Philémon 1:9 - Kice Manito Ocki Omirwatcimowin

⁹ Aric ki sakihitin, ekoni wetci kirawe mireritaman tepirak kitci nataweritamatan kekocic. Nin Pwar ka nataweritamatan ohwe, kotc e icinakosian e kice iriniwian, kiapatc e kipohokoian Cecoc Krist otci.

Philémon 1:9 Iomraidhean Croise

Rome iriniwok 12:1

Niwitcicanak, wirctam Kice Manito ki ki wapatahikono e apitc mirotehekotatokw, ekoni wetci pakoserimitakok tekaci kitci pakiterimitisoekw, wir tepirak kitci tiperitak kipimatisiwiniwariw, mia aiamihe pakitinikan ka pimatisimakak kitci iteritakosiekw, wir kitci tiperimitakw kaie kitci ki mireritamihekw. Ekoni ke totamekw tapwe wewerita kitci kicterimekw.

2 Corinthe iriniwok 5:20

Krist otci ni pa tipatcimonan. E aimihitak, kekatc tarasak wir tipirawe Kice Manito ki wicamikowaw kitci nosanehwekw. Ki pakoserimitinawaw, Krist oticinikasowin otci, kitci koski natawapamekw Kice Manito, e koski miroparihitoekw kirika wir.

2 Corinthe iriniwok 6:1

Ninan ka witc otamiromakitcik Kice Manito, ki pakoserimitinan aka kitci pakiteritamekw Kice Manito omirotehewin ka ki pe otitikoiekw.

Galatie iriniwok 3:26

Kice Manito onitcanica kit iteritakosinawaw, kaskina e taciekw, aci e asperimototawekw Cecoc Krist.

Éphèse iriniwok 3:1

Ekoni wetci pakoserimak Kice Manito, nin Pwar. Ni kipohokowin ota, Cecoc Krist e atoskectawak, kirawaw otci aka ka cota iriniwiekw.

Éphèse iriniwok 4:1

Ki pakoserimitinawaw tca, nin e kipohokoian osam e atoskectawak Teperitciketc, otcitakotc icikowisk kitci ici pimatisiekw, kotc ka ki wicamitakw Kice Manito kitci itotiskeiekw.

Éphèse iriniwok 6:20

Ekoni meka wetci kipohokoian ota anotc. Aiamihectamacikw tca wewerita kitci tipatataman anihe, tekaci kitci sokeritaman, kotc e actek kitci itotiskeian.

1 Timothée 1:12

Mikwetc nit itaw Cecoc Krist, anahwe Ka Tiperimitokw, ka ki miritc mackawisiwiniw ka wi apatcitaiapan kitci itotiskewak notamirowiniw. Mikwetc nit itaw e ki tipi asiterimitc kitci acotamawitc aniheriw kitci ici otamirowak, e ki orapamitc kitci atoskectawak,

Tite 2:2

Ki ka witamawawok ka kiceatisitcik aka kitci minikwetcik, icikowisk kitci itatisitcik kitci ki otci kicterimakaniwitcik, icikowisk kitci iteritakik, acitc kitci sokikapowitcik tapwe e asperimototawatcik Kice Manitowa, e irikokotehetcik kitci sakihatcik owitc iriniwawa, kaie kitci ciciperitakik e nakickakik arimisiwiniw.

Hébreux iriniwok 13:19

Ohwe kaie ki micta pakoserimitinawaw, kitci nataweritamawekw Kice Manito kitci pakitinitc wipatc kitci kiwewak kitci ki koski natawapamitakok.

1 Pien 2:11

Nimiro nikwimesak, mia mantewok kit iteritakosinawaw ota askik, mitowi iriniwok aka ka otaskitcik e iterimikoiekw. Ki pakoserimitinawaw kitci nanakatcihitisoekw, aka kitci cakotcihikoekw kekwan ka maratak, notc e ici nataweritak iriniw ota askik. Ekoni meka ke ki otci kowetowi iteritak awik, nac kitci cakotcihikotc otcitcakocik.