Mark 9:43 - Kice Manito Ocki Omirwatcimowin

⁴³ “Kecpin kitcitci e pactatiwakein, kickitcitcehotiso. Kirawe kata miroparinopan kir otci kitci pitakein tapwe pimatisiwinik tepirak e peikocik kitcitci, patok kitci kanaweritaman e niciki, atamaskamikok kitci icain, nete ickote aka wiskat e actawek. [

Mark 9:43 Iomraidhean Croise

Matio 17:27

Aric nama ki wi kiciwahanowok aniki ka natockaketcik. Ki ka tca ican nete sakihikanik. Ki ka wepinen nipik kimikikan. Ki ka otcipitaw anahwe nictam names ke kwackwepitatc. Minawatc ki ka tawotonepitaw. Ki ka tca miskamwan neta peikw coriawapiskoriw. Ekoni anihe kitci tipiparik, nin kirika kir otci, kitci kicikamokw anihe ka natockasonaniwok kice okimaw otci. Otapinamokan anihe coria. Kicikasokan tca e niciikw otci.”

Matio 25:41

“Minawatc ni ka itawok iriniwok namitciwonik ka icikapowitcik: ‘Matcakw nete aka kitci pecowapamiekw, kirawaw ka anwerimikoiekw. Icakw neta kakike ickotek ka ki ocitakaniwok wirawaw otci Matci Manito acitc ka atoskectakotc.

Matio 3:12

Kata itotiskew tarasak mitowi kitike iriniw e takonak omakaripakan kitci tatipan actatc kitikaniw kirika ka maratanik. Kaskina kata mawotcitaw aniheriw okitikan e nahikak otactasokiwamik. Aric aniheriw ka maratanik kata ickwasam neta ickotek aka wiskat ka actweparinik.”

Matio 5:22

Aric anotc nin ki witamatinawaw: kecpin awik wawatc tepirak kiciwasictowate owitcicana, kata kackitamatiso kitci tipaskonakaniwitc. Anahwe ka itatc owitcicana: ‘Ki kiwockwan!’ acteriw kitci tipaskonikotc anahweriw cota iriniwa ‘Ka Kitci Tipaskonikeritci’ ka icinikatakaniwiritci. Anahwe aric ka itatc owitcicana: ‘Tekaci nama wiec kit irapatisin!’ kackitamatiso kitci iciwepinakaniwitc matci ickotek, atamaskamikok ka takonik.”

Mark 9:44

Nte, ‘mantcocak ka mitcikik ko wiawiriw nama wiskat nipowok, kaie anihe ickote nama wiskat actawew.’]”

Luc Omasinahikan 14:13

E wicakemoin kitci makocaniwok, wicamik ka kitimakisitcik, ka maskisitcik, ka atciwockatcik kirika aka ka wapitcik.

Luc Omasinahikan 14:21

“Ekoni e ici kiwetc anahwe arotakan. Witamawew anihi okimama aniheriw ka ki itakaniwitc. Aci micta kiciwasiw anahwe iriniw. Itew anihi otarotakana: ‘Ekoci nta ica otenak, meskanak kirika kotak wiec e tacikaniwok. Pecowikw ota aniki ke wapamatcik nta, ka kitimakisitcik, ka maskisitcik, aka ka wapitcik acitc ka atciwockatcik.’”

Luc Omasinahikan 3:17

Kata itotiskew tarasak mitowi kitike iriniw e takonak omakaripakan kitci tatipan actatc kitikaniw kirika ka maratanik. Kaskina kata mawotcitaw aniheriw okitikan kitci nahikak otactasokiwamik. Aric aniheriw ka maratanik kata ickwasam neta ickotek aka wiskat ka actweparinik.”

Rome iriniwok 8:13

Kecpin meka ici pimatisiekwe kirawaw tepirak e ici matci nataweritamokw, ki ka poni pimatisinawaw. Kecpin aric pakitinekwe Miro Manito kitci mackawisihitakw kitci ponitaiekw kaskina anihe ka maratak ke ki totcikatek kiwiawiwak itekera, ki ka pimatisinawaw.

1 Corinthe iriniwok 9:27

Mictahi ni otamirotan niwiaw, wewerita kitci miro tiperimitisoan. Kecpin aka itotiskeiane, nama ni ka pakitinikowin kitci mipataian, nama tca ni ka pe otitikon anihe caweritakosiwin, misawatc e ki wicamakik kotakihik iriniwok kaie wirawaw kitci mipatatcik.

Galatie iriniwok 5:24

Kaskina ka tiperimikotcik Cecoc Krist aci tcipaiatikok ki ickwa tcictaskowatamok kaskina aniheriw notc ka ici nataweritakik owiawiwak itekera ka maratanik.

Colosse iriniwok 3:5

Nipatakw tca kaskina ka maratak kipimatisiwiniwak, anihe notc ka ici nataweritak ko awik ota askik: pacikwatisiwiniw, aka kaie e mirwinakositc otehik, matci iteritamowiniw e makonikotc, e micta pasoweritak kitci matci totak kirika e monihowetc. E monihowetc meka awik, mia e manitoweritak okekocicima.

Tite 2:12

Ki kiskinohamakono omirotehewin kitci atimikapowictamokw matci itatisiwin, kaie aka aci kitci nataweritamokw kitci matci totamokw, notc ko e ici pimatisinaniwok ota askik. Kirawe tca icikowisk kitci iteritamokw mekwata anotc e pimatisiikw ota askik, icikowisk kaie kitci itatisiikw, kirika mocak kitci miro nosanehwokw Kice Manito.

Hébreux iriniwok 12:1

Kirano tca, mia peikon e waskakapowictatokok aniki weckatc iriniwok e pe mitcetitcik ka ki asperimototawatcik Kice Manitowa. Ki wapatahikonowok ke totamokw kaie kirano e pimoteikw acitc e nosanetaikw omeskanam. Wepinatan tca kaskina ka kipickakoikw, kaie wepinatan pactatowin ka wi oniwirikoikw. Tarasak mia mitowi e mipataniwok e kwetciskataniwok, kaketin ki ka mipatanano. Ki ka mantokasonano mocak kitci pimoteikw acitc e nosanetaikw aniheriw ka ki miritokw miro meskanariw.

1 Pien 2:1

Wepakanamokw tca kaskina ka ici matcitwaniwok kipimatisiwiniwak. Nama ki ka kiraskinawaw. Nama kaie ki ka miro iriniwikasonawaw. Nama ki ka otcinawekerimawaw kiwitc iriniwaw. Nama kaie ki ka mareritcikanawaw.