Philémon 1:6 - Kice Manito Ocki Omirwatcimowin

⁶ Kaie ni nataweritamawaw Kice Manito ohweriw kitci mirisk: kitci mirwapatak anihe tapwetamowin e takok kitehik, kaie ninan peikon nitehinak e takok, mocak kirawe kitci ki kiskeritaman kaskina ka ki ici miritokw kipimatisiwininak, Cecoc e nosanehwokw.

Philémon 1:6 Iomraidhean Croise

Matio 25:16

Anahwe arotakan ka ki awihakaniwitc niaranaw kice mitato mitana tatowapiskiriw tecikotc ki matcaw kaie wir, e nta otamirotatc aniheriw coriariw, nac kitci kackitatc kotakeriw niaranaw kice mitato mitana tatowapiskiriw.

Matio 5:16

Ekoni tca e actek kitci irapatisiekw iriniwok otci, kitci wactenamowekok mia wactenamakan, kitci ki miro wapatakik aniheriw ka mirwacinik ka totamekw acitc kitci otci mirwatcimatcik Kotawiwawa wakwek ka tacikeritci.”

1 Corinthe iriniwok 14:25

Kata wapatahakaniwiw ka maratanik ka ki kanaweritak otehik. Kata tca nipisko kitci kicterimatc Kice Manitowa, kitci itetc: “Tapwe Kice Manito ki witci tacikemikono!”

1 Corinthe iriniwok 16:9

Mictahi meka miroparin ota kitci otamiroan Kice Manito otci, misawatc e mitcetitcik iriniwok aka ka mireritakik e ici otamirowak.

Pirip iriniwok 4:8

Minawatc, niwitcicanak, ohwe mamitcitc ki wi witamatinawaw: mamitoneritamokw kaskina ka mirwacik, acitc ka iteritakok kitci mirwatcitcikatek, kaskina ka tapwemakak, ka kicteritakok, icikowisk ka iteritakok, kaskina ka peikinakok, acitc kaskina ka mireritcikatek, kaie ka kicteritcikatek.

Colosse iriniwok 1:9

Ekoni wetci aka ponitaiak e aiamihectamatak, esko ka petakeiak e arimomikoiekw. Ni nataweritamawanan Kice Manito kitci miritakw kitci kiskeritamekw kaskina e ici nataweritak, osam Omiro Manitoma kaskina e miritakw miro mitoneritcikaniw kaie kakitaweritamowiniw.

Colosse iriniwok 3:10

Minawatc ki ki otapinenawaw ocki iteritakosiwin, tarasak mitowi e ki ockihoekw. Ocki iriniwok kit iteritakosinawaw, kirika aspinikotc ki mirikowaw Kice Manito, anahwe kaskina ka ki kicerimitokw, kiapatc mia ocki kitci iteritakosiekw, mia wir kitci itatisiekw, kitci ki tca capo kiskerimekw.

Tite 3:14

Acteriw kaskina ka nosanehwatcik Cecoca kirika kirano kitci mantokasotcik kaie wirawaw mocak kitci miro totakik, mocak kitci ki witcihatcik iriniwa ka notepariritci kekociciriw. Kata tca mirwapataniw opimatisiwiniwaw.

Hébreux iriniwok 6:10

Mocak icikowisk iteritakosiw Kice Manito. Nama kata onikew ka totamekw kaie ka ki ici wapatahiweiekw e asitci sakihekw, mictahi e ki witcihekok kotakihik iriniwok kaie wirawaw ka tapwerimatcik, kirika anotc kiapatc e witcihekok.

Cak ka ki pe ici masinahiketc 2:14

Niwitcicanak, tan e irapatanik awik kitci itetc: “Nit asperimototawaw Kice Manito,” kecpin aka e nokonik otapwetamowin e miro totak? Kata ki akwacimiko ia aniheriw towiriw otasperimowin?

Cak ka ki pe ici masinahiketc 2:17

Ekoni peikon e icinakok tapwetamowin. Kecpin aka e nokotakaniwok e miro itotiskaniwok opimatisiwininak, nipomakan.

1 Pien 2:12

Icikowisk ki ka itatisinawaw. Kecpin tca iriniwok aka ka kiskerimatcik Kice Manitowa wapamitakwe e itatisiekw, misawatc kecpin e itactahoritakw kekwariw, kata kiskeritamok peikon mocak e miro totamekw kaie kata mirwatcimewok minawatc takociniritena.

1 Pien 3:1

Kirawaw iskwewok ka nipowiekw, tato neta e taciekw: ki ta natotawaw kinapemiwa. Kecpin aka tapweritamokwen Kice Manitowa otitewiniw, aric wapatake mia e itatisiin, pot kata iteritam kaie wir kitci tapwetak. Nama tca arimatc wiec ki ka itaw.

1 Pien 3:16

Pekatc aric ki ka ici naskamonawaw acitc ki ka kicterimawok aniki ke ici kokwetcikemotcik. Ki ta kiskeritenawaw kitehiwak e miro totamekw. Otcitciparike tca kitci marerimikoiekw e miro itatisiekw aci Cecoc e nosanehwekw, aniki ka wi itactahoritakok kata waneritamok e ki pokonimitakok.

2 Pien 1:8

Kecpin eckam ici pimatisiekwe, ki ka witcihikonawaw kitci mirwapatisiekw e atoskectawekw anahwe Ka Tiperimitokw, Cecoc Krist, kaie eckam kitci miro kiskerimekw.