Matio 26:3 - Kice Manito Ocki Omirwatcimowin

³ Aci aniki cota makatewokorewok ka tiperitakik kaie cota okimawok ki mawotcihitowok omicta omikiwamirik kitci makatewokorewa, Caïphe ka icinikasoritci.

Matio 26:3 Iomraidhean Croise

Matio 26:69

Pien taci apipan orowitimik kitci makatewokorewa omikiwamirik. Aci arotakan ickweca pe natcikapowictako Pien, e itikotc: “Kaie kir ni, ki pa witcewatai Cecoc, anahwe iriniw Galilée askik ka otcitc.”

Matio 27:27

Minawatc Pilate ocimakanicima ki iciwirewok Cecoca kice okimawa omicta omikiwamirik. Kaskina e tacitcik aniki cimakanicak e mitcetitcik ki waskakapowictawewok.

Mark 14:54

Warawik otci nosanehwew Pien Cecoca. Ki tca icaw nete kitci makatewokorewa omikiwamirik. Orowitimik nta pa tacikew, e witapimatc iriniwa ka nanakatcitaritci kitci aiamihe mikiwamiriw, kaie tca e pa awasotc.

Mark 14:66

Pien kiapatc pa tacikepan orowitimik neta kitci makatewokorew omikiwamirik, aci ka pe takociniritci peikw iskwewa, kitci makatewokorewa ka atoskectawatc.

Mark 15:16

Minawatc aniki cimakanicak iciwirewok Cecoca kice okimawa omicta omikiwamirik. Kaskina tca wicamewok owitc cimakaniciwawa kaie wirawaw kitci pe icaritci.

Luc Omasinahikan 22:55

Takonopan kotowan neta orowitimik opimera mikiwamik. Ekota ni kaie wir e apitc Pien, e witapimatc iriniwa neta ka waskapiritci kotowanik.

Luc Omasinahikan 3:2

Ani apitc Hanne kirika Caïphe kitci makatewokorewiwakopan. Ani apitc Jean, Sakari okosa, ki pe witamako Kice Manitowa otitewiniw, mekwata e tacikespan neta askik ka ici cipewatawokarik.

Jean 11:57

Aniki cota makatewokorewok ka tiperitakik kaie aniki Pharisien iriniwok ohweriw ki orakonikepanak: kecpin awik kiskeritake nte e ici tacikeritci Cecoca, acteriw kitci pe nta witak, kitci ki makonakaniwiritci.

Jean 18:24

Aci anahwe Hanne ki iciticahwew Cecoca kiapatc e takopisoritci neta kitci makatekorek Caïphe ka icinikasoritci.

Jean 18:28

Minawatc kecepawonik, Caïphe omikiwamirik otci matcewirakaniwiw Cecoc, kice okimaw omicta omikiwamirik e iciwirakaniwitc. Aric cota okimawok nama ki otci pitakewok kice okimaw omikiwamirik, aka kitci ometciwohakaniwitcik, aka tca kitci otcinehwakaniwitcik kitci aiamihe makocetcik Pâque otci.