Matio 7:2 - Kice Manito Ocki Omirwatcimowin

² Ki ka meka tipaskonikowaw kotc kaie kirawaw e ici tipaskonikeiekw. Kotc ke ici tipahamekw e tipaskonekw kiwitc iriniwaw, ekoni ke ici tipahamatakw kaie kirawaw Kice Manito.

Matio 7:2 Iomraidhean Croise

Cak ka ki pe ici masinahiketc 2:13

Tapwe wirata, Kice Manito nama kata kitimakerimew iriniwa aka ka ki otci kitimakerimaritci owitc iriniriw, tipaskonate. Aric anahwe ka kiskeritakositc e kitimakeritciketc, nama acteriw kitci koctak kitci tipaskonakaniwitc.

Mark 4:24

Minawatc kiapatc ohweriw itew Cecoc: “Kaketin aiekwamisikw e ici petamekw: Kice Manito kata tipaham irikik ke mirikoiekw, mitowi kirawaw ka asitci tipahamekw e mirekw kiwitc iriniwaw. Aric Kice Manito kirawe nipara wir kata actaw.

Luc Omasinahikan 6:38

Cawerimakok kiwitc iriniwawok, ki ka tca cawerimikowinawaw. Nipara ki ka mirikowinawaw. Ke apitc miro cawerimikoiekw, tarasak kata sikinikatew neta kimicta aripocik ka ici takok kikapotowanik. Nipara kata actakaniwon. Kata sitinikatew kirika kata powiparitakaniwon, wawatc awocamec kitci actakaniwok, nac kitci osamipotakaniwok. Kotc meka ka asitci tipahamekw e mirekw kiwitc iriniwaw, ekoni ke ici tipahamatakw kaie kirawaw Kice Manito.”

Ka ki ici wapatahakaniwitc Jean 18:6

Ki ka mihawawok aniki iriniwok Babylone otenak ka taciketcik mia ka ki ici totawatcik owitc iriniwawa. E ki akohatcik, nicwaw irikik ki ka akohawawok. Mockinepitakw orakaniwaw nicwaw irikik kitci asitci mackawakaminik patok ka ki ici ocitatcik ke asitci mackawakaminik ke minihitakok.

2 Corinthe iriniwok 9:6

Aka onikekw ohwe: kecpin awik e matce kitiketc tepirak memantcic, nama kata micariw ke mawotcitatc okitikan. Kecpin awik nipara matce kitikete, nipara kata mawotcitaw okitikan.

Matio 6:14

“Kecpin meka ponerimekwe awik ka ici matci totatakw, Kotawiwaw wakwek ka taciketc kaie wir ki ka kasihamakowaw ka ici matci totamekw.