Philémon 1:10 - Kice Manito Ocki Omirwatcimowin

¹⁰ Ohwe ki nataweritamatin, Onésime otci, aci mia tipirawe nikosis e iterimak ota kipohotowikamikok.

Philémon 1:10 Iomraidhean Croise

Mark 9:17

Peikw neta otci arimwew iriniw taci e micta mitcetinaniwonik: “Kiskinohamake iriniw, ki ki pe iciwitatin nikosis kitci witcihatc, osam e ki pitciteheckakotc matci manitowa. Nama tca ki arimwew.

Rome iriniwok 12:1

Niwitcicanak, wirctam Kice Manito ki ki wapatahikono e apitc mirotehekotatokw, ekoni wetci pakoserimitakok tekaci kitci pakiterimitisoekw, wir tepirak kitci tiperitak kipimatisiwiniwariw, mia aiamihe pakitinikan ka pimatisimakak kitci iteritakosiekw, wir kitci tiperimitakw kaie kitci ki mireritamihekw. Ekoni ke totamekw tapwe wewerita kitci kicterimekw.

1 Corinthe iriniwok 4:14

Ki masinahamatinawaw, aka e wi waneritamihitakok, aric kitci kiskinohamatakok, kirawaw mia ninitcanicak e iterimitakok e sakihitakok.

1 Corinthe iriniwok 4:15

Misawatc peikon mitatowaw kice mitato mitana e tacitcik iriniwok ka nanakatcihitakok mekwata e nosanehwekw Krist, tepirak peikociw kotawiwaw. Nin meka mitowi kotawiwaw nit iteritakosin, nirctam e ki pe nta tipatcimoctatakok Cecoc Omirwatcimowin.

Galatie iriniwok 4:19

Ninitcanicak, kiapatc minawatc ni nekateriten e mamitonerimitakok, mia iskwew e apitc nekateritak aci anotcikwetc kitci wapamawosotc. Ekoni ke apitc nekateritaman nac kitci miro nokok tapwe e nosanehwekw Krist e witci tacikemitakw.

Colosse iriniwok 4:9

Pe witcewiko anihi iriniwa mocak ka ki iterimimokw kiwitcicanino, Onésime, mocak ke ki asperimototawakaniwiritci kitci witcihiweritci, kaie wir e ki pe otciritci neta ka ici tacikeiekw. Kaskina ki ka witamakowawok e isparinik ota.

1 Timothée 1:2

Ki masinahamatin, Timothée, e iterimitan mia nin tipirawe nikosis tapickotc e asperimototawokw Cecoc. Ni pakoserimawok Kotawino Kice Manito kirika anahwe Ka Tiperimitokw Cecoc Krist kitci acotamaskik mirotehewiniw kaie okitimakeritcikewin acitc pekateritamowiniw.

Tite 1:4

Ki masinahamatin, Tite, kir mia tapwe nikosis e iterimitan, tapickotc e asperimototawokw Cecoc. Ni pakoserimawok Kotawino Kice Manito kirika Cecoc Krist Ka Ki Akwacimitokw, mocak kitci miritakok mirotehewiniw kirika pekateritamowiniw.

Philémon 1:11

Weckatc nama wiec ki otci irapatisiw kir otci. Aric anotc ni micta witcihikw kirika ki wi witcihikw kaie kir.

Philémon 1:13

Ni ta ki micta mireritetai nin tipirawe kitci kanawerimak ota mekwata e kipohokoian Mirwatcimowin otci, kitci ki tca witcihitc, kir tca kitci ki witcihiipan.

3 Jean 1:4

Nama takon kotak kekocic kirawe e mirerimitamihikoan patok anihe, e petakeian tapwe miro meskanak e ici pimotetcik aniki ka iterimakik ninitcanicak.