Matio 1:5 - Kice Manito Ocki Omirwatcimowin

⁵ Booz tca wir ki otawiwiw Salmana, Rahab tca ki icinikasoriwa okawiwa. Obed wir ki otawiwiw Booza, Ruth ki icinikasoriwa okawiwa. Jessé ki otawiwiw Obeda.

Matio 1:5 Iomraidhean Croise

Matio 1:4

Amminadab ki otawiwiw Rama. Minawatc Nachon ki otawiwiw Amminadaba. Salman anihi ki otawiwiw Nachona.

Matio 1:6

Okimaw Tapit tca ki otawiwiw Jesséwa. Minawatc Salomon ki otawiwiw Tapita, okawiwa anahwe Salomon, enkweriw Urie okoma.

Luc Omasinahikan 3:32

Kaie wir Tapit ka ki otawiitc, Jessé icinikasoripana. Minawatc Jessé, Obed icinikasoripana otawiwa. Anahwe tca Obed, Booz icinikasoripana. Anahwe tca kaie Booz, Sala icinikasoripana. Minawatc kiapatc Sala, Nachon icinikasoripana.

Hébreux iriniwok 11:31

Minawatc peikw iskwew orina ka nosanetaspan matci pimatisiwiniw, Rahab ka icinikatakaniwitc, kaie wir ki asperimototawew Kice Manitowa. Ki witcihew nicw Israël iriniwa kimotc ka ki pe takociniritci kitci nikan wawapatamiritci neta otenamik. Aniheriw otci, nama ki otci nipahakaniwiw anahwe iskwew, apitc ka nipahakaniwiritci iriniwa nta otenak aka ka ki otci natotawaritci Kice Manitowa.

Cak ka ki pe ici masinahiketc 2:25

Peikon ki iciwepasikopan peikw iskwew weckatc e pimatisikopanen, Rahab e icinikasokopanen. Orina nosanetakopan matci pimatisiwiniw. Aric e itatisokatakaniwitc anahwe Rahab Kice Manito Omasinahikanik, peikwaw e kicikarik ki mihew e kanawerimatc omikiwamik atita Israël iriniwa ka ki iciticohwakaniwiritci, acitc ki witcihew kitci ocimoritci, kotakeriw meskanariw e ki witamawatc. Omiro totamowin e ki kanawapatcikaterik, icikowisk ki iterimiko Kice Manitowa.