Matio 2:2 - Kice Manito Ocki Omirwatcimowin

² e kokwetcikemotcik: “Tante anahwe awacic ka ki nitawikitc, cota iriniwok ke okimamitcik? Ni ki wapamanan otatcikocima, wapanok ka pe nokosiritci. Ni ki tca pe icanan kitci ki pe nta kicterimakitc.”

Matio 2:2 Iomraidhean Croise

Matio 2:3

Ka petaketc aniheriw okimaw Hérode, ki micta arimeritam. Kaie wirawaw ka taciketcik Jérusalem otenak ki micta arimeritamok.

Matio 21:5

“Witamawakok aniki Sion otenak ka taciketcik: Kanawapatamokw! Aci pe takociniw kokimamiwaw e pe natawapamitakw, e micta roskitehetc, atikok e ki okitapitc, atikocicik apiw, noce atikw onitcanica.” Zacharie 9.9

Matio 27:11

Aci Cecoc ki pe iciwirakaniwiw kitci icikapowitc nikanik e ici apiritci kice okimawa, kirika ki kokwetcimiko: “Kir ia ni cota iriniwok okimamiwawa?” Itew Cecoc: “Kir ni ka itein.”

Luc Omasinahikan 19:38

Aitewok: “Caweritakosiw anahwe okimaw ka pe iciticohikotc Teperitcikeritci! Pekateritamowin takon wakwek kaie icperitakosiw Kice Manito!”

Luc Omasinahikan 2:11

Anotc ka mi tipiskarik, ota Tapit otenamik, awik ki nitawikiw kirawaw otci, Ke Akwacimitakw. Enko na Krist, Teperitciketc.

Luc Omasinahikan 23:3

Pilate ki kokwetcimew, e itatc: “Kir ia ni cota iriniwok okimamiwawa?” Naskamako Cecoca: “Kir ni ka itein.”

Luc Omasinahikan 23:38

Okitc octikwanik otcipaiatikomik, ohweriw ki masinateriw: “Enko ohwa cota iriniwok okimamiwawa.”

Jean 1:49

Aci itew Nathanaël: “Kiskinohamake iriniw, kir Kice Manito Okosa, Israël iriniwok okimamiwawa.”

Jean 12:13

Kaskina ki iti matcewirewok cikopiwa e takonatcik, e orowitcik neta otenak, e tca nta nakickowatcik Cecoca e tepitepwetcik, e aitetcik: “Caweritakosiw Kice Manito! Kitci cawerimatc Kice Manito anihi ka pe icaritci Teperitciketc oticinikasowin otci! Kitci cawerimatc Kice Manito Israël okimawa!”

Jean 18:37

Aci itew Pilate: “Ka! Kir ia ni okimaw?” Cecoc itew: “Kir ni ka itein: ni okimawin. Ni ki nitawikin kaie ni ki pe ican ota askik, tapwewin kitci pe nta tipataman. Kaskina awik ka nosanetatc tapwewiniw, natotam aniheriw ka itewak.”

Jean 19:19

Ki itew kaie Pilate kitci masinahikaniwonik napakitikwatikocik, okitc Cecoca octikwanik otcipaiatikomirik kitci actakaniwonik, kitci tca itacterik: “Cecoc, Nazareth ka otcitc, cota iriniwok okimamiwawa.”

Jean 20:28

Aci itew Toma: “Kir Ka Tiperimiin kaie Nikice Manitom.”

Jean 5:23

kaskina awiriw kitci ki kicterimikoritci, mitowi wir ka ici kicterimakaniwitc anahwe Notawi. Awik aka ka kicterimatc Okosiriw, nama kaie kicterimew Notawiwa, anihi ka ki pe iciticohikotc.”

Jean 9:38

“Ki tapwetatin, Teperitcikein!” itew Cecoca anahwe iriniw, e iti nipiskoctawatc.

Hébreux iriniwok 1:6

Aric apitc ka iteritak Kice Manito kitci pe iciticohwatc ota askik Okosa nictam ka nitawikiritci, ki itew: “Acteriw kaskina Kice Manito otacerima kitci nipiskoctawatcik e kicterimatcik.” Deutéronome 32.43

Ka ki ici wapatahakaniwitc Jean 22:16

“Nin, Cecoc, ni ki iciticohwaw nitacerim kitci nta witamatakw kaskina aniheriw, kaskina wiec e ici mawotcihitoritci Kice Manito otirinima. Ekota neta wetapikecinian weckatc Okimaw Tapit. Nin nit iteritakosin wapan atcikoc e kicepawonik ka wasisotc.”