Matio 4:3 - Kice Manito Ocki Omirwatcimowin

³ Kek ki pe natawapamiko Matci Manitowa, anihi ko ka kokwetcihiweritci, e itikotc: “Kecpin tapwe kir Kice Manito Okosa, icik ohki asiniik kitci pakwecikaniwitcik.”

Matio 4:3 Iomraidhean Croise

Matio 14:33

Aci anahweriw Cecoc owitcewakana ka apiritci neta tcimanik nipiskoctako, e itikotc: “Tapwe ni kir Kice Manito Okosa!”

Matio 16:16

Simo Pien itew: “Kir anihi ka ki itespan Kice Manito kitci pe iciticohwatc ota askik kitci akwacimiweritci, kir Kice Manito ka pimatisitc Okosa.”

Matio 26:63

Nama aric ki otci itew Cecoc. Aci kiapatc kokwetcimiko anihi kitci makatewokorewa: “Actew kitci witamawiak, e nespi tapwein, Kice Manito otci e pimatisitc: kir ia ni Kice Manito Okosa, anihi ka ki itespan kitci pe iciticohwatc ota askik kitci akwacimiweritci?”

Matio 3:17

Kirika ki petam e itakaniwitc, wakwek e otewetcikaterik: “Enko anahwe nikosis ka sakihak. Ni micta mirerimaw!”

Mark 1:1

Ota kitciparin Mirwatcimowin, Cecoc Krist e arimomakaniwitc, Kice Manito Okosa.

Mark 3:11

Kirika kotc ko e wapamikospan Cecoc matci manitowa, nipiskoparihoriwa pecotcik nte ositik e tca iteritci e tepitepweritci: “Kir Kice Manito Okosa!”

Mark 5:7

e itatc e micta kiciwetc: “Kekwan ni ka ici nataweritamawiin, Cecoc, Kice Manito ka mawotci icperitakositc Okosa? Ki pakoserimitin, Kice Manito otci, akawir nekatcihici!”

Luc Omasinahikan 1:35

Itiko anihi aceriwa: “Miro Manito ki ka otitikw kirika Kice Manito e mawotci icperitakositc omackawisiwin ki ka akwacteckakowan, mia e masinactecik. Ekoni ke otci iteritakositc ‘kitcitwawisiw’ anahwe kinitcanic ke nitawikitc. Ekoni kaie ke otci icinikatakaniwitc ‘Kice Manito Okosa.’

Luc Omasinahikan 22:70

Kaskina itewok: “Kir ia tca ni Kice Manito Okosa?” Ki itew: “Ekoni e iteiekw: nin ni.”

Luc Omasinahikan 4:3

Itiko anihi Matci Manitowa: “Kecpin tapwe kir Kice Manito Okosa, ici anaha asini kitci pakwecikaniwitc.”

Luc Omasinahikan 4:41

Kaie ki orowiticohwew matci manitowa, mitcet iriniwa e tiperimaritci. Kotc e orowiticohwakaniwitcik irinik aniki matci manitowok, ki tepitepwewok e itetcik: “Kir Kice Manito Okosa!” Aric kaketin ki aimihew anahweriw matci manitowa Cecoc e otcinehwatc aka awocamec kitci arimweritci. Kiskerimikopan meka wir anihi ka ki itespan Kice Manito kitci pe iciticohwatc ota askik kitci akwacimiweritci.

Luc Omasinahikan 4:9

Minawatc Jérusalem otenak ki matcewirew Cecoca Matci Manito, aci e iciwiratc okitapokw kitci aiamihe mikiwamik, e itatc: “Kecpin tapwe kir Kice Manito Okosa, nitcikwackoti!

Jean 1:34

Ni ki wapaten anihe mia ka ki isparik,” itew Capatis. “Ekoni wetci witamakeian: anahwe iriniw tapwe anihi Kice Manito Okosa.”

Jean 1:49

Aci itew Nathanaël: “Kiskinohamake iriniw, kir Kice Manito Okosa, Israël iriniwok okimamiwawa.”

Jean 20:31

Aric kaskina ota ka takok, ki masinatew kitci ki otci tapwetamekw ohwe: Cecoc, tapwe wir anihi ka ki itespan Kice Manito kitci pe iciticohwatc ota askik kitci akwacimiweritci, enko na Kice Manito Okosa. Kecpin tca tapwerimekwe, ki ka otci mirikowinawaw pimatisiwin wir otci.

Jean 9:35

Aci Cecoc ki petakew e ki matceticohwakaniwiritci anihi iriniwa. Ki natawapamew, e kokwetcimatc: “Ki tapwerimaw ia anahwe Ka ki pe iriniwihitisotc?”

Ka ki aitotiskeritci Cecoc otarotakana 9:20

Tecikotc ki kitcipariw e pa kakeskwetc cota aiamihe mikiwamiskak e tipatcimotc: “Cecoc, enko anihi Kice Manito Okosa.”

2 Corinthe iriniwok 1:19

Wir meka Cecoc Krist, Kice Manito Okosa, anahwe ka ki tipatcimoctatak neta kitacikewiniwak, nin tipirawe, Silas kaie Timothée, nama ki otci pe icaw kitci pe nta witak kekociciriw, pitoc tca kitci totak. Mocak ki witam tapwe kekociciriw e icinakonik anahwe Cecoc Krist.

Galatie iriniwok 2:20

Namaiew tca awocamec nin tipirawe ka pimatisian, kirawe wir Krist ka pimatisitc nipimatisiwinik. Anotc e iriniwian, ni pimatisin tepirak e asperimototawimak Kice Manito Okosa, ka ki sakihitc kirika ka ki pakiterimitisotc nin otci.

1 Thessalonique irinowok 3:5

Nama awocamec ni ki otci wi pehon kitci petakeiak e iciwepasiekw. Ekoni wetci ki iciticohwak Timothée kitci nta kiskerimitakw, kitci ki kiskeritaman e ispariekw kitapwetamowiniwak itekera. Ni koctetai kitci kokwetcihitakw Matci Manito kitci pakiteritamekw kitapwetamowiniwaw, kaie kaskina notamirowinan kitci pakitik, aka tca awocamec wiec kitci irapatak.

Hébreux iriniwok 12:16

Nanakatisikw kaie aka otci peikw nta e taciekw kitci nosanetatc matci pimatisiwiniw, kaie aka kitci anwerimatc Kice Manitowa, mia weckatc Ésaü ka ki totak. Anahwe Ésaü ki atawew e ici acterikipan kitci ici caweritakositc, wirctam e ki nitawikitc. Ki atamew ocima, meckota peikwaw e ki mirikotc kekociciriw kitci mitcik.

Hébreux iriniwok 4:14

Kaketin kanaweritetan anihe kitasperimowinino ka pa tipatatamokw. Taw meka kitci makatewokorew ka mawotci kicteritakositc mocak ke witcihitokw, aci wakwek ka ki ocpickatc kitci witcewatc Kice Manitowa. Enko anahwe Cecoc, Kice Manito Okosa.

Hébreux iriniwok 7:3

Nama kiskeritakoniw awin anihi otawiwa anahwe Melkisédec, aka e arimomakaniwiritci Kice Manito Omasinahikanik, kaie peikon okawiwa kirika otaniskotape omocoma. Nama kaie kiskeritakoniw apitc ka nitawikitc Melkisédec, nama kaie apitc ka nipotc. Mia tapickotc Kice Manito Okosa e icinakositc, kakike meka kata makatewokorewiw.

1 Jean 3:8

Anahwe mocak ko ka pactatitc Matci Manitowa tiperimiko. Aspinikotc meka pactatiw Matci Manito esko ka kiceritcikaterik askiriw. Ekoni mia wetci ki pe icatc Kice Manito Okosa, kitci orapatamwatc Matci Manitowa ototamowiniw.

Ka ki ici wapatahakaniwitc Jean 2:10

Akawir koctamokw anihe ke ici nekatcitaiekw. Natotamokw! Matci Manito ki ka kokwetcihikowaw. Kata totam mitcet neta e taciekw kitci iciticohokoiekw kipohotowikamikok. Ki ka nekatcihikowinawaw mitato kickwa irikik. Aka aric ponitakw e asperimototawekw Teperitciketc, misawatc wi nipahikoiekwe. Meckota ki ka miritinawaw ohwe caweritcikan: kakike pimatisiwin.