Mark 9:2 - Kice Manito Ocki Omirwatcimowin

² Ka ickwa nikotwaso kickokarik, ki matcewirew nicto owitcewakana Cecoc: Pien, Cak acitc Jean, nte e ici icpatinarik e iciwiratc. Wirancikewaw nete e taciketcik. Mekwata e kanawapamikotc, pitoc iti icinakosiw Cecoc.

Mark 9:2 Iomraidhean Croise

Matio 14:13

Ka petaketc Cecoc e ki nipahakaniwiritci Capatisa, ki matceho, wircike wiec e icitcimetc aka e ici taniwonik. Aric mitcet iriniwok ki petakewok. Ki otci matcawok otenamiwak, e nosanehwatcik Cecoca, rarewak sakihikanik e pimotetcik.

Mark 14:33

Minawatc ki matcewirew anihi Piena, Caka kirika Jeanwa. Aci ki iti micta arimeritam kaie e nekateritak.

Mark 16:12

Minawatc Cecoc ki totam pitoc kitci icinakositc e wapamikotc nicw owitcewakana, mekwata e icaritci kitikan askik itekera.

Mark 5:37

Nama kaie awocamec ki otci pakitinam Cecoc kitci witcewakaniwitc. Tepirak ki witcewiko Piena, Caka kirika Jeanwa (Cak anihi owitcicana).

Luc Omasinahikan 6:12

Ani apitc ekoni e iti amatciwetc Cecoc e matinarik e nta aiamihatc. Kape tipiskwa itanaho nete, e pakoserimatc Kice Manitowa.

Jean 1:14

Ki pe iriniwiw anahwe ka iteritakositc Itewin. Ni ki pe nta witci tacikemikonan, e micta mirotehetc kirika tekaci e tapweritakositc. Aci ni ki wapatamwanan oticperitakosiwin, aniheriw icperitakosiwiniw Kotawino Kice Manito ka ki miratc Okosa e peikociritci.

Rome iriniwok 12:2

Aka awocamec nosanetawakw e itatisitcik kotakihik iriniwok ota askik aka ka kicterimatcik Kice Manitowa. Aric pakitinakw Kice Manito kitci miritakw pitoc kitci ki aiteritamekw, kaie pitoc kitci ki itatisiekw. Ekoni ke otci kackitaiekw kitci nta kiskeritamekw mia e ici nataweritak kitci totamekw: e mirwacinik, ka ici mireritak kaie mia e itatisinaniwonik.

2 Corinthe iriniwok 13:1

Ekoni aci nictowaw kitci pe nta natawapamitakok. Ickwa takociniane nete, ki ka nosanetanano ohwe ka itasinatek Kice Manito Omasinahikanik: “Kecpin awik itactahorate owitc iriniwa, patoc nicw kekotc nicto kotakihik iriniwok itetawe kaie wirawaw e kiskeritakik e ki itotiskeritci.” Deutéronome 19.15

Pirip iriniwok 3:21

Kata meckotcitaw kiwiawinariw aka e mackawisimakanik, tekaci pitoc kitci icinakonik, mitowiriw owiaw Cecoc e icperitakonik. Kackitaw meka aniheriw kitci totak, wir e takonik mackawisiwiniw kaskina kitci ki tiperitak kekociciriw.

Ka ki ici wapatahakaniwitc Jean 20:11

Minawatc ni ki wapaten peikw micta okimaw tetapiwakan e wapak, kaie ni ki wapamaw awik neta e apitc. Aski kirika wakwek ki ocimoctakwinano, aka awocamec e ki otci nokoki.