Mark 9:42 - Kice Manito Ocki Omirwatcimowin

⁴² “Kecpin awik e cikimatc peikw nta e taciritci ka apiciciritci ka tapwerimiritci kitci pactatiritci, kirawe kata miroparinipan wir otci, anahwe ka ki cikimiwetc, kitci takopitakaniwiritci okwak asiniwa mia e irikwapiskisiritci, e pakopepinakaniwitc kitcikamik.”

Mark 9:42 Iomraidhean Croise

Matio 17:27

Aric nama ki wi kiciwahanowok aniki ka natockaketcik. Ki ka tca ican nete sakihikanik. Ki ka wepinen nipik kimikikan. Ki ka otcipitaw anahwe nictam names ke kwackwepitatc. Minawatc ki ka tawotonepitaw. Ki ka tca miskamwan neta peikw coriawapiskoriw. Ekoni anihe kitci tipiparik, nin kirika kir otci, kitci kicikamokw anihe ka natockasonaniwok kice okimaw otci. Otapinamokan anihe coria. Kicikasokan tca e niciikw otci.”

Matio 18:10

“Nanakatcihitisokw aka otci peikw kitci cikerimekw aniki ka apicicitcik. Ki witamatinawaw, otacerimiwawa nete wakwek aspinikotc tacikeriwa, pecotcik e ici tacikeritci Notawiwa nete wakwek. [

Matio 18:6

“Kecpin awik e cikimatc peikw nta e taciritci ka apiciciritci ka tapwerimiritci kitci pactatiritci, kirawe kata miroparinipan wir otci, anahwe ka ki cikimiwetc, kitci takopitakaniwiritci okwak asiniwa mia e irikwapiskisiritci, kitci kosapewirakaniwitc kitcikamik kitci kwapawetc.

Ka ki aitotiskeritci Cecoc otarotakana 9:4

Ki pakicin kaie ki petam e itakaniwitc: “Saul, Saul, kekwan wetci nekatcihiin?”

Rome iriniwok 14:13

Ponitatan tca e tipaskonitoikw. Mantokasokw aka kekocic kitci totawekw kiwitcicaniwaw kitci pacwactecik, kaie aka kitci pakicik pactatowinik.

Rome iriniwok 15:21

Ni ki natotetai kotc e itasinatek Kice Manito Omasinahikanik e itemakak: “Aniki aka moci ka ki otci tipatcimoctawakaniwitcik kata wapatamok, kirika aniki aka moci ka ki otci petakik e arimotcikaterik kata nisitotamok.” Ésaïe 52.15

Rome iriniwok 16:17

Niwitcicanak, ki nataweritamatinawaw kitci aiekwamictowekok kaskina aniki ka matciparitatcik e totakik kitci papikanitonaniwonik. Paskewirewok iriniwa ka nosanehwaritci Cecoca, aka e ici naheritakik ka ici kiskinohamakoiekw. Atimikapowictawakok aniki towihik iriniwok.

2 Corinthe iriniwok 6:3

Nama ni nataweritenan kitci totamak kekocic kitci ki paskewirakitc awik Kice Manitowa omeskanamiriw. Nama tca kata kiciweritcikatew notamirowinan.

Pirip iriniwok 1:10

kitci ki kackitaiekw kitci oreritamekw ka ici mirwacik. Ki ka tca pekitehanawaw, kirika nama kata takon ke ki otci itactahorikoekw, minawatc takocike Krist.

1 Timothée 5:14

Ekoni wetci nataweritaman ka ocki pimatisitcik cikawok kitci koski nipowitcik kaie kitci onitcanicitcik, acitc kitci miro mitatcik omikiwamiwaw, aka tca kitci ki takonik ke itawikok aniki ka wi itactahoritokok.

2 Pien 2:2

Mitcet iriniwa kata nosanehikowok e maratanik otitatisiwiniwaw. Kata tca otci mareritcikateriw aniheriw meskanariw tapwewinik ka iticimonik, ani e itatisitcik.