Matio 3:2 - Kice Manito Ocki Omirwatcimowin

² “Kweskatisikw! Aci peconakoniw Kice Manito Okimawin!”

Matio 3:2 Iomraidhean Croise

Matio 10:7

Pa icaiekwe, ki ka kakeskwanawaw kitci aiteiekw: ‘Aci peconakoniw Kice Manito Okimawin!’

Matio 11:20

Cecoc ki iti kakeskimew iriniwa neta otenak ka ki ici mawotci mata kackitaspan, osam aka e ki otci kweskatisiritci. Ki itew:

Matio 12:41

Iriniwok weckatc ka tacikewaspan Ninive otenak ki kweskatisiwok, ka petawatcik Jonasa e kakeskweritci. Aci anotc taw awik kirawe e kicteritakositc patok Jonas. Takociparinike aniheriw ke kicikarik kitci tipaskonikaniwonik, aniki Ninive iriniwok kata pasikowok kitci icikapowictawatcik anahweriw anotc iriniwa, kitci itactahoratcik aka ka wi kweskatisiritci.

Matio 13:11

Itew Cecoc: “Aci ki ki pe otitikonawaw kitci kiskeritamekw anihe ka ki katcictekipan Kice Manito Okimawinik otci, nama aric aniki kotakihik ki otci pe otitikowok.

Matio 13:24

Aci Cecoc atisokawew kotakeriw atisokaniciciriw, e itatc: “Ekoni e icinakonik Kice Manito Okimawin: mitowi kitike iriniw e ki kitiketc miro kitikaniw okitikan askik.

Matio 13:31

Cecoc kiapatc atisokawew kotakeriw atisokaniciciriw: “Ekoni e icinakonik Kice Manito Okimawin: mia mitowi okitamina, rimotat ka icinikatcikatek, iriniw e ki otapinak, minawatc e ki matce kitiketc okitikan askik.

Matio 13:33

Kiapatc Cecoc atisokew kotakeriw atisokaniciciriw: “Ekoni peikon e icinakonik Kice Manito Okimawin: mia mitowi ciwockitcitcikan, iskwew e tcipaketc, e otapinatc nipara napanewa e tca mamowinatc ciwockitcitcikana, nac kaskina e opisoritci.”

Matio 13:47

“Kiapatc, ekoni peikon e icinakonik Kice Manito Okimawin: mia mitowi aripi, iriniwok ka ki iciwepinatcik sakihikanik, mitcet namesa e patahoratcik, e nakowi aicinakosiritci anihi namesa.

Matio 13:52

Kiapatc ki itew Cecoc: “Ekote meka tca ni, tato iriniw ka kiskinohamaketc cota aiamihe irakonikewiniw, kecpin tca e nta kiskeritak Kice Manitowa Okimawiniw e wi nosanetawatc, mia peikon icinakosiw kirika ohwe ke atisokatak: mia mitowi iriniw e micikitatc, e mitcenik e ici tatak, atita ocki kekociciriw, kaie kete kekociciriw.”

Matio 18:23

“Ekoni peikon e icinakonik Kice Manito Okimawin: mitowi okimaw e iteritamokopanen kitci kanawapatak irikik mesinahamakotc kaskina e taciritci otarotakana.

Matio 20:1

“Ekoni e icinakonik Kice Manito Okimawin: mitowi peikw iriniw ka tiperitak kitikan askiriw wipatc e kicepawonik orowiw e nta akacehatc iriniwa kitci otamiroritci okitikan askik.

Matio 22:2

“Ekoni e icinakonik Kice Manito Okimawin: Peikw okimaw ki ocitaw kitci makocaniwonik, okosa otci ke nipowiritci.

Matio 23:13

Cecoc itew kiapatc: “Ekwa kirawaw ka kiskinohamakeiekw aiamihe irakonikewin kirika Pharisien iriniwok! Nikotin ki ka nakickenawaw kitci arimipariekw! Ki miro iriniwikasonawaw! Ki kipahamowawok iriniwok ickwatemiriw Kice Manito Okimawinik. Kirawaw tipirawe nama ki pitakanawaw neta. Nama kaie ki pakitinawawok iriniwok ka nataweritakik kitci pitaketcik.” [

Matio 25:1

Cecoc itew: “Ani apitc, ekoni ke icinakonik Kice Manito Okimawin, mitowi ohwe ke atisokeian. Tapanak mitato ickwecak ka nisawiwakopanen kitci icatcik ke ici nipowinaniwonik. Ki orowiwok e wi nakickowatcik anihi ke nipowiritci. Papeikw takonamopanak wactenamakaniw.

Matio 25:14

Cecoc atisokew kiapatc, e arimotak ke icinakonik Kice Manito Okimawin: “Mia mitowi iriniw e wi matcaspan e nta pa pimatisitc. Ki wicamew iriniwa ka atoskectakotc, e acotamawatc e ici tatak.

Matio 4:17

Ekoni ka kitciparitc Cecoc e kakeskwetc, e aitespan: “Kweskatisikw! Aci meka peconakoniw Kice Manito Okimawin!”

Matio 4:23

Pa aicakopan Cecoc kaskina e irikokwarik Galilée askiriw. Cota aiamihe mikiwamiskak pa kiskinohamakepan neta askik itekera, e tipatatakipan Mirwatcimowiniw ka otci kiskeritcikaterik Kice Manito Okimawiniw, kaie e pa kikehaspan iriniwa kaskina otakosiwiniwariw, kaie e ici maskisiritci.

Matio 5:10

Caweritakosiwok aniki ka nekatcihakaniwitcik, osam e itatisitcik Kice Manitowa e ici nataweritamiritci. Enko aniki tapwe ka ici tatakik Okimawiniw.”

Matio 5:3

“Caweritakosiwok kaskina ka kiskerimitisotcik e kitimakisitcik otcitcakociwak itekera. Enko aniki tapwe ka ici tatakik Kice Manitowa Okimawiniw.

Matio 6:10

kitci otcitciparik kokimawin, kaie e iteritaman kitci totcikatek ota askik tapickotc wakwek.

Matio 6:33

Nictam tca nanto kiskeritamokw Kice Manito Okimawin, kaie icikowisk kitci itatisiekw, kotc e ici nataweritak. Ki ka tca mirikowaw kaskina ke wi ici apatcitaiekw kitci otci pimatisiekw.

Mark 1:15

“Aci peconakoniw Kice Manito Okimawin! Kweskatisikw! Tapwetamokw Mirwatcimowin!”

Mark 1:4

Tapwe tca ki icinakon ani ka itemakak. Ki pe takociniw iriniw, Capatis icinikasokopan. Pamatisikopan neta askik ka ici cipewatawokarik. Pa aicakopan e sikahatakespan kaie e aiarimwespan, e aitetc: “Kweskatisikw! Sikahatasokw! Ki ka kasihamakowaw tca kipactatowiniwariw Kice Manito!”

Mark 6:12

Aci matcawok, neta e icatcik ka ki ici iciticohwakaniwitcik e nta witamawatcik iriniwa kitci kweskatisiritci.

Luc Omasinahikan 1:16

Kata witcihew mitcet Israël iriniwa kitci kiwe nosanehwatcik Teperitcikeritci, Okice Manitomiwawa.

Luc Omasinahikan 11:20

Tapwe wirata, Kice Manito omackawisiwin ka apatcitawak e matceticohwakik matci manitowok. Ekoni tca ka otci kiskeritakok aci e ki pe takociparinik Kice Manito Okimawin ota ka ici tacikeiekw.”

Luc Omasinahikan 13:3

Ki witamatinawaw, nama nte icinakon. Kecpin aric aka kweskatisiekwe, ekoni kaie kirawaw kaskina e taciekw ke ici nipoekw.

Luc Omasinahikan 13:5

Ki witamatinawaw, nama nte icinakon. Kecpin aric aka kweskatisiekwe, ekoni kaie kirawaw kaskina e taciekw ke ici nipoekw.”

Luc Omasinahikan 15:10

Minawatc itew Cecoc: “Kaie ki witamatinawaw, ekoni peikon e asitci mireritamiritci Kice Manito otacerima, peikw pactati iriniw e kweskatisitc.”

Luc Omasinahikan 15:7

Minawatc itew Cecoc: “Ki witamatinawaw, ekoni peikon ke icinakok wakwek. Kirawe kata micta mirwatcitcikaniwoniw neta peikw pactati iriniw otci aci ka ki kweskatisiritci, patok cakitato mitana acitc cakitato e tacitcik ka miro iriniwitcik otci, ka iterimitisotcik aka e acterik kitci kweskatisitcik.”

Luc Omasinahikan 16:30

“Anahwe ka micikitatc itew: ‘Notawi Abraham, nama kata tipipariniw kitci ki otci nisitotakik. Kecpin aric awiriw aci e ki niporitci pe natawapamikotawe, aci nta kata kweskatisiwok.’”

Luc Omasinahikan 21:31

Peikon tca kaie wapatamekwe kitci pe iciwepak anihe ka ki arimotamatakok, ki ka kiskeritenawaw aci e peconakonik Okimawin Kice Manito.

Luc Omasinahikan 24:47

Kaie kata tipatcimonaniwoniw wir oticinikasowin otci, kaskina wiec ota askik, Jérusalem otenak kitci otci kitciparinaniwonik. Kaskina kata wicamakaniwiwok kitci kweskatisitcik kirika kitci kasihamawakaniwitcik opactatowiniwaw.

Luc Omasinahikan 6:20

Cecoc ki kanawapamew owitcewakana, e itatc: “Ki caweritakosinawaw, kirawaw ka kitimakisiekw. Kice Manito Okimawin kit ici tatenawaw!

Luc Omasinahikan 9:2

Kaie tca ki iciticahwew kitci pa nta aiarimotamiritci Kice Manitowa Okimawiniw kirika kitci kikeharitci ka aiakosiritci,

Ka ki aitotiskeritci Cecoc otarotakana 11:18

Ka ickwa petakik aniheriw aniki cota iriniwok ka tapwerimatcik Cecoca, aci nama wiec ki otci iteritamok, kirika ki mirwatcimewok Kice Manitowa, e itetcik: “Tapwe Kice Manito ki mirew anahweriw aka ka cota iriniwiritci kitci ki matci kaie wirawaw kweskatisiritci kaie kitci mirakaniwiritci kakike pimatisiwiniw.”

Ka ki aitotiskeritci Cecoc otarotakana 17:30

Kice Manito nama aci pameritam weckatc iriniwa aka kekociciriw e ki otci kiskeritamirispana. Aric anotc itew kaskina iriniwa kaskina wiec ota askik tekaci kitci kweskatisiritci.

Ka ki aitotiskeritci Cecoc otarotakana 2:38

Ki itikowok Piena: “Kweskatisikw kirika kaskina papeikw e taciekw sikahatasokw, Cecoc Krist oticinikasowin e apatcitaiekw, kitci ki tca kasihamakoiekw kipactatowiniwawa. Ekoni tca ke mirikoiekw Miro Manitowa, Kice Manito ocaweritcikan.

Ka ki aitotiskeritci Cecoc otarotakana 20:21

Ni ki wicamawok cota iriniwok kaie aniki aka ka cota iriniwitcik kitci kweskatisitcik kitci nosanehwatcik Kice Manitowa, kirika kitci tapwerimatcik anihi Ka Tiperimitokw Cecoca.

Ka ki aitotiskeritci Cecoc otarotakana 26:20

Nictam ni ki nta kakeskwan nete Damas otenak kaie Jérusalem otenak e aimihakik, kaie nta kaskina e irikokwak Judée askik, kaie mitcet iriniwok ka papikan taciketcik, e ki wikosimakik kitci meckotatisitcik, kitci itactimikapowictawatcik Kice Manitowa kitci nosanehwatcik, kaie kitci wapatahiwetcik tapwe pitoc e itatisitcik.

Ka ki aitotiskeritci Cecoc otarotakana 3:19

Kweskatisikw tca, kaie natcikapowictawakw Kice Manito kitci nosanehwekw, kitci ki tca kasihamatakw ka ki ici pactatiekw.

2 Corinthe iriniwok 7:10

Kecpin meka awik e kackeritamihikotc Kice Manitowa, ispariniw kitci meckotatisitc, kitci ki tca akwacimakaniwitc. Nama cikeritam e ki ici kackeritak. Kecpin aric awik e kackeritak osam tepirak e kackeritamihikotc ota askik kekociciriw, aka tca e meckotatisitc, iciwiriko kitci nipotc.

Colosse iriniwok 1:13

Tapwe meka ki ki otci wikotcihikono neta e ici tiperitakosikopanen e ici kiski tipiskak, kirika nete ki ki iciwirikono okimawinik Okosa ka micta sakihatc.

2 Timothée 2:25

Pekatc kata kiskinohamawew kaskina anihi aka ka nahitakotc. Pot kata witcihikowok Kice Manitowa pitoc kitci iteritakik kaie kitci ki kiskeritakik tapwewiniw.

Hébreux iriniwok 6:1

Ekoni wetci actek kitci nta kiskeritamokw kiskinohamakewin kirawe ka arimak, ka kicteritakok e matcekiikw kitcitcakocinak itekera, aci e ki kackitamatisoikw nictam ka pe ici kiskinohamakoikw Krist otci, kirawe awocamec kitci nta kiskeritamokw. Nama tca tepirak ki ka arimotenawaw nictam ka ici kiskinohamakaniwok, aci ka miro kiskeritamokw: kitci atimikapowictamokw matci itatisiwin ke ki otci nipoikw, acitc kitci tapwerimokw Kice Manito.

2 Pien 3:9

Nama niramisiw Teperitciketc kitci totak ka ki ici nespi tapwetc kitci totak. Otcitakotc kata otcitcipariniw, misawatc atita pitoc e iteritakik. Mictahi ciciperitam kirawaw otci. Nama otci peikw natawerimew kitci oniciniritci. Nataweritam meka kitci miroparinik kaskina kitci atimikapowictamiritci ka maratanik.

Ka ki ici wapatahakaniwitc Jean 2:21

Kinowec ni ki pehaw kitci kweskatisitc. Nama aric wi ponitaw e pacikwatisitc.

Ka ki ici wapatahakaniwitc Jean 2:5

Mamitoneritamokw e asitci warawik pakiciniekw! Meckotatisikw, mia weckatc e itatisiekopanen! Kecpin aka meckotatisiekwe, ki ka natawapamitinawaw kaie ni ka pe nta maninen kiwactenamakaniwaw neta e ici actek.