Ka ki ici wapatahakaniwitc Jean 1:18 - Kice Manito Ocki Omirwatcimowin

¹⁸ Nin Ka Pimatisian. Ni ki nipotai, kakike aric aci ni ka pimatisin. Aci ni tiperiten nipowin, kaie ka ici arakaniwitcik ka nipotcik.

Ka ki ici wapatahakaniwitc Jean 1:18 Iomraidhean Croise

Matio 11:23

Minawatc kirawaw Capernaüm ka tacikeiekw, kit iteritenawaw ia kitci icpinikoiekw wakwek? Ki ka nitinikowinawaw, neta ka ici taciketcik ka nipotcik kitci icaiekw! Kecpin meka anihe ki ici mata kackitaiapan nete Sodome otenak, mia anotc e ici mata kackitaian kirawaw otci, kiapatc anotc kata ki takonopan anihe otenaw.

Matio 16:19

Ki ka miritin cehikana nete otci Kice Manito Okimawinik. Anihe tca ke acotinamasoan ota askik, kata acotinamasonaniwon kaie nete wakwek. Anihe kaie ke ici naheritaman kitci totcikatek ota askik, peikon kaie wakwek kata ici naheritcikatew.”

Luc Omasinahikan 24:5

E sekisiwakopanen aniki iskwewok, kirika e atcitaskowectatcik, ki itikowok anahweriw iriniwa: “Kekwan wetci nantowapamekw anahwe ka pimatisitc, ota ka ici nahikowakaniwitcik ka nipotcik?

Jean 11:25

Aci itiko Cecoca: “Nin ka apitcipahiweian, kaie ka pakitinaman pimatisiwin. Anahwe ka tapwerimitc kata pimatisiw, misawatc poni pimatisiwate.

Jean 14:19

Aci kekatc nama awocamec ni ka wapamikok iriniwok ka nosanetatcik matci meskanariw ota askik. Aric kirawaw ki ka wapaminawaw, osam meka nin e pimatisian, kaie kirawaw tca e pimatisiekw.

Rome iriniwok 6:9

Ki kiskeritenano nama awocamec kata nipo Krist esko ka apitcipatc. Nama awocamec kata ki cakotcihiko nipowiniw.

2 Corinthe iriniwok 13:4

Ka tcictaskowatakaniwitc tcipaiatikok, tapwe nama ki mackawisipan. Aric anotc Kice Manitowa omackawisiwiniw wetci pimatisiw. Peikon tca kaie ninan, e mamweritakosiak kirika Krist, nama ni mackawisinan, e iteritakosiak. Aric ki ka wapatahitinan e pimatisiak kirika wir, Kice Manito e ici miritokw omackawisiwin.

Galatie iriniwok 2:20

Namaiew tca awocamec nin tipirawe ka pimatisian, kirawe wir Krist ka pimatisitc nipimatisiwinik. Anotc e iriniwian, ni pimatisin tepirak e asperimototawimak Kice Manito Okosa, ka ki sakihitc kirika ka ki pakiterimitisotc nin otci.

Colosse iriniwok 3:3

Aci meka tarasak ki ki niponawaw, e iteritakosiekw. Katcictew tca kipimatisiwiniwaw, neta e ici taciketc Kice Manito, Krist e kanaweritamatakw.

Hébreux iriniwok 1:3

Cecoc wapatahiwew e apitc kicteritakosiritci Otawiwa Kice Manito. Kaskina e iteritakosiritci Otawiwa, ekoni kaie wir mia e iteritakositc. Tiperitam kaskina e ici takonik e irikokoskamikarik kaie tiperimew kaskina ka pimatisiritci, otitewin e totak e mackawisimakanik. Ka ickwa pakiteritak opimatisiwin kitci ki otci kasihikaterik kaskina iriniwa opactatowiniw, ki nta witapimew Otawiwa ka mawotci kicteritakosiritci wakwek, onihiwinik e ici apitc.

Hébreux iriniwok 12:2

Kanawapamatan mocak Cecoc. Wir meka ka ki miritokw nictam kitci asperimototawokw, kaie mocak ke witcihitokw e asperimoikw nac kitci ickwaparik kipimatisiwinino. Ki miwotaw e ki mirakaniwitc kitci nipotc tcipaiatikok. Nama ki otci waneritam aniheriw e ki otcinetc, misawatc ko e wanerimakaniwitc awik e ici nipahakaniwitc. Kiskeritamokopan meka Kice Manitowa e kanaweritamakotc nikanik kitci mireritak. Aci tca anotc apiw onihiwinik Kice Manitowa e ici apiritci okimaw tetapiwakanik.

Hébreux iriniwok 7:16

Anahwe ocki makatewokorew nama ki otci mirakaniwiw kitci makatewokorewitc osam e itacterik iriniw irakonikewinik Lévik kitci otapikecik. Wir ki mirakaniwiw kitci makatewokorewitc osam e mackawisimakanik opimatisiwin aka wiskat ke ki ickwaparinik.

Hébreux iriniwok 7:25

Ekoni wetci kackitatc otcitakotc kitci akwacimatc kaskina ka witcihatc kitci natcikapowictawaritci Kice Manitowa. Mocak meka pimatisiw, kaie tca e karotamowatc, e pakoserimatc Kice Manitowa kitci witciharitci.

Ka ki ici wapatahakaniwitc Jean 10:6

Ki nespi tapwew, Kice Manitowa oticinikasowiniw e apatcitatc, anihi mocak ka pimatisiritci, ka ki kiceritamiritci wakwek, kaskina e ici takonik, kaie askiriw acitc kaskina e ici takonik, kaie kitcikamiriw kirika kaskina e ici takonik, e itetc: “Nama awocamec ki ka petanano kitci pe iciwepak!

Ka ki ici wapatahakaniwitc Jean 15:7

Peikw ani e tacitcik new ka pimatisitcik ki mirew papeikw e nicowatciritci aceriwa e osawapiskarik orakaniw. Tato orakan mockineriw Kice Manito okiciwasiwin, anahwe nespitc ka pimatisitc.

Ka ki ici wapatahakaniwitc Jean 2:8

Kiapatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Smyrne otenak: Enko ohweriw ka itetc anahwe wirctam ka ki tatc epwamoci kaskina kekociciriw ki takonik kaie ke ickwanak kaskina kekociciriw, anahwe ka ki nipotc kaie ka ki pe koski pimatisitc:

Ka ki ici wapatahakaniwitc Jean 20:13

Kaskina ka ki poni pimatisitcik e kwapawetcik, ekota neta ka otci pe orowitcik nipik. Kaie kotakihik ka ki poni pimatisitcik ki pe orowiwok kaie wirawaw nipowinik, kirika neta ka ici kanaweritakositcik ka poni pimatisitcik. Kaskina ki tipaskonakaniwiwok e ki kanawapatcikaterik ka ki pe totakwapan.

Ka ki ici wapatahakaniwitc Jean 20:14

Minawatc ki iciwepinikatew nipowin neta ickote sakihikanik. Ki iciwepinikatew kaie e ici kanaweritakositcik ka poni pimatisitcik neta ickote sakihikanik. Anihe sakihikan, enko ni nicwaw e niponaniwok.

Ka ki ici wapatahakaniwitc Jean 3:7

Minawatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Philadelphie otenak: Enko ohweriw ka itetc anahwe ka kitcitwawisitc, mocak kaie ka witak tapwewiniw, anahwe ka takonamwatc Okimaw Tapita ocehikaniw. Kecpin wir e cenak ickatemiriw, nama awik kata ki kipaham. Kecpin e kipahak, nama awik kata ki cenam.

Ka ki ici wapatahakaniwitc Jean 4:9

Tatwaw ka nakamotcik aniki new ka pimatisitcik kitci icperimatcik, kitci kicterimatcik kirika kitci naskomatcik anihi ka apiritci okimaw tetapiwakanik, nespitc ka pimatisiritci,

Ka ki ici wapatahakaniwitc Jean 5:14

Aniki new ka pimatisitcik ki itewok: “Kekora ki iki!” Minawatc aniki ka kiceatisitcik ki nipiskoctawewok e kicterimatcik.

Ka ki ici wapatahakaniwitc Jean 6:8

Ni ki itapin, kiapatc ni ki wapamaw atikw e micta wapinewositc. Anahwe ka okitapispan icinikatakaniwiw “Nipowin.” Pe nosanehikopan kotakihi awiriw ka icinikatakaniwiritci “Neta ka ici niponaniwok.” Ki mirakaniwiwok mackawisiwiniw kitci ki tiperitakik peikw e irikokoskamikarik e ki newo tetawonikaterik, atita iriniwa neta ka tacikeritci ota askik kitci nipahitoritci e natoparinaniwonik, kotakihi tca iriniwa kitci kokateritci kitci niporitci, kotakihi kitci akosiritci kitci niporitci, acitc kotakihi iriniwa kitci nipahikoritci awesisa notcimik ka pimatisiritci.

Ka ki ici wapatahakaniwitc Jean 9:1

Minawatc kotak aceriw ki kweckoctatcikew, ekoni aci niaran. Ni ki wapamaw atcikoc e ki pe pakicik askik, wakwek e ki otciparitc. Ki mirakaniwiw anahwe atcikoc cehikaniw kitci cenak e pokoneckarik e micta wararik.