Ka ki ici wapatahakaniwitc Jean 1:10 - Kice Manito Ocki Omirwatcimowin

¹⁰ Peikwaw e arwepi kicikak, Miro Manito ni ki pe nta pitciteheckakw. Ni ki petawaw awik e arimwetc e pe micta sokitakositc, otananik e icikapowiapan e otewetak, mitowi kweckoctatcikan e ititakositc.

Ka ki ici wapatahakaniwitc Jean 1:10 Iomraidhean Croise

Matio 22:43

Itikowok Cecoca: “Kekwariw tca Tapit, wetci pitciteheckakotc Miro Manitowa, ekoni wetci ki icinikatatc ‘Ka Tiperimitc’? Tapit meka ki itew:

Jean 20:19

Minawatc peikon aniheriw e manactakaniwonik e otakocinik, anahweriw Cecoc owitcewakana mawotcihitowakopan mikiwamik. Kaskina ickwatemiriw ki kipaskohamowakopan, e koctatcik cota okimawa. Kek pe nokosiriw Cecoca, tetawitc neta ka ici taciketcik, e tca itikotcik: “Pekateritamokw!”

Jean 20:26

Ka ickwa peikwo manactakanikarik, aci minawatc Cecoc owitcewakana mawotcihitowakopan mikiwamik. Kaie wir Toma nete tacikekopan. Kiapatc ki kipaskohikateriw ickwatemiriw. Peikon ki otci pe nokosiw Cecoc neta e ici taciketcik, e itatc: “Pekateritamokw!”

Ka ki aitotiskeritci Cecoc otarotakana 20:7

E mari kicikak e otakocik ni mawotcihitotan, tapickotc kitci mitcisoiak, kirika Pwar aiarimwepan neta e ici mawotcihitonaniwonik. Kicepawonike tca, nte aci e wi matcaspan, nac e apita tipiskarik irikik ki kakeskwew.

1 Corinthe iriniwok 12:3

Ekoni tca wetci nataweritaman otcitakotc kitci kiskeritamekw ohwe: nama awik kata ki marerimew Cecoca, mekwata e tiperimikotc Miro Manitowa. Nama kaie awik kata ki itew: “Cecoc enko ani anahwe Teperitciketc,” kecpin aka e tiperimikotc Miro Manitowa.

1 Corinthe iriniwok 16:2

Tatwaw e manactakaniwok, tato nta e taciekw tipan kata actaw coriariw memantcic ka ki kanewitc, irikik e asitci kackitatc, kitci kanaweritak ke pakitinikewaketc otcitciparinike kitci pakitinikaniwonik, pe icaiane.

Ka ki ici wapatahakaniwitc Jean 17:3

Miro Manito ni ki pe nta pitciteheckakw. Anahwe aceriw ni ki iciwirikw nete ka ici cipewatawokarik. Ka ickwa takociniak nete ni ki wapamaw peikw iskwew e tetapitc matci awesisik e mikosiritci. Anahwe awesis mitcet icinikasowiniw ki masinahikateriw misiwe ocakak, icinikasowiniw e papirotowakaniwiritci Kice Manitowa. Nicowatcinipan octikwan kaie mitatciripana oteckana.

Ka ki ici wapatahakaniwitc Jean 21:10

Miro Manito ni ki pe nta pitciteheckakw. Aceriw ni ki iciwirikw onoskotc e micta icpatinarik. Ni ki wapatahikw aniheriw otenariw ka kitcitwaweritakonik, Jérusalem, wakwek e pe otciparinikipan, Kice Manitowa e ki pe iciticahamiritci.