeritci, kaie anahweriw e ki tipatatakik Kice Manitowa otitewiniw. Nama ki otci kicterimewok wirawaw anihi matci awesisa kaie manitokana mia ka icinakosiritci. Nama ki otci mirakaniwiwok matci awesisa okicawatcikaniw oskitikowak, nama kaie otcitciwak. Ki koski pimatisiwok, kaie tapickotc ki tiperitcikewok kirika Krist peikwaw kice mitato mitana tato pipona irikik.