Philémon 1:16 - Kice Manito Ocki Omirwatcimowin

¹⁶ Nama meka awocamec tepirak arotakan iteritakosiw. Kirawe mictahi kicteritakosiw patok arotakan. Mia kicimino e micta sakihokw ke iterimokw. Ni micta sakihaw. Kir tca wawatc kirawe ki sakihatake, osam meka kiwitc iriniw e iteritakositc, peikon kaie tapickotc e nosanehwekw Cecoc.

Philémon 1:16 Iomraidhean Croise

Matio 23:8

Aric kirawaw akawir ‘Kiskinohamake iriniw’ wi icinikatikosikw. Kaskina meka ki witcicanitonawaw. Peikociw kaie Kikiskinohamake irinimiwaw.

Ka ki aitotiskeritci Cecoc otarotakana 9:17

Aci Ananias matcaw. Ka takocik neta mikiwamik, ki takinew anihi Saula, kirika e itatc: “Saul, niwitcican, Teperitciketc Cecoc ka ki pe wapamatc meskanak ka pe pimotein ni pe iciticohokw kitci ki minawatc wapiin kirika kitci ki mockineckask Miro Manito.”

1 Corinthe iriniwok 7:22

Tato atoskectake iriniw ka ki wicamikotc Teperitcikeritci kitci nosanehwatc nama awocamec arotakaniwiw. Aci Teperitcikeritci tiperimiko e asperimototawatc. Peikon kaie iriniw aka ka atoskectake iriniwispan ka ki wicamikotc Cecoca kitci nosanehikotc, atoskectakew, otarotakana e iteritakositc.

Colosse iriniwok 3:22

Kirawaw ka atoskectakeiekw: ki ka sapitowawawok aniki ka tiperimitak ota askik, kaskina ke ititakok. Aka tepirak totamokw e nanakatcihitakok kitci mireritamihekok. Aric kitehiwak kitci otciparik e miro atoskectawekw, osam kaie e kicterimekw Teperitciketc.

1 Timothée 6:2

Arotakanak ka okimamitcik ka tapwerimaritci Cecoca, aci mia peikon e owitcicanitotcik kirika okimamiwawa. Peikon kata kicterimewok. Wawatc kirawe awocamec wewerita kata atoskectawewok. Aniki meka ke witcihakaniwitcik e miro atoskectawakaniwitcik, enko ka tapwerimatcik Kice Manitowa e micta sakihikotcik. Enko ohwe ke ici kiskinohamakein kaie ke ici kakeskwein.

Hébreux iriniwok 3:1

Ekoni wetci iteian, niwitcicanak, kirawaw ka tiperimitakw Kice Manito kaie ka ki wicamitakw “otirinima” kitci iterimitakw: mamitonerimakw Cecoc, anahwe ka ki pe iciticohikotc Kice Manitowa kirika ka ki mirikotc “kitci makatewokorew” kitci iteritakositc asperimowinik itekera. Enko anahwe ka tipatcimakitc e asperimototawakitc.

1 Jean 5:1

Kaskina awik ka tapwetak ohweriw: “Cecoc enko anahwe Krist, anihi ka ki itetc Kice Manito kitci pe iciticohwatc kitci akwacimimitokw,” Kice Manitok itekera ki otci nitawikiw. Kaie kaskina awik ka sakihatc awiriw, sakihew kaie anahweriw onitcaniciriw.