Ka ki ici wapatahakaniwitc Jean 1:17 - Kice Manito Ocki Omirwatcimowin

¹⁷ Ka wapamak ni ki pakicinin e nipiskoparian e ici nanipowitc, mia e ki nipoan ka isparian. Ki pe actaw onihiwini otcitci nictikwanik, e icitc: “Aka koctatci! Ninctam ni ki tan epwamoci kaskina kekocic takok, kaie nin ni ka ickwanen kaskina kekocic.

Ka ki ici wapatahakaniwitc Jean 1:17 Iomraidhean Croise

Matio 14:27

Tecikotc ki aimihew Cecoc, e itatc: “Sokitehekw! Nin ni! Akawir sekisikw!”

Matio 28:4

E apitc sekisitcik aniki cimakanicak, ki iti micta nikipariwakopan, kek pakiciniwok, mia e nipotcik e icinakosiwakopanen.

Matio 28:5

Aci anahwe aceriw ki itew anahweriw iskwewa: “Aka sekisikw! Ni kiskeriten e nantowapamekw Cecoc, anahwe ka ki tcictaskowatakaniwitc tcipaiatikok.

Jean 13:23

Peikw neta owitcewakana, anihi ka sakihaspan Cecoc, ekota neta opimera e ici apiritci ka ici apitc.

Jean 21:20

Pien kiwekapowiw. Wapamew e petcimoteritci otananik anihi owitcewakana Cecoc ka sakihaspan, —anahwe ka ki icictakopanen nte Cecoca e ici apirikopanen mekwata e mitcisowakopanen, e tca kokwetcimakopanen: “Teperitcikein, awin na ke pakiterimisk.”—

Ka ki ici wapatahakaniwitc Jean 1:11

Ni ki pe itikowin: “Masinaha masinahikanik kaskina ke ici wapataman. Iciticahamowik ka nicowasotenwesitcik iriniwok, Kice Manito otirinima, ka mawotcihitotcik kitci aiamihatcik e tapwerimatcik Cecoca nete otenak ka tacikeritci ka icinikaterik Éphèse, Smyrne, Pergame, Thyatire, Sardes, Philadelphie kaie Laodicée.”

Ka ki ici wapatahakaniwitc Jean 1:4

Nin Jean ka masinahaman ohwe masinahikan. Ki masinahamatinawaw neta e taciekw ka nicowasotenwesiekw mawotcihitoekw kitci aiamihaiekw e tapwerimekw Cecoc, nete ka tacikeiekw Asie askik: Ni pakoserimaw Kice Manito kitci cawerimitakw omirotehewin kaie pekaterimowiniw, wir ka tatc anotc, kaie mocak ka ki pe tatc, acitc nikanik ke pe icatc. Kaie aniki e nicowatcitcik manitowok kitci cawerimitakok ka nanipowitcik nikanik Kice Manitowa okimaw tetapiwakanik.

Ka ki ici wapatahakaniwitc Jean 1:8

“Nin kaskina ka ki kitciparitaian, nin kaie kaskina ke ickwanaman,” itew Teperitciketc Kice Manito, ka mawotci mackawisitc. “Nin ka taian anotc, mocak ka ki taian, kaie nikanik ke pe taian.”

Ka ki ici wapatahakaniwitc Jean 2:8

Kiapatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Smyrne otenak: Enko ohweriw ka itetc anahwe wirctam ka ki tatc epwamoci kaskina kekociciriw ki takonik kaie ke ickwanak kaskina kekociciriw, anahwe ka ki nipotc kaie ka ki pe koski pimatisitc:

Ka ki ici wapatahakaniwitc Jean 22:13

Nin kaskina ka ki kitciparitaian, nin kaie kaskina ke ickwanaman. Ninctam ni ki tan epwamoci kaskina kekocic, nin kaie mamitcitc ke taian. Aci ni tacikatai kaskina kekocic ka kitciparik, kaie mocak ni ka tacikan nac kaskina kekocic ickwaparike.