Ka ki ici wapatahakaniwitc Jean 1:7 - Kice Manito Ocki Omirwatcimowin

⁷ Itapikw icpimik! Nte kata pe icaw oskok. Kaskina iriniwok kata wapamewok, misawatc aniki ka ki pataskohwatcik. Kaskina iriniwok papitoc e aicinakositcik ota askik kata matowok ke apitc kackeritakik e mitatatcik. Tapwe, ekoni ke isparik! Kekora ki iki.

Ka ki ici wapatahakaniwitc Jean 1:7 Iomraidhean Croise

Matio 16:27

Anahwe meka Ka ki pe iriniwihitisotc kata pe takociniw Otawiwa oticperitakosiwinik kirika otacerimiriw kitci pe witcewikoritci. Kata tca mirew kaskina papeikw iriniwa ka ki ici kackitamatisoritci, kotc ka ki ici totamiritci.

Matio 16:28

Tapwe ohwe ka witamatakok: atita ota ka taciketcik nama kata nipowok epwamoci wapamatcik anihi Ka ki pe iriniwihitisoritci e pe nta okimawiritci.”

Matio 24:30

Aci kekocic kata nokon waskok, kitci otci kiskeritakok aci kekatc kitci pe takocik anahwe Ka ki pe iriniwihitisotc. Aci kaskina iriniwok ota askik kata matowok, kitci kackeritakik. Kata wapamewok anihi Ka ki pe iriniwihitisoritci, oskok kitci otci pe nokosiritci, minawatc pe icaritena, e mackawisiritci kirika e icperitakosiritci.

Matio 25:31

“Apitc pe koski takocike anahwe Ka ki pe iriniwihitisotc oticperitakosiwinik, kirika kaskina aceriwok e pe witcewikotc, kata pe nta apiw okimaw tetapiwakanik kitci okimawitc.

Matio 26:64

Cecoc itew: “Kir ni ka itein. Aric ki witamatinawaw: aci anotc ki ka wapamawaw anahwe Ka ki pe iriniwihitisotc e apitc onihiwinirik Kice Manitowa e mackawisiritci, kaie ki ka wapamawaw wakwek e pe ototetc, oskok e pe otci nokositc.”

Mark 13:26

Kata tca wapamakaniwiw anahwe Ka ki pe iriniwihitisotc, oskok kitci otci pe nokositc minawatc pe takocike, e mackawisitc kirika e icperitakositc.

Mark 14:62

Cecoc itew: “Ehe, nin ni. Kaie kaskina e taciekw ki ka wapamawaw anahwe Ka ki pe iriniwihitisotc e apitc onihiwinirik Kice Manitowa e mackawisiritci, kaie ki ka wapamawaw wakwek e pe ototetc oskok e pe otci nokositc.”

Luc Omasinahikan 21:27

Kata wapamakaniwiw anahwe Ka ki pe iriniwihitisotc, oskok kitci otci pe nokositc, minawatc pe takocike, e mackawisitc kirika e icperitakositc.

Jean 19:34

Aric peikw cimakanic ki pataskahwew opimera, ospakarik itekera, ocimakan e apatcitatc. Tecikotc orowi acokowiniw omikoriw acitc nipiriw.

Jean 19:37

Ohwe kiapatc masinatew: “Kata kanawapamewok anihi ka ki pataskohwatcik.” Zacharie 12.10

1 Thessalonique irinowok 1:10

Witamok kaie e pehimekw Okosa minawatc kitci pe koski takociniritci, wakwek kitci ototeritci. Enkweriw meka ka ki apitcipahatc Kice Manito. Ki ki pe nta wikotcihikono Cecoc, aka kitci ki anwerimitokw Kice Manito, aci meka e peconakonik kitci tipaskoniketc.

1 Thessalonique irinowok 4:17

Minawatc kirano nta e taciikw kiapatc e pimatisiikw ani apitc ki ka mawotcihikowinano kaie aniki ka ki apitcipahakaniwitcik, nete oskok, kitci ki nakickowokw Teperitciketc nete waskok. Nespitc tca ki ka witci tacikemano Teperitciketc.

Hébreux iriniwok 10:29

Tan tca ke asitci anwerimakaniwitc awik ke anwerimatc Kice Manito Okosa, aka ka kicteritak omikoriw, kirika ka marerimatc Miro Manitowa ka miritokw mirotehewiniw? Anahwe iriniw ka totak kata nta kackitamatiso kirawe awocamec kitci icinakonik ke ici anwerimakaniwitc. Aniheriw meka Cecoc omikoriw, Kice Manito ki apatcitaw acotamakewiniw kitci ki ocitatc, kirika ekoni ka otci mirwinakohakaniwiritci otehik anahweriw iriniwa.

Hébreux iriniwok 6:6

Peikon ki koski pakiciniwok kitci ici pimatisitcik weckatc e ici pimatisiwakopanen epwamoci kiskerimatcik Cecoca. Aniheriw e itotisketcik, tarasak mia e koski tcictaskowatatcik tcipaiatikok Kice Manito Okosa, kaie tarasak kaskina wiec e aitatcik e marerimatcik kitci wanerimakaniwiritci.

1 Jean 3:2

Nimiro nikwimesak, anotc kit iteritakosinano Kice Manito onitcanica, aric nama moci ki ki otci kiskeritamihikono tan ke iteritakosiikw kecko. Ohwe aric ki kiskeritenano: Minawatc takocike Krist, mia wir kitci iteritakosiikw. Ki ka wapamano meka mia e icinakositc.

Jude 1:14

Aci weckatc peikw awik ki pe nikan tipatcimopan, Hénok e icinikasokopanen. —Nicowaswaw irikik otaniskotape omocomikopan Adama anahwe Hénok.— Arimomepan anahweriw iriniwa e nikan tipatcimospan, e ki itetc: “Natotamokw! Teperitciketc kata pe icaw kitci pe witcewikotc otacerima e kitcitwawisiritci, kitci micta kice mitcetiritci.

Ka ki ici wapatahakaniwitc Jean 22:20

Anahwe ka witak kaskina e tapwemakanik, itew: “Tapwe, aci peconakon kitci pe koski takocinian!” Kekora ki iki! Ekoni ke icinakok! Pe ica, Teperitcikein Cecoc!

Ka ki ici wapatahakaniwitc Jean 22:4

Kata wapamewok otactamikorik, kaie oticinikasowiniw kata masinateriw oskitikowak.