Philémon 1:5 - Kice Manito Ocki Omirwatcimowin

⁵ Ni petakan meka e micta asperimototawotc Teperitciketc Cecoc kirika e apitc sakihimatci otirinima.

Philémon 1:5 Iomraidhean Croise

Ka ki aitotiskeritci Cecoc otarotakana 20:21

Ni ki wicamawok cota iriniwok kaie aniki aka ka cota iriniwitcik kitci kweskatisitcik kitci nosanehwatcik Kice Manitowa, kirika kitci tapwerimatcik anihi Ka Tiperimitokw Cecoca.

Rome iriniwok 12:13

Witcihakok kiwitcicaniwawok ka arimisitcik kaie miro totawakok ka pe icatcik kimikiwamiwak.

1 Corinthe iriniwok 16:1

Aci ni ka arimoten coria ka mawotcitamowakaniwitcik aniki otci ka tapwerimatcik Cecoca neta ka taciketcik Jérusalem otenak. Ekoni peikon ke totamekw ka ki itakik kitci totakik aniki ka tapwerimatcik Cecoca ka mawotcihitoritci kitci aiamiharitci, neta ka taciketcik Galatie askik.

Galatie iriniwok 5:6

Osam meka kecpin e mamweritakosinaniwok kirika Cecoc Krist, nama kicteritakoniw e apitc ma kicawatocwakaniwikwen awik. Enko ohwe tepirak ka kictapatak: kitci asperimototawakaniwitc Kice Manito, minawatc tca kitci otci sakihitonaniwok.

Éphèse iriniwok 1:15

Ekoni wetci aka ponitaian e naskomak Kice Manito kirawaw otci e aiamihectamatakok, aci e ki petakeian e asperimototawekw Cecoc Teperitciketc acitc e micta sakihimekw kaskina ka tapwerimikotc.

Colosse iriniwok 1:4

Ni ki petakanan meka e asitci asperimototawekw Cecoc Krist, kaie e sakihimekw kaskina Kice Manito otirinima.

1 Thessalonique irinowok 3:6

Aric minawatc Timothée ki pe takociniw e ki natawapamitakw. Ni ki witamakonan tapwe e asperimototawekw Cecoc kaie e sakihitoekw nete e taciekw. Ni ki witamakonan kaie mocak e mamitonerimiak e miro mikawerimiak kaie e nataweritamekw minawatc kiapatc kitci wapamiak, peikon kaie ninan e apitc nataweritamak kitci wapamitak.

Philémon 1:7

Ni micta mireriten, niwitcican, kaie ni sokeriten, e kiskeritaman e micta sakihatcik kiwitc iriniwok. Ki ki meka kakitcihawok iriniwok kaie wirawaw ka tapwerimatcik Cecoca.

1 Jean 3:23

Enkweriw otirakonikewin ka ici witamatokw: kitci tapweritamwokw Okosa Cecoc Krist oticinikasowiniw, kaie kitci sakihitoikw, kotc ka ititokw anahwe Krist kitci itotiskeikw.