Matio 1:1 - Kice Manito Ocki Omirwatcimowin

¹ Enko ohweriw kaskina ka masinasoritci Cecoc Krist otaniskotape omocoma. Tapit ki icinikasoriw okice omocoma anahwe Cecoc, Tapit wir, Abraham ki otaniskotape omocomipan.

Matio 1:1 Iomraidhean Croise

Matio 1:18

Ekoni ka iciwepanik, Cecoc ka nitawikitc: ki mirakaniwikopan Sosep kitci wikimatc Mariwa, Cecoc okawiwa. Aric epwamoci witci tacikemitotcik, ki matce kanawerimawaso Mari, e ki pe natawapamikotc Miro Manitowa.

Matio 1:2

Isak ki otawiwiw Abrahama. Cakop tca ki otawiwiw Isaka. Minawatc Juda kirika ocima ki otawiwiwok Cakopa.

Matio 15:22

Tapan neta peikw iskwew, Canaan askik itekera e otcirikopanen otaniskotape omocoma. Anahwe iskwew ki pe natcikapowictawew Cecoca, e tepwatatc: “Teperitcikein, Tapit Okosa, kitimakerimici! Nitanis mictahi nekatcihiko matci manitowa e ki pitciteheckakotc!”

Matio 3:16

Kotc ka ickwa sikahatasotc Cecoc, ki akowatakasiw neta sipik. Mia apitc ki cepariniw wakwek wir otci. Ki wapamew Kice Manitowa Omiro Manitomiriw e pe racireritci mia omemew e icinakosiritci, e pe poneritci.

Matio 9:27

Apitc neta ka otci matcatc Cecoc, mekwata e pimotespan, nicw iriniwa aka ka wapiritci pe nosanehiko, e itikotc e tepweritci: “Okimaw Tapit Okosa, kitimakerimicinan!”

Luc Omasinahikan 1:33

Kirika mocak kata tiperimew Israël iriniwa. Nama wiskat kata ickwapariniw okimawin.”

Jean 7:42

Itemakan meka Kice Manito Omasinahikanik: ‘Anihi ka ki itespan Kice Manito kitci pe iciticohwatc ota askik kitci akwacimiweritci, Tapita kata otaniskotape omocomiw. Bethléem kata otciw, anihe otenacic Tapita ka ki otciritci.’”

Ka ki aitotiskeritci Cecoc otarotakana 2:30

Aric nikan tipatcimo iriniwipan, kaie kiskeritamopan Kice Manitowa e ki nespi tapweritci kitci miraritci peikw otaniskotape osima kitci okimawiritci, mia wir tipirawe ka ki okimawitc.

Rome iriniwok 1:3

Neta Mirwatcimowinik arimomakaniwiw Kice Manito Okosa, anahwe Ka Tiperimitokw Cecoc Krist. E ki pe nitawikitc, Okimaw Tapit e ki otaniskotape osimitc.

Rome iriniwok 4:13

Aci weckatc Kice Manito ki ici nespi tapwekopan Abrahama otci, kirika kaskina onitcanica acitc otaniskotape osima, kitci mirakaniwitcik kaskina ota askik. Ki nespi tapwew aniheriw icikowisk e ki iterimatc Abrahama osam e ki kanawapatak otasperimowiniw, nama tepirak e ki nosanetaritci aiamihe irakonikewiniw.

Rome iriniwok 9:5

Weckatc kit aniskotape kimocominawok ki pe otapikeciniwok. Kaie wir Cecoc Krist ki cota iriniwiw mekwata ka pe iriniwitc ota askik, wir kaskina kekociciriw ka tiperitak. Nespitc kitci mirwatcimakaniwitc Kice Manito! Kekora ki iki.

Galatie iriniwok 3:16

Enkweriw towiriw ka ki ici nespi tapwetc Kice Manito Abrahama otci acitc peikw otaniskotape osimiriw otci. Nama meka itemakan Kice Manito Omasinahikan: “acitc kaskina kitaniskotape kosimak otci” e mitcetitcik, aric itemakan: “… acitc kitaniskotape kosim otci.” Genèse 12.7 Ekoni aci e witcikaterik e peikociritci otaniskotape osima, enko tca anahwe Krist.

1 Timothée 2:5

Peikociw meka Kice Manito, kaie peikociw anahwe iriniw ka ki ocitatc meskanariw ka iticimonik Kice Manitok iriniwa otci ota askik kitci ki nahitatoritci. Enko na Cecoc Krist,

2 Timothée 2:8

Mikawerimi Cecoc Krist, Okimaw Tapita ka ki otaniskotape omocomitc, kirika ka ki apitcipatc. Enko anahwe Mirwatcimowin ka pa tipatcimoian.

Ka ki ici wapatahakaniwitc Jean 22:16

“Nin, Cecoc, ni ki iciticohwaw nitacerim kitci nta witamatakw kaskina aniheriw, kaskina wiec e ici mawotcihitoritci Kice Manito otirinima. Ekota neta wetapikecinian weckatc Okimaw Tapit. Nin nit iteritakosin wapan atcikoc e kicepawonik ka wasisotc.”