Ka ki ici wapatahakaniwitc Jean 1:11 - Kice Manito Ocki Omirwatcimowin

¹¹ Ni ki pe itikowin: “Masinaha masinahikanik kaskina ke ici wapataman. Iciticahamowik ka nicowasotenwesitcik iriniwok, Kice Manito otirinima, ka mawotcihitotcik kitci aiamihatcik e tapwerimatcik Cecoca nete otenak ka tacikeritci ka icinikaterik Éphèse, Smyrne, Pergame, Thyatire, Sardes, Philadelphie kaie Laodicée.”

Ka ki ici wapatahakaniwitc Jean 1:11 Iomraidhean Croise

Ka ki aitotiskeritci Cecoc otarotakana 16:14

Peikw neta iskwew, Lydie icinikasopan, nte otcipan Thyatire otenak. Atawepan ko ka micta mirwekanik pakiwaniciriw e mikwekacinik, kirika tca micta sakihepan Kice Manitowa. Ni ki natotakonan anahwe Lydie. Teperitcikeritci tca ki witcihiko kitci miro nisitotak e aiteritci anihi Pwara, kitci tca tapweritak.

Ka ki aitotiskeritci Cecoc otarotakana 18:24

Ani apitc, peikw cota iriniw, Apollos e icinikasospan, ki takocinipan neta Éphèse otenak. Nte otcipan Alexandrie otenak. Anahwe iriniw mirotakosipan e aiarimwetc kirika wewerita miro kiskeritamopan Kice Manitowa Omasinahikaniw.

Ka ki aitotiskeritci Cecoc otarotakana 20:17

Ka ickwa takociniak Milet otenak, Pwar ki iciticahwew iriniwa Éphèse otenak kitci nta wicamaritci anahweriw ka nikaniwiritci neta ka tapwerimatcik Cecoca ote kitci pe icaritci Milet otenak.

1 Corinthe iriniwok 15:32

Tan kata ki irapatanopan kitci nanakaskohikeian Éphèse otenak ka taciketcik e wi cakotcihitcik, mia awesisak e ki macikowitcik ka iteritaman, kecpin tepirak ki iteritaman mitowi iriniwok ka iteritamok ota askik? Kecpin tapwe ka nipotcik aka apitcipawakwen, kita totanano e itwaniwok: “Makocetan, kaie minikwetan! Wapake meka ki ka niponano!” Ésaïe 22.13

1 Corinthe iriniwok 16:8

Aric ota ni ka tacikan Éphèse otenak nac kitci poniparik e aiamihe makocaniwok Pentecôte ka icinikatcikatek. Ekoni ke pe matcaian.

Éphèse iriniwok 1:1

Nin Pwar ka masinahamatakok, Cecoc Krist otarotakana e iteritakosiwak, Kice Manito e ki iteritak kitci ici atoskectawak. Ki masinahamatinawaw kirawaw Kice Manito otirinima Éphèse otenak ka tacikeiekw, e mamweritakosiikw kirika Cecoc Krist, mocak e nosanehwekw.

Colosse iriniwok 2:1

Ni nataweriten kitci kiskeritamekw e apitc arimak ohwe ka ici mantokasoan kirawaw otci, kaie aniki otci ka taciketcik Laodicée otenak, peikon kaie mitcet kotakihik iriniwok aka ka kiskerimitcik.

1 Timothée 1:3

Aci ki ki witamatin ohwe ka matcaian, Macédoine askik ka icaian, kiapatc kitci tacikein neta Éphèse otenak. Tawok meka neta iriniwok arotc ka kiskinohamaketcik, kirika actew kitci witamawotcik kitci ponitatcik.

Ka ki ici wapatahakaniwitc Jean 1:17

Ka wapamak ni ki pakicinin e nipiskoparian e ici nanipowitc, mia e ki nipoan ka isparian. Ki pe actaw onihiwini otcitci nictikwanik, e icitc: “Aka koctatci! Ninctam ni ki tan epwamoci kaskina kekocic takok, kaie nin ni ka ickwanen kaskina kekocic.

Ka ki ici wapatahakaniwitc Jean 1:19

Masinaha tca kaskina ka ici wapataman, anotc e isparik kaie nanake ke iti isparik.

Ka ki ici wapatahakaniwitc Jean 1:2

Kaskina ni witen ota ka ki ici icinaman: Kice Manito otitewin kaie Cecoc Krist ka ki itetc e tapwemakanik.

Ka ki ici wapatahakaniwitc Jean 1:20

Enko ka wi itemakak ka wapamatcik ka nicowatcitcik atcikocak e takonakik ninihiwinik kaie anihi nicowaso e osawapiskaki wactenamakana. Nictam ka ki katakaniwok, anotc aci kaskina kiskeritakon. Anihi nicowaso wactenamakana, enko ni aniki ka nicowasotenwesitcik ka mawotcihitotcik kitci aiamihatcik e tapwerimitcik. Minawatc aniki nicowaso atcikocak, enkweriw ni otacerimiwawa.”

Ka ki ici wapatahakaniwitc Jean 1:4

Nin Jean ka masinahaman ohwe masinahikan. Ki masinahamatinawaw neta e taciekw ka nicowasotenwesiekw mawotcihitoekw kitci aiamihaiekw e tapwerimekw Cecoc, nete ka tacikeiekw Asie askik: Ni pakoserimaw Kice Manito kitci cawerimitakw omirotehewin kaie pekaterimowiniw, wir ka tatc anotc, kaie mocak ka ki pe tatc, acitc nikanik ke pe icatc. Kaie aniki e nicowatcitcik manitowok kitci cawerimitakok ka nanipowitcik nikanik Kice Manitowa okimaw tetapiwakanik.

Ka ki ici wapatahakaniwitc Jean 1:8

“Nin kaskina ka ki kitciparitaian, nin kaie kaskina ke ickwanaman,” itew Teperitciketc Kice Manito, ka mawotci mackawisitc. “Nin ka taian anotc, mocak ka ki taian, kaie nikanik ke pe taian.”

Ka ki ici wapatahakaniwitc Jean 10:4

Ka ickwa petakositcik onimiskiwok e arimwetcik, ekoni ka ici nta masinahaman aniheriw ka ki itetcik. Aric ni ki petawaw kotak awik e icitc, wakwek e otewetak: “Aka masinaha ka ki itetcik aniki e nicowatcitcik onimiskiwok, aka awik kitci kiskeritak.”

Ka ki ici wapatahakaniwitc Jean 14:13

Minawatc kiapatc ni ki petawaw awik e arimwetc, wakwek e otewetak, e icitc: “Masinaha ohwe: Aci anotc caweritakosiwok kaskina iriniwok ka tapwerimatcik Teperitcikeritci ka nipotcik e mekwa atoskectawatcik.” Minawatc Miro Manito itew: “Ehe, tapwe ni, kata ki arwepiwok e ki micta otamirotcik. Ka ki ici miro totakik mocak kata nosanehikowok.”

Ka ki ici wapatahakaniwitc Jean 19:9

Minawatc ni ki itikw aceriw: “Masinaha ohwe: ‘Caweritakosiwok kaskina ka ki wicamakaniwitcik kitci pe nta mitcisotcik e makocaniwonik, Maritcenic e nipowitc.’” Kirika ki itew: “Tapwe, ekoni ka itetc Kice Manito.”

Ka ki ici wapatahakaniwitc Jean 2:1

Ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Éphèse otenak: Enko ohweriw ka itetc anahwe ka takonatc nicowaso atcikoca onihiwinik kaie ka pimotetc e ici nicowatcinik e osawapiskarik wactenamakaniw:

Ka ki ici wapatahakaniwitc Jean 2:12

Kiapatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Pergame otenak: Enko ohweriw ka itetc anahwe ka takonik aniheriw mokomaniw ka kinwapiskarik e aitowi kinarik, otonik e otci orowiparinik:

Ka ki ici wapatahakaniwitc Jean 2:18

Kiapatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Thyatire otenak: Enko ohweriw ka itetc Kice Manito Okosa, anahwe ockicikw ka micta wasiterik mitowi ickote kaie ka micta wasiterik osit, mia piwapiskw e wasapiskitek e ki sosokatek ickotek.

Ka ki ici wapatahakaniwitc Jean 2:24

Kirawaw aric nete ka tacikeiekw Thyatire otenak, aka ka nosanetaiekw matci arotc kiskinohamakewin, aka kaie e ki otci otapinamekw anihe ka icinikatcikatek ‘Matci Manito okiskeritamowin ka katakaniwonik,’ ohwe ki witamatinawaw: nama takon kotak kekocic ke miritakok kitci totamekw.

Ka ki ici wapatahakaniwitc Jean 2:8

Kiapatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Smyrne otenak: Enko ohweriw ka itetc anahwe wirctam ka ki tatc epwamoci kaskina kekociciriw ki takonik kaie ke ickwanak kaskina kekociciriw, anahwe ka ki nipotc kaie ka ki pe koski pimatisitc:

Ka ki ici wapatahakaniwitc Jean 21:5

Minawatc anahwe ka apitc okimaw tetapiwakanik ki itew: “Aci anotc kaskina kekocic ocki ni toten.” Minawatc ni ki itikw: “Masinaha ohwe. Kaskina meka ka iteian tapwe icinakon, kaie kata ki asperimonaniwon.”

Ka ki ici wapatahakaniwitc Jean 22:10

Minawatc ni ki itikw: “Aka kir tepirak kanaweritamatiso kaskina ka ici nikan tipatcimonaniwok ota masinahikanik. Peconakon meka kaskina anihe kitci otcitciparik.

Ka ki ici wapatahakaniwitc Jean 22:16

“Nin, Cecoc, ni ki iciticohwaw nitacerim kitci nta witamatakw kaskina aniheriw, kaskina wiec e ici mawotcihitoritci Kice Manito otirinima. Ekota neta wetapikecinian weckatc Okimaw Tapit. Nin nit iteritakosin wapan atcikoc e kicepawonik ka wasisotc.”

Ka ki ici wapatahakaniwitc Jean 3:1

Minawatc kiapatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Sardes otenak: Enko ohweriw ka itetc anahwe ka taritci anihi ka nicowatciritci manitowa kaie e nicowatciritci atcikoca: Ni kiskeriten e aitotamekw. Ni kiskeriten iriniwok arotc e iterimitakok ‘pimatisiwok,’ aric tapwe wirata ki niponawaw kitcitcakociwak itekera.

Ka ki ici wapatahakaniwitc Jean 3:14

Minawatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Laodicée otenak: Enko ohweriw ka itetc anahwe ka icinikatakaniwitc ‘Amen,’ mocak ke ki asperimototawakaniwitc kitci witak tapwewiniw, mocak e tapwetc. Enko na ka otciparinik kaskina Kice Manitowa ka ki ici nitawikitaritci.

Ka ki ici wapatahakaniwitc Jean 3:4

Anotc mekwata atita neta e taciekw nta ka taciketcik Sardes otenak mirwinakosiwok, mia mitowi aka e ki otci ometciwotatcik owikasimiwaw. Ni ka witcewikok, tapickotc kitci pimoteiak, e wapekinik owikasimiwaw. Aci meka ici naherimakaniwiwok kitci ici kicterimakaniwitcik.

Ka ki ici wapatahakaniwitc Jean 3:7

Minawatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Philadelphie otenak: Enko ohweriw ka itetc anahwe ka kitcitwawisitc, mocak kaie ka witak tapwewiniw, anahwe ka takonamwatc Okimaw Tapita ocehikaniw. Kecpin wir e cenak ickatemiriw, nama awik kata ki kipaham. Kecpin e kipahak, nama awik kata ki cenam.