Mark 9:25 - Kice Manito Ocki Omirwatcimowin

²⁵ Cecoc wapamew iriniwa e mitcetiritci e pe nta mipataritci. Ekoni e ici iti tepwatatc anihi matci manitowa e itatc: “Kir matci manito ka totaman kitci kipitaniwok kirika aka kitci arimwaniwok. Kit ititin kitci orowiin neta awacik. Akawir minawatc wiskat pitake neta!”

Mark 9:25 Iomraidhean Croise

Matio 12:22

Pe iciwitowakaniwiw peikw iriniwa Cecoc, aka ka wapiritci kirika aka ka kackitaritci e arimweritci, osam e ki pitciteheckakoritci matci manitowa. Ki kikehew Cecoc anihi iriniwa. Ki tca kackitariw e arimweritci kaie ki wapiriw.

Matio 17:18

Cecoc kitotew matci manitowa. Ekoni e ici orowiritci omatci manitoma anahwe awacic, tecikotc e iti kiketc.

Mark 9:15

Kotc e wapamatcik Cecoca, micta kockopariwok. Mowinitewok e wi arimikowatcik.

Mark 9:24

Kek tepwew anahwe iriniw, e tca itetc: “Ki tapwerimitin ni. Witcihici aric, nit arimisin meka kitci tipi tapweritaman!”

Mark 9:26

Ekoni ka ici micta nanotakositc anahwe matci manito. Kaketin aiatciparihew anihi awaca, e tca orowitc. Anahwe ockinikicic, mia e nipotc icinakosiw. Kaskina awik itew: “Nipo ni anahwe!”

Luc Omasinahikan 11:14

Tapan iriniw ka ki pitciteheckakotc matci manitowa. Nama tca kackitakopan e arimwetc. Aci ki itew Cecoc kitci orowiritci anihi matci manitowa ka ki pitciteheckakowatc anihi iriniwa. Ka ickwa orowiticohowatc, tecikotc ki kackitaw e arimwetc anahwe iriniw. Ki micta kockowapamowok iriniwok ka tacikewaspan neta.

Luc Omasinahikan 4:35

Kaketin aimihew anihi matci manitowa Cecoc, e itatc: “Aka kito! Pakitini kaie anahwe iriniw!” Kek anahwe matci manito wepicimew anihi iriniwa, kaskina awiriwa e wapakeritci, e pe orowitc irinik, tekaci aka e wisakohwatc.

Luc Omasinahikan 4:41

Kaie ki orowiticohwew matci manitowa, mitcet iriniwa e tiperimaritci. Kotc e orowiticohwakaniwitcik irinik aniki matci manitowok, ki tepitepwewok e itetcik: “Kir Kice Manito Okosa!” Aric kaketin ki aimihew anahweriw matci manitowa Cecoc e otcinehwatc aka awocamec kitci arimweritci. Kiskerimikopan meka wir anihi ka ki itespan Kice Manito kitci pe iciticohwatc ota askik kitci akwacimiweritci.

Luc Omasinahikan 8:29

Aci meka ki ickwa itekopan Cecoc anihi matci manitowa kitci orowiritci owiawirik anihi iriniwa. Anahwe iriniw mitcetwaw ki makonikopan anihi omatci manitoma. Takopitakaniwikopan ko otcitcik kirika ositik piwapiskwapiriw e totcikaterik, aka kitci ki ocimotc, aric kackihopan ko. Nte tca ka ici cipewatawokarik iciwirikokopan ko anihi omatci manitoma.

Luc Omasinahikan 9:42

Mia apitc ka iti petcimotetc anahwe awacic, ki wepicimiko motcik anihi matci manitowa kirika ki aiatcipitiko nac e opirikotc. Cecoc kitotew anihi matci manitowa: “Ponihi anahwe!” itew. Ki mirwatisihew anihi awaca. Minawatc ki iciwirew otatamirik.

Ka ki aitotiskeritci Cecoc otarotakana 16:18

Mitceto kickwa ni ki pa witcewokotan kiapatc e pa tepitepwetc. Kek Pwar cakaterimew. Ki kiwekapowiw e itatc anihi matci manitowa: “Cecoc Krist oticinikasowinik otci, kit ititin kitci orowiin neta!” Tecikotc ki orowiriwa anihi matci manitowa.

Jude 1:9

Wawatc anahwe kitci aceriw, Micer ka icinikasotc, nama wiskat ki otci totam. Mekwata ka kikamitotcik anahwe Micer kirika Matci Manitowa, ohweriw otci, awin nta e tacitcik ke kanaweritakipan Moïsa owiawiriw, anahwe kitci aceriw Micer nama ki otci itactahorew Matci Manitowa kitci marerimatc. Tepirak ki itew: “Kitci kicakonisk Teperitciketc!”