Philémon 1:1 - Kice Manito Ocki Omirwatcimowin

¹ Nin Pwar ka masinahamatan. Ota kipohotowikamikok ni tacikan. Ni ki kipohokowin osam e atoskectawak Cecoc Krist. Kiwitcicanino Timothée kaie wir ni witcihikw e masinahikewak. Ki masinahamatinan, Philémon, nikwimesinan ka sakihitak, kaie kir e atoskectawotc Cecoc.

Philémon 1:1 Iomraidhean Croise

Ka ki aitotiskeritci Cecoc otarotakana 16:1

Pwar ki pe takociniw Derbe otenak, minawatc Lystre otenak. Tapan neta iriniw e tapwerimaspan Cecoca. Timothée icinikasopan. Okawiwa cota iskweripana aci e tapwerimaritci Cecoca, minawatc otawiwa grec iriniwiripana.

1 Corinthe iriniwok 3:9

Nin kirika Apollos, tapickotc ni otamironan e atoskectawakitc Kice Manito. Kirawaw kit iteritakosinawaw mia okitikan aski Kice Manito. Kaie tca tarasak Kice Manito omikiwam e ki tcimatakaniwonik e iteritakosiekw.

2 Corinthe iriniwok 1:1

Kwei, nin Pwar ka masinahamatakok, Kice Manito ka ki iteritak “Cecoc otarotakana” kitci iteritakosiwak. Kiwitcicanino Timothée ni witcewikw. Ki masinahamatinan kirawaw ka tapwerimekw Kice Manito, ka mawotcihitoekw kitci aiamihaiekw neta Corinthe otenak. Ni masinahamowananak kaie wirawaw kaskina kotakihik ka tapwerimatcik neta Achaïe askik ka taciketcik.

Galatie iriniwok 3:26

Kice Manito onitcanica kit iteritakosinawaw, kaskina e taciekw, aci e asperimototawekw Cecoc Krist.

Éphèse iriniwok 3:1

Ekoni wetci pakoserimak Kice Manito, nin Pwar. Ni kipohokowin ota, Cecoc Krist e atoskectawak, kirawaw otci aka ka cota iriniwiekw.

Éphèse iriniwok 4:1

Ki pakoserimitinawaw tca, nin e kipohokoian osam e atoskectawak Teperitciketc, otcitakotc icikowisk kitci ici pimatisiekw, kotc ka ki wicamitakw Kice Manito kitci itotiskeiekw.

Éphèse iriniwok 6:20

Ekoni meka wetci kipohokoian ota anotc. Aiamihectamacikw tca wewerita kitci tipatataman anihe, tekaci kitci sokeritaman, kotc e actek kitci itotiskeian.

Pirip iriniwok 1:1

Ninan Pwar kaie Timothée ka masinahamatak, Cecoc Krist e atoskectawakitc. Kirawaw otci kaskina Kice Manito otirinima ka tacikeiekw Pirip otenak ka nosanehwekw Cecoc Krist, kaie kirawaw ka nikaniwiekw acitc kirawaw ka atoskectawaiekw ka tapwerimatcik Cecoca.

Pirip iriniwok 2:25

Nit iteriten acteriw kiwitcicanino Épaphrodite kitci koski iciticohwak kitci natawapamitakw, anahwe anotc ka witc otamiromitc, niwitci cimakanic kaie e iterimak, tapickotc e mantokasoiak tapweritamowinik itekera. Enko meka anahwe ka ki pe iciticohwekw kitci pe nta witcihitc.

Pirip iriniwok 4:3

Kaie kir mocak ka miro witc otamiromiin, ki nataweritamatin kitci witcihatcik. Mictahi meka ni ki witcihikok e tipatataman Mirwatcimowiniw, kaie anaha Clément kirika kotakihik e ki witcihitcik e otamirowak. Kaskina masinateriwa oticinikasowiniwaw Pimatisi Masinahikanik.

Colosse iriniwok 1:1

Nin Pwar ka masinahamatakok, Cecoc Krist otarotakana e iteritakosiwak, Kice Manito e ki iteritak kitci ici atoskectawak. Kiwitcicanino Timothée ni witcihikw e masinahikewak.

Colosse iriniwok 4:11

Jésus, arica Justus ka icinikatakaniwitc, kaie wir kit arimikakowaw. Aniki iriniwok e nictitcik, enko aniki tepirak e tacitcik ka cota iriniwitcik ka witcihitcik, Kice Manito Okimawin otci. Mictahi ni ki witcihikok aka kitci atwerimoan.

1 Thessalonique irinowok 3:2

kirika wir kiwitcicanino Timothée kitci pe iciticohwakitc kitci natawapamitakw. Kaie wir atoskectawew Kice Manitowa, e tipatcimotc Mirwatcimowiniw, Krist ka otci kiskerimakaniwitc. Ni ki iciticohwanan kitci witcihitakw kitci mackawisiekw acitc kitci sokimitakw e asperimototawekw Cecoc,

2 Thessalonique iriniwok 1:1

Ninan ka masinahamatak: Pwar, Silas kaie Timothée. Ki masinahamatinan kirawaw ka tapwerimekw Cecoc neta Thessalonique otenak, ka mawotcihitoekw kitci aiamihaiekw, Kotawino Kice Manito kaie Teperitciketc Cecoc Krist e tiperimitakw.

2 Timothée 1:8

Aka wanerita kitci tipatataman aniheriw Ka Tiperimitokw ka ki totamiritci. Aka kaie wanerita nin e kipohokoian wir otci. Nitowatc ki ta ici naheriten kaie kir kitci nekatcitain Mirwatcimowin otci, e kiskeritaman kitci miriskw Kice Manito mackawisiwiniw ke wi apatcitain.

Philémon 1:23

Kikwimesino Épaphras kit arimikakw, anahwe ka witci tacikemak ota kipohotowikamikok. Kaie wir kipohwakaniwiw Cecoc Krist otci.

Philémon 1:24

Mark, Aristarque, Démas kaie tca Luc kaie wirawaw kit arimikakok, e witc otamiromitcik.

Philémon 1:9

Aric ki sakihitin, ekoni wetci kirawe mireritaman tepirak kitci nataweritamatan kekocic. Nin Pwar ka nataweritamatan ohwe, kotc e icinakosian e kice iriniwian, kiapatc e kipohokoian Cecoc Krist otci.