Mark 9:44 - Kice Manito Ocki Omirwatcimowin

⁴⁴ Nte, ‘mantcocak ka mitcikik ko wiawiriw nama wiskat nipowok, kaie anihe ickote nama wiskat actawew.’]”

Mark 9:44 Iomraidhean Croise

Matio 25:41

“Minawatc ni ka itawok iriniwok namitciwonik ka icikapowitcik: ‘Matcakw nete aka kitci pecowapamiekw, kirawaw ka anwerimikoiekw. Icakw neta kakike ickotek ka ki ocitakaniwok wirawaw otci Matci Manito acitc ka atoskectakotc.

Matio 25:46

“Aniki iriniwok kata iciticohwakaniwiwok kakike arimisiwinik. Aric aniki ka ki totakik e ici nataweritamiritci Kice Manitowa kata icawok kakike pimatisiwinik.”

Matio 3:12

Kata itotiskew tarasak mitowi kitike iriniw e takonak omakaripakan kitci tatipan actatc kitikaniw kirika ka maratanik. Kaskina kata mawotcitaw aniheriw okitikan e nahikak otactasokiwamik. Aric aniheriw ka maratanik kata ickwasam neta ickotek aka wiskat ka actweparinik.”

Mark 9:43

“Kecpin kitcitci e pactatiwakein, kickitcitcehotiso. Kirawe kata miroparinopan kir otci kitci pitakein tapwe pimatisiwinik tepirak e peikocik kitcitci, patok kitci kanaweritaman e niciki, atamaskamikok kitci icain, nete ickote aka wiskat e actawek. [

Mark 9:45

“Kecpin kisit e pactatiwakein, kickisitehotiso. Kirawe kata miroparinopan kir otci kitci pitakein tapwe pimatisiwinik tepirak e peikocik kisit, patok e niciki kitci kanaweritaman, atamaskamikok tca kitci iciwepinikoin. [

Mark 9:48

Itemakan meka: Nte, ‘mantcocak ka mitcikik ko wiawiriw nama wiskat nipowok, kaie anihe ickote nama wiskat actawew.’ ” Ésaïe 66.24

2 Thessalonique iriniwok 1:9

Kata anwetasohwakaniwiwok kakike kitci niponerimakaniwitcik. Kata nespitci pakanakaniwiwok, aka kitci taciketcik neta Teperitcikeritci e ici tacikeritci, nama kaie wiskat awocamec kitci wapatakik omackawisiwiniw ka micta icperitakonik.

Ka ki ici wapatahakaniwitc Jean 14:10

ki kiciwahew Kice Manitowa. Mia peikon mitowi kata mirakaniwiw kitci minikwetc minicaporiw ka mackawakaminik, Kice Manitowa e ki sikinamiritci orakanik, mia peikon Kice Manito okiciwasiwin e iteritakonik. Kaskina aniki ka itatisitcik kata nekatcihakaniwiwok ickotek kaie ka akwapiterik, mekwata e kanawapamikotcik Kice Manitowa otacerimiriw acitc Maritcenica.

Ka ki ici wapatahakaniwitc Jean 20:10

Minawatc Matci Manito, anahwe ka wecimaspan anahweriw iriniwa, ki iciwepinakaniwiw neta ickote sakihikanik e osawapiterik, neta e ici tacikeritci anihi matci awesisa kirika anihi arotc ka nikan tipatcimoritci. Mocak kata nekatcihakaniwiwok, kape kickwa kaie kape tipiskwa, kakike nespitc.

Ka ki ici wapatahakaniwitc Jean 20:15

Kecpin awik aka ki otci masinaterik oticinikasowin neta Pimatisi Masinahikanik, ki iciwepinakaniwiw neta ickote sakihikanik.

Ka ki ici wapatahakaniwitc Jean 21:8

Aric iriniwok aka e sokeritakik e tapwerimatcik Cecoca, kaie aniki aka ka tapwerimatcik, aniki ka matcatikositcik, kaie aniki ka manohotcik, peikon kaie aniki ka pacikwatisitcik, acitc aniki ka matci totakik e matawositcik ka maratanik e wi ispatakik, kaie ka kicterimatcik manitokana, kaskina aniki ka wi nita kiraskitcik, wirawaw kata iciwepinakaniwiwok ickote sakihikanik ka osawapiterik. Enko ni nicwaw e niponaniwok.”