Ka ki ici wapatahakaniwitc Jean 1:5 - Kice Manito Ocki Omirwatcimowin

⁵ Kaie peikon Cecoc Krist kitci ici cawerimitakw, anahwe mocak wewerita ka tipatcimotc tapwewiniw Kice Manitowa otci, Okosa nictam ka ki pe nitawikiritci, wirctam kaie ka ki apitcipatc, acitc ka tiperimatc kaskina e taciritci okimawa ota askik. Ki sakihikono Krist, kirika ki ki wikotcihikono kipactatowininak, osam e ki nipotc kirano otci, ka pakitinak omikw kitci macikowinik.

Ka ki ici wapatahakaniwitc Jean 1:5 Iomraidhean Croise

Matio 20:28

Peikon kaie anahwe Ka ki pe iriniwihitisotc, nama ki otci pe icaw kitci atoskectawakaniwitc, aric kitci atoskectaketc, kirika kitci pakitinak opimatisiwin, micta mitcet iriniwok kitci wikotcihakaniwitcik.”

Matio 28:18

Cecoc ki natcikapowictawew, e tca itatc: “Kaskina mackawisiwin ni ki mirikowin wakwek kaie ota askik.

Jean 13:1

Aci kekatc aiamihe makocaniwonikopan, Pâque ka icinikatek. Aci kiskeritamokopan Cecoc e otcitciparinik kitci nakatak askiriw, kitci ki natawapamatc Otawiwa. Mocak ki sakihepan otirinima ota askik, kaie ki wapatahew e sakihatc nac mamitcitc kicikarike.

Jean 13:34

“Ocki irakonikewin ki miritinawaw: sakihitokw. Mia nin ka ki ici sakihitakok, ekoni kaie kirawaw ke ici sakihitoekw.

Jean 15:9

Ki sakihitinawaw, mia Notawi e asitci sakihitc. Mocak tacikekw neta nisakihiwewinik.

Jean 18:37

Aci itew Pilate: “Ka! Kir ia ni okimaw?” Cecoc itew: “Kir ni ka itein: ni okimawin. Ni ki nitawikin kaie ni ki pe ican ota askik, tapwewin kitci pe nta tipataman. Kaskina awik ka nosanetatc tapwewiniw, natotam aniheriw ka itewak.”

Jean 3:11

Ohwe ka witamatan, tapwe ni icinakon: ninan nit arimotenan ka ici kiskeritamak kirika ni witenan kotc ka ki ici wapatamak. Nama aric ki wi tapweritenawaw anihe ka witamatak.

Jean 3:16

E apitc meka sakihatc iriniwa Kice Manito, ki pe iciticahwew tipirawe Okosa e peikociritci, kaskina awik e tapwerimatc aka kitci onicik, aric kitci kakike pimatisitc.

Jean 3:32

Witam ka ki ici wapatak kaie ka ki ici petak. Nama aric awik naheritam ka aiteritci.

Ka ki aitotiskeritci Cecoc otarotakana 20:28

Nakatawerimitisokw kirawaw tipirawe, kaie nakatawerimakok kaskina iriniwa Miro Manito ka ki miritakw kitci mihimekw. Mia maritcenici iriniw ka miro nakatawerimatc omaritcenicima, nanakatcihakok kaskina ka tapwerimatcik Cecoca. Enko meka ka otapinawatc Kice Manito, osam e ki niporitci tipirawe Okosa, e macikowinik omikoriw.

Ka ki aitotiskeritci Cecoc otarotakana 26:23

kitci pe nekatcitatc anahwe ke pe iciticohwakaniwitc ota askik kitci akwacimitokw, kaie wirctam kitci apitcipatc, acitc kitci wactenamowatc cota iriniwa kaie kaskina kotakihi papitoc askik ka tacikeritci, kitci tca akwacimakaniwiritci.”

Rome iriniwok 3:25

Ki iciticahwew Krist kitci nipahakaniwiritci. Tarasak ki aiamihe pakitinam opimatisiwiniw kitci macikowinik omikw, kaskina iriniwa otci ka tapwerimikotc kitci ki kasihamawakaniwiritci opactatowiniwariw. Ekoni ka ici wapatahiwetc Kice Manito wir mocak icikowisk e iteritakositc. Weckatc meka ki wapatahiwew icikowisk e iteritakositc, e pe ciciperitamokopanen aka e ki otci kicakonatc iriniwa tatwaw ka pactatiritci. Kirika anotc mekwata kiapatc wapatahiwew wir tipirawe icikowisk e iteritakositc kirika e miratc otirinima icikowisk kaie wir kitci iteritakosiritci.

Rome iriniwok 8:37

Kotc kaskina anihi e iciwepasikw, ki sokikapowinano kitci cakotcitaikw, osam e witcihitokw anahwe ka ki sakihitokw.

1 Corinthe iriniwok 6:11

Ekoni meka e itatisiekopanen, atita nta e taciekw, epwamoci pe kiskerimekw Cecoc. Aric ki ki kasihamakowinawaw ka ki ici patahamekw tekaci kitci mirwinakosiekw kitehiwak. Tipan ki ki arikowinawaw kitci okimamiekw Kice Manito. Ki icitaw icikowisk kitci iterimitakw Kice Manito, Teperitciketc Cecoc Krist e ki itotisketc kitci icinakonik, kirika Kikice Manitomino Omiro Manitoma e ki pe nta witci tacikemitokw.

Galatie iriniwok 2:20

Namaiew tca awocamec nin tipirawe ka pimatisian, kirawe wir Krist ka pimatisitc nipimatisiwinik. Anotc e iriniwian, ni pimatisin tepirak e asperimototawimak Kice Manito Okosa, ka ki sakihitc kirika ka ki pakiterimitisotc nin otci.

Éphèse iriniwok 2:4

Aric Kice Manito kice micariw okitimakeritcikewin. E apitc sakihitokw,

Éphèse iriniwok 5:2

Mocak sakihakok kiwitc iriniwawok, mia Cecoc Krist ka ki asitci sakihitokw. Ki pakiterimitiso meka kitci nipahakaniwitc kirano otci, kitci ki mireritamihatc Kice Manitowa, mitowi ka totcikatek ka aiamihe pakitinikaniwok, ka sasakewotcikaniwok Kice Manito otci.

Colosse iriniwok 1:18

Nikaniwiw, kaskina otirinima e tiperimatc, mia owiaw e iterimatc, wir tipirawe e iteritakositc octikwan. Wir ka kitciparitatc ocki pimatisiwiniw. Enkweriw nictam Okosa Kotawino Kice Manito, nictam kaie ka ki apitcipahakaniwiritci, kaskina tca wiec kitci ki nikaniwiritci.

1 Timothée 6:13

Ki witamatin Kice Manito otci, wir ka miriwetc pimatisiwiniw kaie kaskina kekociciriw, acitc Cecoc Krist otci, wir tipirawe ka ki tipatcimoctawatc kice okimawa Ponce Pilate ka icinikasoritci e ici asperimototawatc Kice Manitowa, e mirotakonik otipatcimowin:

1 Timothée 6:15

Apitc iteritake Kice Manito kitci pe iciticohwatc, ekoni apitc ke pe icaritci. Wir Kice Manito e peikocitc e okimawitc, e caweritakositc, wir ka okimawitc kaskina e taciritci okimawa, wir ka tiperimatc kaskina ka tiperitamiritci.

Hébreux iriniwok 10:29

Tan tca ke asitci anwerimakaniwitc awik ke anwerimatc Kice Manito Okosa, aka ka kicteritak omikoriw, kirika ka marerimatc Miro Manitowa ka miritokw mirotehewiniw? Anahwe iriniw ka totak kata nta kackitamatiso kirawe awocamec kitci icinakonik ke ici anwerimakaniwitc. Aniheriw meka Cecoc omikoriw, Kice Manito ki apatcitaw acotamakewiniw kitci ki ocitatc, kirika ekoni ka otci mirwinakohakaniwiritci otehik anahweriw iriniwa.

Hébreux iriniwok 9:14

Awesisak omikowaw kaie e piwaskisotcik, ekoni ka irapatanokopanen. Aric Krist omikw kirawe mictahi mackawisimakaniw kiapatc! Wir nama wiskat ki otci matci totam, kirika ki pakiterimitiso, wir tipirawe opimatisiwin e ki miratc Kice Manitowa, e ki witcihikotc Miro Manitowa ka kakike pimatisiritci. Ekoni e ki tipiparinik, wir tipirawe opimatisiwin e ki pakiteritak kaie omikw e ki macikowinik. Omikw ka itotiskemakanik anotc wetci mirwinakotakaniwok kitehino, aka kitci takok kitehinak ka maratak kaie aka kitci totamokw kekocic aka ka apasinakok, kitci ki tca atoskectawokw Kice Manito ka pimatisitc!

1 Pien 1:19

Ekoni wetci ki akwacimikoiekw: Cecoc Krist e ki pakiteritak omikw e micta kictapatanik. Mitowiriw maritcenica e orapamakaniwiritci kitci nipahakaniwiritci, tekaci aka e takonik ka maratanik, ekoni ka iteritakositc Cecoc.

1 Jean 1:7

Kecpin aric ka ici wactek e ici pimatisiikw, mia wir tipirawe Kice Manito e ici taciketc, aci tapwe ki mamweritakosinano, kirika ki mirikowinano tekaci aka kitci takok kipactatowinino, osam Cecoc, Kice Manito Okosa, e kasihamatokw, e ki pakitinak omikw kitci ki kasihamakoikw.

1 Jean 4:10

Ekoni tca e icinakok tapwe sakihiwewin: aka kirano e ki otci sakihokw Kice Manito, aric wir tipirawe e ki sakihitokw. Ki pe iciticahwew Okosa kitci pakiterimakaniwiritci kitci niporitci, kirano tca meckotc kipactatowinino kitci ki kasihikatek.

Ka ki ici wapatahakaniwitc Jean 11:15

Minawatc kotak aceriw ki kweckoctatam okweckoctatcikan. Ekoni aci nicowaso. Enko na mamitcitc ka ki kweckoctatciketc. Ki petakon icpimik e arimwaniwok e micta sokitakok, e itemakak: “Aci ickwa otcitciparin anahwe Ka Tiperimitokw tekaci kitci tiperitak ota askik, kirika anihi ka ki pe iciticohwatc kitci akwacimiweritci. Nespitc kata tiperitam!”

Ka ki ici wapatahakaniwitc Jean 11:3

Ni ka iciticohwawok nicw iriniwok kitci arimwetcik nin otci, kitci tipatatakik ka ici kiskeritakik. Kata makateaspisowok kitci wapatahiwetcik e nekateritakik. Kata pa tipatatamok tipatcimowiniw ka ki mirikotcik Kice Manitowa, peikwaw kice mitato mitana acitc nicwaw mitato mitana acitc nikotwaso mitana tato kickwa irikik.”

Ka ki ici wapatahakaniwitc Jean 17:14

Kata natoparictawewok Maritcenica. Aric anahwe Maritcenic kata cakotcihew. Wir meka ka tiperimatc kaskina ka tiperitamiritci, wir ka okimawitc kaskina e taciritci okimawa. Kata witcihiko kaskina otirinima, anahweriw iriniwa ka ki orapamatc kaie ka ki wicamatc kitci nosanehikotc, mocak kaie ka asperimototakotc.”

Ka ki ici wapatahakaniwitc Jean 19:11

Minawatc ni ki wapaten icpimik e cetik. Atikw e wapisitc ki pe nokosiw. Awik e okitapitc neta atikok. Icinikaso “Anahwe mocak ke ki asperimototawakaniwitc” acitc “Anahwe mocak ka tapwetc.” Mocak icikowisk ici tipaskonikew kaie e natoparitc.

Ka ki ici wapatahakaniwitc Jean 19:16

Anihe icinikasowin ki masinateriw okapotowanik kaie oskatik: “Wir ka okimawitc kaskina e taciritci okimawa, wir ka tiperimatc kaskina ka tiperitamiritci.”

Ka ki ici wapatahakaniwitc Jean 2:13

Ni kiskeriten ka ici tacikeiekw: neta Matci Manito ka ici apitc okimaw tetapiwakanik. Aric mocak ki pe nosanehwinawaw. Nama ki ki otci wepinenawaw e tapwerimiekw, misawatc Antipas e ki nipahakaniwitc neta kotenamiwak, mocak anahwe ka ki atoskectawitc. Ekota nta kotenamiwak, neta Matci Manito ka ici taciketc.

Ka ki ici wapatahakaniwitc Jean 3:14

Minawatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Laodicée otenak: Enko ohweriw ka itetc anahwe ka icinikatakaniwitc ‘Amen,’ mocak ke ki asperimototawakaniwitc kitci witak tapwewiniw, mocak e tapwetc. Enko na ka otciparinik kaskina Kice Manitowa ka ki ici nitawikitaritci.

Ka ki ici wapatahakaniwitc Jean 7:14

Ni ki itaw: “Kir ki kiskeriten, nokimam.” Aci nit itikw: “Enko aniki ka ki capockakik ka micta nekatcitakaniwonik. Ki kisisipatawok owikasimiwaw kitci wapekinik, aniheriw e apatcitatcik Maritcenic omikoriw.